Yaşar İslam oğlu Qaraxanov (1941) — Azərbaycan dövlət xadimi, Azərbaycan SSR ticarət naziri (1987–1989).
| Yaşar Qaraxanov | |
|---|---|
 | |
 .svg){kind=small} | |
| 20 aprel 1987 – 22 aprel 1989 | |
| Əvvəlki | Timur Məmmədov |
| Sonrakı | Ağasəlim Bağırov |
| Şəxsi məlumatlar | |
| Doğum tarixi | 1941 |
| Partiya | |
| Təhsili | |
| Elmi fəaliyyəti | |
| Elmi dərəcəsi |
|
Yaşar İslam oğlu Qaraxanov 1941-ci ildə qulluqçu ailəsində anadan olmuşdur. Azərbaycan Neft və Kimya İnstitutunu və Sov.İKP MK yanında İctimai Elmlər Akademiyasını bitirmişdir. İqtisad elmləri namizədi elmi dərəcəsini almışdır.[1]
1960-cı ildən "Orconikidzeneft" Neft və Qazçıxarma İdarəsində neftçıxarma operatoru, Daşkənd Magistral Qaz Kəmərləri İdarəsinin böyük mühəndisi, "Neft kimyası cihazları" xüsusi konstruktor bürosunun mühəndisi, böyük mühəndisi, Azərbaycan Kommunist Partiyası Nərimanov Rayon Komitəsinin sənaye və nəqliyyat şöbəsinin təlimatçısı olmuşdur. 1970–1973-cü illərdə Bakı elektrotermik avadanlığı zavodunun xüsusi konstruktor bürosunun baş konstruktoru, baş mühəndisi, 1973-cü ildən Azərbaycan KP Nərimanov Rayon Komitəsinin şöbə müdiri, Azərbaycan KP Mərkəzi Komitəsinin təlimatçısı vəzifələrində çalışmışdır. Sov.İKP MK yanında İctimai Elmlər Akademiyasının müdavimi olmuşdur.[1]
Yaşar Qaraxanov 1979-cu Azərbaycan KP MK yüngül sənaye və xalq istehlakı məhsulları şöbəsi müdirinin müavini, 1981-ci ildən isə həmin şöbənin müdiri olmuşdur.[2] 1987–1989-cu illərdə Azərbaycan SSR ticarət naziri vəzifəsində işləmişdir.
Yaşar Qaraxanov 1968-ci ildən Sov.İKP üzvü olmuş, Azərbaycan SSR Ali Sovetinin X və XI çağırış deputatı seçilmişdir.[2]
- ↑ 1 2 Гараханов Јашар Исламович // Азәрбајҹан ССР Али Советинин депутатлары. Онунҹу чағырыш. Бакы: Азәрбајҹан Дөвләт Нәшријјаты. 1982. С. 91.
- ↑ 1 2 Гараханов Јашар Исламович // Азәрбајҹан ССР Али Советинин депутатлары. Он биринҹи чағырыш. Бакы: Азәрбајҹан ССР Али Совети Рәјасәт Һеј'әтинин нәшри. 1985. С. 83.