Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinYa Hüseyn (ərəb. يَا حُسَيْن) — Hüseyn ibn Əlini yad etmək və ya onun şəfaətinə müraciət məqsədilə şiə müsəlmanlar tərəfindən istifadə olunan ərəbcə ifadə. Xüsusilə Məhərrəm ayının matəm mərasimləri zamanı geniş istifadə olunur. Bu ifadə çox vaxt bayraqlarda da yazılır.[1] Hüseyn şiəlikdə yüksək məqama malikdir və üçüncü imam hesab olunur.[2][3][4]
Müasir İranda Hüseynin adı qırmızı bayraqlar üzərində adətən "ya ləsarə əl-Hüseyn" (hərf. "Ey Hüseynin intiqamını alanlar") formasında qeyd olunur. Şiə rəvayətlərinə görə, Hüseynin döyüşçüləri qırmızı bayraq altında vuruşmuşdular.[5] Qırmızı rəng Hüseynin şəhadət qanını simvolizə edir və bu, bəzi hədislərdə də vurğulanmışdır. Məsələn, "əl-Mucəmül-Kəbir" və "Məcməüz-Zəvaid" əsərlərində qeyd olunmuşdur ki, Hüseynin şəhid olduğu vaxt səma qırmızı rəngə bürünmüş və bir neçə gün qanla boyanmış kimi görünmüşdür. Bəzi İran şiə ənənələrinə görə, "ya ləsarə əl-Hüseyn" ifadəsi "Qeyb imamı"nın (İmam Mehdi) qayıdışı zamanı möminlər üçün bir çağırış şüarı olmalıdır.[6]
Qırmızı bayraq Cəmkəran məscidində xüsusilə Qasım Süleymaninin qətlindən sonra "onun qanının intiqamını almaq" məqsədilə ucaldılmışdır. Bu barədə məscidin idarəçisi Yasin Hüseyn Abadi məlumat vermişdir.[7] Eyni bayraq 2025-ci ildə İsrailin İrana endirdiyi zərbələr zamanı da intiqam rəmzi kimi yenidən qaldırılmışdır.[8]
- ↑ "Shi'ite Religious Flags (Iraq)". www.crwflags.com. İstifadə tarixi: 17 may 2025.
- ↑ "Husayn ibn Ali | Biography, Death, & Significance | Britannica". www.britannica.com (ingilis). İstifadə tarixi: 17 may 2025.
- ↑ "Husayn B. 'Ali: Life and Significance in Shi'ism | The Institute of Ismaili Studies". www.iis.ac.uk (ingilis). İstifadə tarixi: 17 may 2025.
- ↑ "Imam Hussain (AS) | Biography, Characteristics & Teachings – International Shia News Agency" (ingilis). 2 fevral 2025. İstifadə tarixi: 17 may 2025.
- ↑ Doroshenko, E. A. Shiitskoye dukhovenstvo v sovremennom Irane Шиитское духовенство в современном Иране [Shiite Clergy in Modern Iran] (rus) (2). Moscow: Nauka. 1985. səh. 71. OCLC 13670903.
- ↑ "Signs and Incidents that Became Appeared after the Martyrdom of Imam Husayn". Al-islam.org. İstifadə tarixi: 14 iyun 2025.
- ↑ "No, a 'red flag' of revenge was not raised for the first time on an Iran mosque". Agence France-Presse. İstifadə tarixi: 14 iyun 2025.
- ↑ "Iran Raises Red Flag of Revenge". Kashmir Observer. 13 iyun 2025. İstifadə tarixi: 14 iyun 2025.