Yaqub Məmmədov (birinci katib)

Yaqub Məmmədov
Yaqub Məmmədov
Azərbaycan Kommunist Partiyası Laçın Rayon Komitəsinin birinci katibi
	oktyabr 1981 – 16 mart 1986
Əvvəlki	Əhəd Kərimov
Sonrakı	Xanlar Məmmədov
Göyçay Rayon Xalq Deputatları Soveti İcraiyyə Komitəsinin sədri
	1977 – 1981
Şəxsi məlumatlar
Doğum tarixi	1938
Doğum yeri	Qızılağac, Göyçay rayonu, Azərbaycan SSR, SSRİ;
Vəfat tarixi	16 mart 1986 (47–48 yaşında)
Partiya	Sovet İttifaqı Kommunist Partiyası (1963–1986);
Təhsili	Bakı Dövlət Universiteti,; Bakı Ali Partiya Məktəbi;
Təltifləri

Yaqub Cəlal oğlu Məmmədov (1938, Qızılağac, Göyçay rayonu – 16 mart 1986) — Azərbaycan dövlət və partiya xadimi, Azərbaycan Kommunist Partiyası Laçın Rayon Komitəsinin birinci katibi (1981–1986), Göyçay Rayon Xalq Deputatları Soveti İcraiyyə Komitəsinin sədri (1977–1981).

Həyatı

Yaqub Cəlal oğlu Məmmədov 1938-ci ildə Göyçay rayonunun Qızılağac kəndində müəllim ailəsində anadan olmuşdur. Əmək fəaliyyətinə 1955-ci ildə rayondakı "Bolqarıstan" kolxozunda kolxozçu kimi başlamışdır. Sovet Ordusu sıralarında hərbi xidmət keçmiş, Azərbaycan Dövlət Universitetini bitirdikdən sonra beş il müəllim işləmiş və Qızılağac kənd orta məktəbinin direktoru olmuşdur.^[1]

1972-ci ildə Yaqub Məmmədov partiya işinə irəli çəkilmiş və Azərbaycan Kommunist Partiyası Göyçay Rayon Komitəsinin təlimatçısı, şöbə müdiri, sonra isə katibi olmuşdur. 1977-ci ildən Göyçay Rayon Xalq Deputatları Soveti İcraiyyə Komitəsinin sədri işləmiş, paralel olaraq Bakı Ali Partiya Məktəbinin qiyabi şöbəsini bitirmişdir. 1981-ci ilin oktyabr ayında Azərbaycan KP Laçın Rayon Komitəsinin birinci katibi seçilmiş və həyatının sonunadək bu vəzifədə çalışmışdır.^[1]

Yaqub Məmmədov 1963-cü ildən Sovet İttifaqı Kommunist Partiyasının üzvü olmuş, 11-ci çağırış Azərbaycan SSR Ali Sovetinin deputatı seçilmişdir. Ali Sovetin Mandat komissiyasının üzvü olmuşdur.^[2] Azərbaycan Kommunist Partiyasının XXXI qurultayında Azərbaycan KP Təftiş Komissiyasının üzvü seçilmişdir. "Qırmızı əmək bayrağı" ordeni və iki "Şərəf nişanı" ordeni ilə təltif edilmişdir.^[1]

Yaqub Məmmədov uzun sürən ağır xəstəlikdən sonra 1986-cı il martın 16-da 48 yaşında vəfat etmişdir.^[1]

İstinadlar

↑ ¹ ² ³ ⁴ Јагуб Ҹәлал оғлу Мәммәдов // Коммунист. № 68 (19939). 18 март 1986-ҹы ил. С. 3.
↑ Мәммәдов Јагуб Ҹәлал оғлу // Азәрбајҹан ССР Али Советинин депутатлары. Он биринҹи чағырыш. Бакы: Азәрбајҹан ССР Али Совети Рәјасәт Һеј'әтинин нәшри. 1985. С. 256.

[kom86-1] ¹ ² ³ ⁴ Јагуб Ҹәлал оғлу Мәммәдов // Коммунист. № 68 (19939). 18 март 1986-ҹы ил. С. 3.

[dep11-2] Мәммәдов Јагуб Ҹәлал оғлу // Азәрбајҹан ССР Али Советинин депутатлары. Он биринҹи чағырыш. Бакы: Азәрбајҹан ССР Али Совети Рәјасәт Һеј'әтинин нәшри. 1985. С. 256.

[1]

[2]