Xaron

Xaron, (134340) Pluto I kimi də tanınan peyk, Plutonun 5 təbii peyki arasından ən böyüyüdür. Peykin orta radiusu 606 kilometrdir. Xaron - Pluton, Erida, Haumea, Makemake və Gonggongdan sonra altıncı ən böyük transneptun obyektidir.^[3] 1978-ci ildə, ABŞ-nin Vaşinqtonda yerləşən ABŞ Hərbi Dəniz Rəsədxanasında fotoqrafiya lövhələrindən istifadə edilərək kəşf edilmişdir.

Xaron
Kəşfi
Kəşf tarixi	22 iyun 1978
Orbital xarakteristikaları
Perisentri	19.592,61 km
Aposentri	19.598,92 km
Böyük yarımoxu	19.591,4 km
Orbitinin ekssentrisiteti	0[1]
Siderik dolanma dövrü	6,38723 sut
Orbitin meyli	0,080 dərəcə, 119,591±0,014 dərəcə, 112,783±0,014 dərəcə
Qalxan düyünün uzunluğu	223,046±0,014 dərəcə
Nəyin peykidir	Pluton
Fiziki xarakteristikaları
Qütb sıxılması	< 0,5 %[2]
Kütləsi	1,52 ± 0,06 Yq
Orta sıxlığı	1,702 ± 0,021 q/sm³[1]
Sərbəstdüşmə təcili	0,288 m/s²
Albedo	0,372
Görünən ulduz ölçüsü	16,8
Mütləq ulduz ölçüsü	1
Vikianbarda əlaqəli mediafayllar

Diametri Plutonun yarısı qədər, kütləsi isə Plutonun səkkizdə biri qədər olan Xaron, aid olduğu planetlə müqayisədə olduqca böyük bir peykdir. Onun elə cazibə qüvvəsi var ki, Pluton sisteminin bari mərkəzi Plutonun xaricində yerləşir.

Xaronun şimal qütbünün qırmızı-qəhvəyi rəngli örtüyü, həyat üçün vacib ola biləcək maddə olan tolin üzvi makromolekullarından ibarətdir. Bu tolinlər Plutonun atmosferindən buraxılmış və Xarona qədər 19,000 km məsafə qət etmiş metan, azot və digər bənzər qazlardan yaranmışdır.

Yeni üfüqlər kosmik gəmisi Plutonun sistemini ziyarət etmiş yeganə kosmik gəmidir. Həmin kosmik gəmi 2015-ci ildə Xaronun 27,000 kilometrliyinə qədər yaxınlaşmışdır.