Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Xudabəndə məscidi — İrəvanda ilk böyük məscid.
Azərbaycan arxeoloqu və epiqrafçısı İsa Əzimbəyov 1928-ci ildə İrəvanda ekspedisiyada olmuşdur. Ekspedisiyanın nəticələrinə dair yazdığı "Tiflisin, İrəvanın və Naxçıvan SSR-in müsəlman kitabələri" adlı məqaləsində göstərir ki, həmin vaxt Məşədi Cabbar adlı şəxs ona yaxınlıqda Şah Abbas məscidindən daha qədim bir məscidin olduğunu və onun şah Xudabəndə tərəfindən inşa edildiyini söyləmişdir.
Uzunluğu 9 metr olan bu məscidin eni 6 metr, hündürlüyü isə 12 metr idi. Çox da hündür olmayan bir mehrabı varmış.[1] Bişmiş qırmızı kərpicdən inşa edilmiş məscidin giriş qapısının üstündəki kitabədə əbcəd hesabı ilə onun təmir olunma tarixi də göstərilib.[2]Kiçik mehrabı olan məscid qırmızı bişmiş kərpicdən inşa edilmişdir. 1685-ci ildə Səfəvi hökmdarı Şah Süleyman tərəfindən təmir etdirilən məscidin giriş qapısı üzərində bir təmir kitabəsi qoyulmuşdur.[3]
Sənge tarixe çu məqsud şod əz dur zəman,
Kordən xodid be tarixe qədim Əhməd xan.
Buradan aydın olur ki, məscid hicri tarixi ilə 1099-cu ildə, miladi ilə 1685-ci ildə Səfəvi hökmdarı şah Süleyman (hak. 1666–1694) tərəfindən təmir olunmuşdur. Yuxarıda göstərilən Əhməd xan sözü əbcəd hesabı ilə 704-cü hicri ilini (miladi 1305) əmələ gətirir ki, bu da Elxani hökmdarı Olcaytu Məhəmməd Xudabəndi Xulaqiydinin hakimiyyət illərinə (hak. 1304–1316) düşür.
- "18 APREL - TARİXİ ABİDƏLƏRİN MÜHAFİZƏSİ GÜNÜ". greenstartacademy.az. İstifadə tarixi: 15 mar 2025.
- "İrəvan məscidləri". modern.az. İstifadə tarixi: 15 mar 2025.
- ↑ "Erməni vandallarının məhv etdikləri İrəvan məscidləri". ikisahil.az. 2023-06-22 tarixində arxivləşdirilib. İstifadə tarixi: 8 fev 2025.
- ↑ "Qərbi Azərbaycanda türk memarlıq irsinə erməni təcavüzü". www.anl.az. İstifadə tarixi: 8 fev 2025.
- ↑ Azimbeyov, page, s. 301.
Bu məqalə qaralama halındadır. Məqaləni edərək Vikipediyanı zənginləşdirə bilərsiniz. |