Bu məqalə avtobioqrafiyadır, və ya məqalə subyekt yaxud mövzu ilə əlaqəli şəxslər tərəfindən geniş şəkildə edilmişdir. |
Xanhüseyn Elman oğlu Abuşov (8 iyul 2002, Bakı) — Azərbaycanı təmsil edən eşitmə əngəlli Yunan-Roma güləşiçisidir. O, milli və beynəlxalq səviyyədə bir neçə mühüm turnirdə iştirak etmiş və ölkəsinə medallar qazandırmışdır. Xanhüseyn bir neçə dəfə dünya çempionatlarında, eləcə də Yay Deaflympics oyunlarında mübarizə aparmış, burada fərqli çəki dərəcələrində gümüş və bürünc medallar qazanmışdır.
| Xanhüseyn Abuşov | |
|---|---|
 2021 İstanbul, Türkiyə, Bürünc medal | |
| Şəxsi məlumatlar | |
| Tam adı | Xanhüseyn Elman oğlu Abuşov |
| Milliyəti |
 Azərbaycan |
| Doğum tarixi | 8 iyul 2002 (22 yaş) |
| Doğum yeri | |
| Boyu | 180 sm |
| Çəkisi | 77 kq |
| İdman növü | Yunan-Roma güləşi |
| Məşqçisi | Rəsul Çunayev |
| Komandası | Sərhədçi İdman Olimpiya Mərkəzi |
| 8 iyun 2025 tarixində yenilənib. | |
Xanhüseyn Abuşov, 8 iyul 2002-ci ildə Bakı şəhərində anadan olmuşdur. Təhsilinə 2008-ci ildə Bakı şəhərində yerləşən 194 saylı tam orta məktəbdə başlamış və 2017-ci ildə həmin məktəbin 9-cu sinfini bitirmişdir.
Təhsil həyatına davam etmək məqsədilə 2018-ci ildə 277 saylı İdman Liseyinə qəbul olunmuş və burada iki il – 2020-ci ilə qədər təhsilini davam etdirmişdir.
2021-ci ildə isə Rusiyanın paytaxtı Moskva şəhərində yerləşən Sosial Pedaqoji Universitetinin Fiziki tərbiyə müəllimliyi fakültəsinə daxil olmuşdur. Burada dörd il davam edən təhsilini 2025-ci ildə uğurla başa vuraraq ixtisas üzrə bakalavr diplomu almışdır.
Xanhüseyn Abuşov (Yunan-Roma güləşiçisi)[1] - idman karyerasına yeniyetmə yaşlarında başlamışdır. O, güləş idman növünə erkən yaşlardan maraq göstərmiş və bu sahədə ilk uğurlarını məktəb yaşlarında əldə etmişdir. 2016-cı ildə keçirilən Azərbaycan birinciliyində yeniyetmələr arasında fərqlənərək gümüş medal qazanmışdır. Həmin dövrdən etibarən o, sistemli şəkildə peşəkar məşqlərə başlamış və özünü bu sahədə inkişaf etdirmişdir.
Eyni ildə (2016) - İran İslam Respublikasında keçirilən ənənəvi “İman Yadigar” beynəlxalq turnirində həm fərdi, həm də komanda yarışlarında çıxış etmişdir. Fərdi yarışlarda 54 kq çəki dərəcəsində qızıl medal qazanan Abuşov, komanda yarışında isə ikinci yerə layiq görülmüşdür. Bu uğurlar onun beynəlxalq yarış təcrübəsini artırmaqla yanaşı, Azərbaycan eşitmə əngəlli idmançılar arasında tanınmasına şərait yaratmışdır.
Növbəti illərdə də Xanhüseyn Abuşov müxtəlif yerli və beynəlxalq turnirlərdə iştirak edərək mükafatçılar sırasında yer almışdır. O, bir neçə dəfə Azərbaycan çempionatlarında fərqli nəticələr göstərmiş və medallar qazanmışdır. Bundan başqa, dünya çempionatlarında və Deaflympics (Eşitmə Əngəllilər üçün Olimpiya Oyunları) yarışlarında iştirak edərək Azərbaycanın idman şərəfini qorumuşdur.
