Xəzinədar (türk. hazinedar) — Osmanlı imperiyasında dövlət və özəl xəzinə işlərində məsul səlahiyyətli şəxs.
Dövlət idarəetməsindəki şəxslərin şəxsi sərvətlərinə cavabdeh olmaqla yanaşı, Əndərunda çalışan bəzi dövlət qulluqçularına da "xəzinədar" deyilirdi. Əndərundakı xəzinə idarəsində çalışan baş xəzinədar "xəzinədarbaşı" adlanırdı. Fateh Qanunnaməsinə görə, xəzinədarbaşı daxili əhalidən "torpaq sahibi" olan ağalar arasında yer alırdı.[1]
Osmanlı imperiyasında "xəzinədar" adı ilə müxtəlif işlərdə çalışan başqa səlahiyyətlilər də var idi. Qara hərəm ağalarından hərəmin xərclərinə cavabdeh olan şəxsə "xəzinədar ağa" deyilirdi. Padşahı geyindirmək, yatızdırmaq, yeməyinin hazırlanmasına nəzarət etmək və otağının qapısında keşik çəkmək kimi xüsusi vəzifələri yerinə yetirən cariyələrə də "xəzinədar usta" deyilirdi.[1]
- ↑ 1 2 Merçil, Ərdoğan. HAZİNEDAR // TDV İslam Ensiklopediyası (türk). 17. İstanbul: Türkiyə Dəyanət Vəqfi. 1998. 141–143. 30 oktyabr 2020 tarixində arxivləşdirilib. İstifadə tarixi: 4 iyul 2024.