Yeşim Ağaoğlu (türk. Yeşim Ağaoğlu; 21 yanvar 1966, İstanbul) — Türkiyə rəssamı və şairi. O, incəsənətin müxtəlif növlərində çalışır, xüsusən installyasiya, fotoqrafiya və videolar müəllifidir. İnteraktivlik onun incəsənətdəki əsas diqqət mərkəzidir.[1] Yeşim Ağaoğlunun yaradıcılığının əsas mövzularına poeziya (dil) və bədii münasibətlər, gender və feminizm məsələləri, memarlıq elementləri və siyasət daxildir. 1995-ci ildən bəri o, doqquz şeir toplusu nəşr etdirib və bu toplular onu Türkiyə ədəbi səhnəsində də görkəmli bir şəxsə çevirib.[2]
| Yeşim Ağaoğlu | |
|---|---|
| türk. Yeşim Ağaoğlu | |
 | |
| Doğum tarixi | 21 yanvar 1966 (59 yaş) |
| Doğum yeri | |
| Milliyyəti | türk |
| Vətəndaşlığı |
 Türkiyə |
| Fəaliyyəti | fotoqraf, şair, yazıçı, televiziya prodüseri[d] |
| Təhsili | |
| Stil | müasir incəsənət |
 Vikianbarda əlaqəli mediafayllar | |
Yeşim Ağaoğlunun ailəsi əslən Qarabağın Şuşa şəhərindədir. O, 21 yanvar 1966-cı ildə İstanbulda anadan olub. Yeşim Ağaoğlu İstanbul Universitetində Arxeologiya və İncəsənət Tarixi fakültəsində təhsil alıb. O, İstanbul Universitetinin Kommunikasiya Fakültəsinin Radio-TV-Film şöbəsində İncəsənət üzrə magistr dərəcəsinə yiyələnib. Nyu-York şəhərindəki İncəsənət Məktəbində Super 8 mm kamerasında işləmək üzrə xüsusi dərslər alıb. Bu dərslər nəticəsində o, "Tənhalıq, Maşınlar və Meditasiya" qısametrajlı filminin çəkib.[3]
Yeşim Ağaoğlunun şeirləri 18 yaşında olandan ədəbi jurnallarda dərc olunmağa başlayıb. O, Türkiyədə yeddi şeir toplusu və Azərbaycanda iki şeir kitabı nəşr etdirib. Ağaoğlunun şeirləri Azərbaycan, rus, ingilis, italyan və ispan dilləri də daxil olmaqla bir çox dilə tərcümə olunub. O, beynəlxalq PEN klubu assosiasiyasının və BESAM-ın (Elmi və Ədəbi Əsər Yaradıcıları Assosiasiyası) idarə heyətinin üzvüdür.[4] 2012-ci ildə Yeşim Ağaoğlu Azərbaycan Yazıçılar Birliyinin fəxri üzvü seçilib.
Yeşim Ağaoğlu 1996-cı ildən müxtəlif incəsənət formalarını birləşdirərək müasir incəsənət sahəsində fəaliyyətini davam etdirir. O, dörd fərdi sərgisi keçirib. Bu sərgilər Azərbaycan,[5] Gürcüstan, Bosniya və Herseqovina və Norveçdə baş tutub.[6] O, həmçinin Almaniya, Fransa, Polşa, Hollandiya, İtaliya, Bolqarıstan, Özbəkistan, Cənubi Koreya, Braziliya, Monqolustan və ABŞ kimi ölkələrdə bir sıra qrup sərgilərində iştirak edib. 2012-ci ildən Ağaoğlu Azərbaycan Rəssamlar İttifaqının fəxri üzvüdür.
Yeşim Ağaoğlunun bədii əsərləri vizual obyektlər və materialla kombinasiyası ilə fərqlənir. Əvvəlcə standart yazı maşınından istifadə edərək sarı kağıza yazılmış şeirləri bu əsərlərin mərkəzində yer alırdı. Sarı səhifələr əsas material və insanlarla məhdud ünsiyyət vasitəsi kimi xidmət edirdi, lakin sərgi məkanlarında nəhəng həndəsi yığınlar şəklində düzüldükdə, onlar həm də Fluksus hərəkatının üslubunda instalyasiyaya çevrilirdi. Yeşim Ağaoğlunun sərgi məkanındakı iştirakı, sənət əsərinin prosesində birbaşa iştirak etmək mənasında yaratmasa belə, yenilik hesab olunurdu. Lakin tamaşaçılar arasında daim yer alması yenilik təəssüratı yaradırdı. Əsərlərini yaratmağa yanaşması minimalist və təvazökardır. Populyarlıqdan və incəlikdən qaçan Yeşim Ağaoğlu onları "texniki cəhətdən sadə, lakin konseptual cəhətdən zəngin" kimi təsvir edir.[7]
-
Yeşim Ağaoğlu, sarı kağızlardan installyasiya -
"Böyük qardaş" bizi izləyir fotosu
- ↑ Yeşim Ağaoğlu’s art blog Arxiv surəti 20 aprel 2019 tarixindən Wayback Machine saytında
- ↑ Yeşim Ağaoğlu’s poetry blog Arxiv surəti 5 iyul 2019 tarixindən Wayback Machine saytında
- ↑ "World Healing, World Peace 2012: a Poetry Anthology: Vol II". 19 aprel 2021 tarixində arxivləşdirilib. İstifadə tarixi: 12 sentyabr 2019.
- ↑ "Yeşim Ağaoğlu's profile on PEN International". 23 mart 2016 tarixində orijinalından arxivləşdirilib. İstifadə tarixi: 12 sentyabr 2019.
- ↑ "Center Of Contemporary Art: "Our Beautiful Daily Life" Yesim Agaoglu solo exhibition in the Center of Contemporary Art, 05/04/2012". 21 aprel 2012.
- ↑ Yeşim Ağaoğlu’s «i can do it too» solo exhibition catalog in PDF Arxiv surəti 1 aprel 2021 tarixindən Wayback Machine saytında
- ↑ I’m Not There: New Art from Asia Gwangju Biennale Foundation, 2010 ISBN 978-89-87719-11-5
- Yeşim Ağaoğlu's art blog
- Yeşim Ağaoğlu's poetry blog
- Yeşim Ağaoğlu's profile on Saatchi Arxivləşdirilib 2021-04-01 at the Wayback Machine
- Yeşim Ağaoğlu's profile on artist.de