Yaponiyada idman — Yaponiya mədəniyyətinin əsas hissələrindən biri.
Ölkədə mütəmadi olaraq beynəlxalq idman tədbirləri təşkil edilir. Onlardan ən nüfuzlusu Olimpiya Oyunları olmuşdur. Belə ki, 1964-cü ildə Yaponiyanın paytaxtı Tokio şəhərində Yay Olimpiya Oyunları keçirilmişdir. Bundan sonra Yaponiya iki dəfə də Qış Olimpiya Oyunlarına ev sahibliyi etmişdir: 1972-ci ildə Sapporoda və 1998-ci ildə Naqanoda[1].
1981-ci ildən 2004-cü ilə qədər Yaponiya futbol üzrə Qitələrarası Kubokun keçirildiyi məkan olmuşdur. Bu ölkə Cənubi Koreya ilə birlikdə 2002-ci ildə Futbol üzrə dünya çempionatına ev sahibliyi etmişdir[2].
.jpg)
Meyci islahatından sonra Yaponiya bir çox qərb idman növü ilə tanış olmuşdur və bu idman növləri ölkənin təhsil sistemi vasitəsilə yayılmağa başlamışdır[4].
Yaponiya Asiyanın ən uğurlu reqbi komandasına malikdir: Reqbi üzrə Asiya çempionatını hamıdan çox — 6 dəfə qazanmış, yenicə təşkil olunmuş Reqbi üzrə Sakit okean dövlətləri çempionatının 2011-ci ildə qalibi olmuşdur. 2019-cu ildə Yaponiyada Reqbi üzrə dünya çempionatı keçiriləcək[5].
Tokio 2020-ci ildə ikinci dəfə Yay Olimpiya Oyunlarına ev sahibliyi edəcək və nəticədə Yay Olimpiya Oyunlarına iki dəfə ev sahibliyi edən ilk Asiya şəhəri olacaq[6].
Beyzbol hazırda ölkədə ən məşhur idman növüdür. Yaponiyanın ən üst peşəkar beyzbol liqası olan "Nippon Peşəkar Beyzbolu" (NPB) 1936-cı ildə təşkil edilmişdir[7].
1992-ci ildə Yaponiya Peşəkar Futbol Liqasının (J. Liqası) qurulmasından bəri futbol da populyarlıq əldə etmişdir[8].
Yaponiya milli futbol komandası Asiyanın ən müvəffəqiyyətli futbol komandalarından biridir: Asiya Kubokunu 4 dəfə – 1992, 2000, 2004 və 2011-ci ildə qazanmışdır[9], 2001-ci ildə isə FİFA Konfederasiyalar Kubokunun finalçısı olmuşdur. Bundan əlavə, Yaponiyanın qadınlardan ibarət milli futbol komandası 2011-ci ildə dünya çempionu olmuşdur[10].
Qolf da Yaponiyada məşhur idman növüdür[11].
Ölkədə Super GT seriyası avtoyarışları və Formula Nippon formula yarışları keçirilir[12].
Yaponiya NBA-da bir basketbolçu ilə – Yuta Tabuse ilə təmsil olunur[13].
- ↑ "Olympic History in Japan". Japanese Olympic Committee. 6 noyabr 2015 tarixində arxivləşdirilib. İstifadə tarixi: 23 yanvar 2016.
- ↑ "Previous FIFA World Cups". FIFA. 2 noyabr 2013 tarixində orijinalından arxivləşdirilib. İstifadə tarixi: 23 yanvar 2016.
- ↑ "Sumo: East and West". PBS. 30 sentyabr 2007 tarixində orijinalından arxivləşdirilib. İstifadə tarixi: 23 yanvar 2016.
- ↑ "Culture and Daily Life". Embassy of Japan in the UK. 17 mart 2007 tarixində arxivləşdirilib. İstifadə tarixi: 23 yanvar 2016.
- ↑ "rugbyworldcup.com". 17 dekabr 2013 tarixində orijinalından arxivləşdirilib. İstifadə tarixi: 23 yanvar 2016.
- ↑ "IOC selects Tokyo as host of 2020 Summer Olympic Games". 7 aprel 2016 tarixində arxivləşdirilib. İstifadə tarixi: 18 noyabr 2017.
- ↑ Nagata, Yoichi; Holway, John B. Japanese Baseball // Palmer, Pete (redaktor). Total Baseball (4th). Viking Press. 1995. səh. 547.
- ↑ "Soccer as a Popular Sport: Putting Down Roots in Japan" (PDF). The Japan Forum. 13 iyun 2007 tarixində arxivləşdirilib (PDF). İstifadə tarixi: 23 yanvar 2016.
- ↑ "Team Japan". Asian Football Confederation. 25 yanvar 2016 tarixində orijinalından arxivləşdirilib. İstifadə tarixi: 23 yanvar 2016.
- ↑ "Japan edge USA for maiden title". FIFA. 17 iyul 2011. 12 yanvar 2016 tarixində orijinalından arxivləşdirilib. İstifadə tarixi: 23 yanvar 2016.
- ↑ Varcoe, Fred. "Japanese Golf Gets Friendly". Metropolis. 26 sentyabr 2007 tarixində arxivləşdirilib. İstifadə tarixi: 23 yanvar 2016. (#apostrophe_markup)
- ↑ Clarke, Len. "Japanese Omnibus: Sports". Metropolis. 26 sentyabr 2007 tarixində arxivləşdirilib. İstifadə tarixi: 23 yanvar 2016.
- ↑ "Hoop Dreams – Yuta Tabuse, "The Jordan of Japan"". Consulate General of Japan in New York. dekabr 2004 – yanvar 2005. 3 dekabr 2010 tarixində arxivləşdirilib. İstifadə tarixi: 23 yanvar 2016.