San-Paulu kafedralı və ya Müqəddəs Məryəmin Zühr Etməsi kafedralı, həmçinin Müqəddəs Pavel Metropolitan Kafedralı (port. Catedral da Sé de São Paulo) — San-Paulu şəhərində yerləşən Roma-Katolik San-Paulu Arxiyeparxiyasının kafedralı. Kafedralın tikintisi 1913-cü ildə başlamış və dörd onillikdən sonra başa çatmışdır. O, San-Paulu şəhərinin 400 illik yubileyində istifadəyə verilib. İntibah üslubunda günbəzinə baxmayaraq, San-Paulu Metropolitan Kafedralı bəziləri tərəfindən dünyanın dördüncü ən böyük Neoqotika kafedralı hesab olunur.,[2]
| San-Paulu kafedralı | |
|---|---|
| Catedral Metropolitana de São Paulo | |
 | |
| Ölkə | |
| Yerləşir | San-Paulu[1] |
| Tikilmə tarixi | 1913 |
| Üslubu | neoqotika, neointibah memarlığı |
| Hündürlüyü | 92 m |
| Uzunluğu |
|
| Eni | 46 m |
| Material | qranit |
| Rəsmi sayt | catedraldase.org.br/site/ |
| 23°33′04″ c. e. 46°38′03″ q. u. | |
 |
|
 Vikianbarda əlaqəli mediafayllar | |
San-Paulu kafedralının tarixi 1589-cu ilə qədər uzanır, o zaman San-Paulu kəndində əsas kilsə (Matriz) tikilməsi qərara alındı. Bu kilsə hazırkı kafedralın yerləşdiyi yerdə idi və təxminən 1616-cı ildə tamamlandı. San-Paulu 1745-ci ildə yeparxiya mərkəzinə çevrildi və köhnə kilsə sökülərək Barokko üslubunda yeni bir kilsə ilə əvəz edildi ki, bu da təxminən 1764-cü ildə tamamlandı. Bu kiçik kilsə 1911-ci ildə sökülənə qədər San-Paulu kafedralı olaraq qaldı.
Hazırkı kafedral San-Paulunun ilk arxiyepiskopu Duarte Leopoldo e Silva dövründə inşa edilmişdir. Tikinti 1913-cü ildə sökülmüş müstəmləkə kafedralının yerində, alman memarı Maksimilian Emil Helin Neoqotika layihəyə uyğun olaraq başladı. İşlər ləng gedirdi və yeni kafedralın açılışı yalnız 1954-cü ildə, qüllələr hələ tamamlanmamış olsa da, San-Paulunun Dörd Yüzillik Yubileyi münasibətilə baş tutdu. Qüllələr yalnız 1967-ci ildə tamamlandı.[3]
Uzun dövrdən sonra kafedral 2000–2002-ci illər arasında tam bir yenilənməyə məruz qaldı. Binanın təmiri ilə yanaşı, nef və qüllələr üzərindəki bir çox işlər tamamlandı. Binanın içərisində 1912-ci il tikinti planları tapıldı, bu da dəqiq bərpaya imkan yaratdı.
Kafedral San-Paulu şəhərinin ən böyük Katolik Kilsəsisidir və Pentikostal Süleyman Məbədindən sonra ikinci ən böyük kilsədir. Onun uzunluğu 111 metr, eni 46 metr, iki yan qülləsi isə 92 metr hündürlüyə çatır. Sahəsi 5,300 kvadrat metr, döşəmə sahəsi isə 6,700 kvadrat metrdir. Kafedral beş nefli nefi və kəsişmənin üzərində 30 metr hündürlüyə çatan günbəzi olan Latın xaçı formasında bir kilsədir. Ümumilikdə bina Neoqotika olsa da, günbəz Florensiya Kafedralının İntibah günbəzindən ilhamlanmışdır. O, "Praça da Sé" və ya "Sé Meydanı"nda yerləşir. Kafedralın ümumi tutumu 8,000 nəfərdir. Tikintisində 800 tondan çox nadir mərmər istifadə edilmişdir. Daxili kapitellər Braziliyaya məxsus nemətlərlə, qəhvə budaqları, ananaslar və tatu — armadillo kimi yerli heyvanlarla bəzədilib..
San-Paulu kafedralı eskizi
Qüllələri
San-Paulu kafedralı sağ tərəfdən görünüşü
Qurbangahı
Qurbangahı
Pəncərələri
Tağlar
Əsas qurbangah
Günbəzi
.jpg)
- 1 2 http://www.ipatrimonio.org/sao-paulo-catedral-metropolitana-de-sao-paulo.
- ↑ "RINUNCE E NOMINE". press.vatican.va. İstifadə tarixi: 5 aprel 2021.
- ↑ "Brspaul2".