Bu məqalə böyük ölçüdə və ya tamamilə tək mənbəyə əsaslanır. |
Bu məqaləni vikiləşdirmək lazımdır. |
Xalis Oruc oğlu Güləhmədov (2 may 1917 – 8 mart 2002, Gəncə) — kənd təsərrüfatı elmləri doktoru (1965), professor (1966).
| Xalis Güləhmədov | |
|---|---|
| Xalis Oruc oğlu Güləhmədov | |
| Doğum tarixi | 2 may 1917 |
| Vəfat tarixi | 8 mart 2002 (84 yaşında) |
| Vəfat yeri | |
| Elm sahələri | Bitki seleksiyası, pambıqçılıq |
| Elmi dərəcəsi | |
| İş yeri | |
| Təhsili | |
Xalis Güləhmədov 2 may 1917-ci ildə Borçalı mahalına qonşu Ahalkələk (Ağcaqala) rayonunun Koqiya kəndində anadan olub.[1] Uşaq ikən yetim qaldığından orta təhsilini Gəncə şəhərinin uşaq evində alıb.
Xalis Güləhmədov 1936–1939-cu illərdə Azərbaycan kənd təsərrüfatı institutun tələbəsi, 1939-cu ildə "Aztexbarit" zavodunda laborant işləyib. Həmin il orduya səfərbər olub və 1947-ci il daxil olmaqla orduda xidmət edib. Müharibə zamanı siravi əskərdən kapitan rütbəsinə qədər yüksəlmişdir, Berlin şəhərinin döyüşlərində iştirak etmiş, 2 "Vətən müharibəsi" ordenləri və 7 medallarla təltif edilmişdir. Böyük Vətən müharibəsi veteranıdır. Müharibə qurtarandan sonra ali təhsilini başa çatdırmiş, Elmi-tədqiqat pambıqçılıq institutunda aspiranturanı uğurla bitirmiş, həmin institutda uzun müddət işləmiş və 1962–1969-cu illərdə onun direktoru olmuşdur. 1969–2002-ci illərdə Azərbaycan Kənd təsərrüfatı Akademiyasında texniki bitkilər və seleksiya kafedrasının müdiri vəsifəsində işləyib. Kənd təsərrüfatının inkişaf sahəsində böyük işlər görmüş, ziyalılar sırasında Xalis Oruc oğlu Güləhmədovun adı xüsusi olaraq vurğulanır. Onun araşdırmaları bu gün də özünün aktuallığı ilə tədqiqatçılar arasında xüsusi marağa səbəb olub.
O, 1965-ci ildən kənd təsərrüfatı elmlər doktoru, 1966-cı ildən professor, 1978-ci ildən Azərbaycan SSR əməkdar elm xadimi adına layiq görülmüşdür.
Onun tədqiqatları pambığın gübrələnməsinə, mineral üzvi mineral və kimyəvi bakteriyalı gübrələrdən istifadə edilməsi məsələlərinə həsr olunmuşdur.
Pambıqçılıq rayonları torpaqlarında qida maddələrinin kartoqramlarını hazırlamış və istehsalata tətbiq etmişdir. Onun elmi kadrların hazırlanmasında mühüm xidməti var.
"Vətən müharibəsi" ordeni (2), medallar (7). Əmək veteranıdır.
Xalis Güləhmədov 29 mart 1967-ci ildə Azərbaycan SSRİ-i Ali Sovetinin fəxri fərmanına layiq görülüb.[1]
Göy-Göl rayonunun fəxri vətəndaşıdır.
Xalis Güləhmədov 1954-cü ildə kənd təsərrüfatı üzrə fəlsəfə doktorudu, 1965-ci ildə Kənd təsərrüfatı elmləri doktoru, 1966-cı ildə professor elmi adını alıb,300-dən çox elmi əsərləri, 7 monoqrafiyası var, o cümlədən dərsliklər, 32 fəlsəfə doktoru və 4 elmlər doktorların elmi rəhbəri olub.
Xalis Güləhmədov 8 mart 2002-ci ildə Gəncə şəhərində vəfat edib.
- Sarvan M. Borçalı alimləri. Bakı, "Azərbaycan Milli Ensiklopediyası" nəşriyyatı, 2001, 510 s., s.33.
- Sevil Piriyeva. Ahıska türkləri Azərbaycanda (tarixi, sosial-mədəni həyatı). Bakı, "Elm", 2005, 264 s., s.51.
- ↑ 1 2 "Güləhmədov Əbdürrəhman Niyaz oğlu" (Azərbaycan). science.gov.az. 21.09.2021 tarixində arxivləşdirilib.
Elm xadimi haqqında olan bu məqalə bu məqalə qaralama halındadır. Məqaləni edərək Vikipediyanı zənginləşdirin. |