Bu məqalənin ensiklopedik tələblərə cavab vermədiyinə dair şübhələr var. |
Yaqub Valeh oğlu Hüseynov (13 avqust 1971, Bakı) — Azərbaycanlı sahibkar, sərmayəçi, developer və xeyriyyəçi. O, ”Bridge Group[1]” şirkətinin təsisçisidir. Bu təsisat həm yerli, həm də beynəlxalq bazarlarda inşaat, otelçilik və restoran, logistika, mülkiyyətin idarə edilməsi və kənd təsərrüfatı kimi sahələri əhatə edən şirkətlər qrupudur.
| Yaqub Hüseynov | |
|---|---|
 | |
| Digər adı | Yagub Huseynov |
| Doğum tarixi | 13 avqust 1971 (53 yaş) |
| Doğum yeri | |
| Uşaqları | iki oğlan, bir qız |
| Fəaliyyəti | sahibkar, investor |
Yaqub Hüseynov Bakıda anadan olub, Azərbaycan Dövlət Mədəniyyət və İncəsənət Universitetini bitirib.
O, Wharton Business School[2]-da Strateji Düşüncə və Liderlik proqramını, eləcə də Harvard Business School[3]-da Strategiyanın həyata keçirilməsi proqramını başa vurub.
Fəaliyyətini memarlıq-layihələndirmə və inşaat sahəsində başlayan Yaqub Hüseynov məqsədyönlü, yaradıcı və etibarlı peşəkar kimi nüfuz qazanıb.
Bu günə qədər bir çox beynəlxalq peşəkar assosiasiyaların mühüm və fəal üzvü kimi fəaliyyətini davam etdirməkdədir.
1998-ci ildə "Global Interiors Group" şirkətini təsis edib. Bu şirkət Azərbaycan bazarında qısa bir zamanda aparıcı memarlıq və tikinti şirkətlərinin siyhısında yer alıb.
2007-ci ildə Bakıda ilk kommersiya daşınmaz əmlak mərkəzlərindən biri - "Bridge Plaza"[4] inşa edilmişdir.
Növbəti illərdə Yaqub Hüseynov restoran və otelçilik sahələrində “HomeBridge”, "Molokan INN" "Qaynana", "Jasmine"[5], "HamamBath" SPA Sağlamlıq və istirahət mərkəzi; “Univerium” tələbə şəhərciyi;[6] logistika sahəsində "StoreBridge" anbar kompleksi kimi iri layihələri həyəta keçirmişdir. O, həmçinin “SABAH[7]” futbol klubunun direktorlar şurasının sədri və sahibidir.
2019-cu ildə biznes təsisatlarının əksəriyyəti yeni yaradılmış ‘’Bridge Group of Companies’’ şirkətlər qrupu daxilində birləşdirilib.
Yaqub Hüseynov bu şirkətdə Müşahidə Şurasının sədri[8] vəzifəsində fəaliyyət göstərir.
Yaqub Hüseynov Cenevrə Biznes və İdarəetmə İnstitutu tərəfindən ən yaxşı regional işəgötürən kimi tanınıb.
2011-ci ildə Cenevrədə keçirilən mərasimdə "Gold Star Quality[9]" mükafatını alıb.
Yaqub Hüseynov ailəlidir, 3 övladı var – iki oğlu və bir qızı.
(Qızı[10] - Fidan Hüseynova[11] — Azərbaycanlı müğənni)
Bu məqalədəki istinadlar müvafiq istinad şablonları ilə göstərilməlidir. |
- ↑ "Arxivlənmiş surət". 2022-01-05 tarixində arxivləşdirilib. İstifadə tarixi: 2022-01-06.
- ↑ "Arxivlənmiş surət". 2022-01-10 tarixində arxivləşdirilib. İstifadə tarixi: 2022-01-06.
- ↑ "Arxivlənmiş surət". 2022-01-15 tarixində arxivləşdirilib. İstifadə tarixi: 2022-01-06.
- ↑ "Arxivlənmiş surət". 2021-12-29 tarixində arxivləşdirilib. İstifadə tarixi: 2022-01-06.
- ↑ "Arxivlənmiş surət". 2022-01-05 tarixində arxivləşdirilib. İstifadə tarixi: 2022-01-06.
- ↑ "Arxivlənmiş surət". 2022-01-05 tarixində arxivləşdirilib. İstifadə tarixi: 2022-01-06.
- ↑ "Arxivlənmiş surət". 2019-12-28 tarixində arxivləşdirilib. İstifadə tarixi: 2022-01-06.
- ↑ "Arxivlənmiş surət". 2022-01-26 tarixində arxivləşdirilib. İstifadə tarixi: 2022-01-06.
- ↑ "Arxivlənmiş surət". 2022-01-09 tarixində arxivləşdirilib. İstifadə tarixi: 2022-01-07.
- ↑ "Arxivlənmiş surət". 2022-01-05 tarixində arxivləşdirilib. İstifadə tarixi: 2022-01-06.
- ↑ Fidan Hüseynova