Yedditəpə

Yedditəpə — Füzuli şəhərinin mərkəzindən 6 km şimal-şərqdə, Mirzəcamallı kəndi yaxınlığında yerləşir. Tunc dövrünə aid arxeoloji abidə hesab edilir. Yedditəpə iyirmiyə yaxın kurqandan ibarətdir. 1972-ci ildə arxeoloji qazıntılar zamanı Yedditəpədən erkən orta əsrlərə və daha əvvəlki dövrlərdə (IV–VI əsrlərə aid) daş qutu qəbirlər aşkar edilmişdir. Ölən adamlar bükülü vəziyyətdə bastırılmışdır. Qəbirlərdən gil, şüşə, tunc qablar, mis və gümüş bəzək əşyaları, heykəlciklər, musiqi alətləri, (sinclər), nizə balta, qılınc, xəngər, metal toqqa, zınqırov və s. tapılmışdır. Yedditəpə abidələri yerli tayfalara məxsus olub, onların Iran, Rоma və Bizansla iqtisadi və mədəni əlaqə saxlandırmağın göstərir.

Yedditəpə kurqanı
Ölkə	Azərbaycan
Şəhər	Füzuli
Yerləşir	Mirzəcamallı kəndi
Aidiyyatı	Tunc dövrü
Tikilmə tarixi	IV-VI əsrlər
Üslubu	kurqan
Yedditəpə kurqanı

Yedditəpə oronomi yeddi say bildirən sözdən və təpə oronomik terminindən əmələ gəlib. Belə metafor adlarda relyef formalarının sayını növünü bilmək asan olur. Bu arxeoloji abidə yeddi təpədən ibarət olduğu üçün Yedditəpə adını alıb.