Yad əllərdə: Kindertransport hekayələri

Yad əllərdə: Kindertransport hekayələri (ing. Into the Arms of Strangers: Stories of the Kindertransport) — 2000-ci ildə ABŞ-də istehsal olunmuş sənədli film.

Yad əllərdə: Kindertransport hekayələri
ing. Into the Arms of Strangers: Stories of the Kindertransport
Janr	Sənədli film
Əsas mövzu	İkinci Dünya müharibəsi, Holokost
Rejissor	Mark Conatan Harris
Prodüser	Debora Oppenhaymer
Ssenari müəllifi	Mark Conatan Harris
Baş rolda	Cudi Denç (hekayəçi)
Bəstəkar	Li Holdric
İstehsalçı	Warner Bros.
Distribütor	Warner Bros., Netflix
İlk baxış tarixi	7 sentyabr 2000 (ABŞ) 24 noyabr 2000 (Böyük Britaniya)
Müddət	122 dəqiqə
Ölkələr	ABŞ  Böyük Britaniya
Dil	ingilis dili
İl	2000
Rəng	rəngli[d]
IMDb	ID0248912
Mükafatları

Filmdə İkinci Dünya müharibəsi ərəfəsində həyata keçirilmiş "Kindertransport" xilasetmə əməliyyatının tarixindən danışılır. Bu əməliyyatın mahiyyəti Nürnberq irqi qanunlarına əsasən yəhudi hesab edilən uşaqların nasist Almaniyasından, Avstriyadan, Çexoslovakiyadan, Polşadan və Sərbəst şəhər Dansiqdən daşınaraq Böyük Britaniyada yerləşdirilməsindən ibarət idi. Böyük Britaniya təxminən 10.000 gənc qaçqını qəbul etdi. Onlar ölkənin himayədar ailələrində, fermalarda və yataqxanalarda yerləşdirildilər. Filmdə Nasist Almaniyasından qaçıb İngiltərədə yaşayan uşaqların göndərdikləri arxivlərdən istifadə edilir.

Filmin rejissoru və ssenari müəllifi Mark Conatan Harrisdir. Film 2001-ci ildə “Ən Yaxşı sənədli film” kateqoriyasında "Oskar" mükafatına layiq görülüb.^[1] "Yad əllərdə: Kindertransport hekayələri" sənədli filmi 2014-cü ilin dekabrında Konqres Kitabxanası tərəfindən "mədəni, tarixi və estetik olaraq mühüm film" kateqoriyasına aid edilərək, ABŞ Milli Film Arxivində mühafizə edilməsinə qərar verilmişdir.^[2]