1463-cü ildə II Mehmed Macarıstanın hökmranlığı altında olan Bosniyanın katolik kralı Stefan Tomasoviçi təslim olacağı təqdirdə ona təhlükəsizlik vəd etməsinə baxmayaraq onu edam edərək Bosniyaya hücum etmiş və regionu ələ keçirmişdir.

1463-cü ilin sentyabrında papa II Piyin və Müqəddəs Roma imperiyasının himayəsi altında Macarıstan, Venesiya və Burqundiya hersoqluğuOsmanlı türklərinin Serbiyadakı işğallarına müqavimət göstərmək üçün ittifaq yaratmışdılar. 1463-cü ilin dekabrında Banya Lukanın cənubundakı strateji qala olan Yaytse 1463-cü il sentyabrın sonlarında Bosniyaya əks hücumun ardınca mühasirədən sonra Yanoş Hunyadinin oğlu Macarıstan kralı Matyas Korvin tərəfindən geri alınmışdı.

Yaytsenin yenidən fəth edilməsindən sonra bir çox digər Bosniya istehkamlı şəhərləri öz darvazalarını Macarıstan qoşunlarına açmışdır. Bosniyanın Osmanlılardan geri alınan hissəsi paytaxt Yaytse və onun hakimi olmaqla banat halında təşkil edilmişdi.

1464-cü ilin iyulunda Osmanlı sultanı II Mehmed Yaytseni geri almağa qərar vermiş, Bosniyaya yeni bir hücum əmri vermişdir. Mehmed özü şəxsən 30,000 nəfərdən ibarət qüvvəyə və altı daşatan topdan ibarət böyük bir mühasirə qatarına komandanlıq etmişdir.

Ehtimal olunur ki, görə Osmanlı ordusu Ədirnədən may ayının sonlarında yola düşmüşdü, "çünki Malipiero Yaytse mühasirəsini iyulun 10-dan avqustun 24-nə kimi qeyd edir və Enveridə bunun iyulda başladığını qeyd edir".

Osmanlı ordusunun əsas hissəsi 10 iyul 1464-cü ildə Yaytseyə çatmışdır. Altı həftədən çox davam edən kütləvi minalama və bombardmana baxmayaraq, Macarıstan müdafiəsi Osmanlı hücumlarını dəf etməyə nail olmuşdu. 22 avqustda Mehmed ertəsi səhər üç tərəfdən hücum əmri vermiş, ağır itkilərdən sonra Osmanlılar yenidən geri çəkilmişdir. Kral Matyaşın Sava çayından bir kömək qüvvəsi ilə irəliləməsi xəbəri Osmanlı ordusuna çatan zaman II Mehmed qüvvələrini tərk edərək toplarını çaya atmağa və 22 avqustda ordunun qışladığı Sofiyaya çəkilməyə qərar vermişdir.

Mehmed bəy Minnətoğlu Yaytsenin bu ikinci mühasirəsindən sonra valisi təyin edilmişdir.

Macarıstan qüvvələri Yaytse və Şimali Bosniyanın bəzi hissələri üzərində nəzarəti uğurla saxlamış olsalar da, qalan ərazilər Herseqovinanın süqutundan sonra 1483-cü ilə qədər tam üstünlük əldə edən Osmanlılara tabe olmuşdur.

• Ágoston, G. . Princeton University Press. 2023. ISBN 978-0-691-20539-7.
• Bideleux, R.; Jeffries, I. . Taylor & Francis. 2006. ISBN 978-1-134-71984-6. İstifadə tarixi: 2023-08-19.
• Hunyadi, Zsolt; Laszlovszky, József. The Crusades and the Military Orders: Expanding the Frontiers of Medieval Latin Christianity. Central European University Press. Dept. of Medieval Studies. 2001. ISBN 963-9241-42-3.
• Imber, C. . Bloomsbury Publishing. 2019. ISBN 978-1-352-00414-4.
• Imber, Colin. . Isis. 1990. səh. 190. ISBN 978-975-428-015-9.
• Kohn, G.C. . Facts on File library of world history. Facts On File, Incorporated. 2006. ISBN 978-1-4381-2916-7.
• Molnár, M. . Cambridge University Press. 2001. ISBN 978-0-521-66736-4.
• Pálosfalvi, T. . The Ottoman Empire and its Heritage. Brill. 2018. ISBN 978-90-04-37565-9. İstifadə tarixi: 2023-09-04.
• Šabanović, Hazim. . Oslobodenje. 1959.
• Zsolt Hunyadi; József Laszlovszky; Central European University. Dept. of Medieval Studies. . Central European University Press. 2001. 182–. ISBN 978-963-9241-42-8.
• Jaques, T.; Showalter, D.E. . Greenwood Press. 2007. ISBN 978-0-313-33538-9.
• Rudić, S.; Lovrenović, D.; Dragičević, P.; Beograd, I.; Sarajevu, F.U.; Banjaluci, F.U.; Isailović, N. . Zbornik radova / Istorijski institut Beograd. Историјски институт Београд. 2015. ISBN 978-86-7743-110-5. İstifadə tarixi: 2023-08-19.
• Van Antwerp Fine, J. . ACLS Humanities E-Book. University of Michigan Press. 1987. ISBN 978-0-472-10079-8.