- 2018-ci il – Bakı şəhərində keçirilən Bakı birinciliyində “Neftçi” İdman Klubunun heyətində iştirak etmişdir. Həmin turnirdə klubun güləşçiləri ümumilikdə yeddi medal qazanmış, Xanhüseyn Abışov isə bürünc medala layiq görülmüşdür.[2][3]
- 2021-ci il – 2–8 iyul tarixlərində Türkiyənin İstanbul şəhərində keçirilən Eşitmə Əngəllilər arasında Yunan-Roma güləşi üzrə Dünya Çempionatında 67 kq çəki dərəcəsində çıxış etmişdir :
- Gənclər arasında – 🥈 Gümüş medal
- Böyüklər arasında – 🥉 Bürünc medal
Bu uğurlarına görə 17 iyul 2021-ci ildə Azərbaycan Respublikası Dövlət Sərhəd Xidmətinin Sərhədçi İdman Olimpiya Mərkəzinin rəisi, polkovnik Elşən Mirzəyev tərəfindən təltif olunmuşdur.[4][5]
- 7 noyabr 2021-ci il – ICSD (Beynəlxalq Karlar İdman Komitəsi) tərəfindən rəsmi sertifikatla təltif edilmiş və Deaflympics (Eşitmə Əngəllilər üçün Olimpiya Oyunları) oyunlarında iştirak etməyə rəsmi olaraq hüquq qazanmışdır.[6]
- 2022-ci il – Braziliyanın Caxias do Sul şəhərində təşkil olunan XXIV Yay Deaflimpiyada (Eşitmə Əngəllilər üçün Olimpiya Oyunları) - Azərbaycanı təmsil etmişdir.
- 2023-cü il – Qırğızıstanın Bişkek şəhərində keçirilmiş Dünya Çempionatında uğurla çıxış edərək bürünc medal qazanmışdır.[7]
- 2016-cı il — Yeniyetmələr arasında keçirilən Azərbaycan çempionatında uğurlu çıxışı ilə gümüş medal əldə etmişdir.
- 2016-cı il — (Eyni ildə), İranda təşkil olunan məşhur İman Yadigar turnirində isə həm fərdi, həm də komanda yarışlarında yüksək nəticələr göstərmişdir :
- Komanda yarışında 2-ci yerə layiq görülmüş,
- Fərdi yarışlarda isə 54 kq çəki dərəcəsində göstərdiyi performansla qızıl medal qazanmışdır.
2021-ci ilin 2–8 iyul tarixlərində keçirilən V ICSD Karlar arasında Dünya Çempionatında Xanhüseyn Abuşov Azərbaycan milli komandasının heyətində iştirak etmişdir. O, yarımfinal mərhələsində Rusiya təmsilçisinə məğlub olmuş, lakin üçüncü yer uğrunda görüşdə İranlı rəqibini məğlub edərək bürünc medal qazanmışdır.
2–12 sentyabr 2023-cü il tarixlərində Qırğızıstanın Bişkek şəhərində keçirilən VII Dünya Karlararası Güləş Çempionatında Xanhüseyn Abuşov Azərbaycan komandasının kapitanı kimi iştirak etmişdir. 72 kq çəki dərəcəsində yarışan idmançı, yarımfinalda İranlı rəqibinə qarşı görüşdə zədələnmiş, lakin üçüncü yer uğrunda qarşılaşmaya çıxaraq Ermənistan təmsilçisini məğlub etmiş və bürünc medal əldə etmişdir.[8]
- 2008–2017: Bakı şəhəri 194 nömrəli tam orta məktəbdə ümumi orta təhsil almışdır.
- 2018–2020: 277 nömrəli İdman Litseyində təhsilini davam etdirmişdir.
- 2021–2025: Moskva Sosial-Pedaqoji İnstitutunun Fiziki tərbiyə müəllimliyi fakültəsində ali təhsil almışdır.
- ↑ Azərbaycan Milli Paralimpiya Komitəsi – Sağır idmançılar siyahısı, deflimpiya.az
- ↑ "Neftçi İdman Klubunun güləşçiləri Bakı birinciliyində yeddi medal qazanıblar" (az.). AZƏRTAC. İstifadə tarixi: 2025-06-11.
- ↑ "Güləşçilərimiz 7 medal qazandılar" (az.). Neftçi İK İctimai Birliyi. İstifadə tarixi: 2025-06-11.
- ↑ "Sərhədçi qalib güləşçini təltif etdi" (az.). Allsport.az. İstifadə tarixi: 2025-06-11.
- ↑ "Eşitmə əngəlli güləşçilərimiz Dünya Çempionatında medallar qazandı – FOTO" (az.). Oxu.az. İstifadə tarixi: 2025-06-11.
- ↑ Xanhüseyn Abışovun Deaflympics sertifikatı, Wikimedia Commons
- ↑ United World Wrestling nəticələr sənədi, səhifə 16
- ↑ United World Wrestling nəticələr sənədi, səhifə 16
