|
== Görkəmli şəxsləri ==
=== Şəhidləri ===
* [[Sirac Əliyev]] (25.08.1973 - 27.03.1993) — Birinci Qarabağ müharibəsi şəhidi
2020-ci ildə başlanılan Vətən Müharibəsinədək [[Qırılı]] kəndinin cəmi 6 şəhidi var idı. Onlardan biri [[Birinci Qarabağ müharibəsi]] zamanı torpaqlarımızın işğaldan azad olunması uğrunda gedən döyüşlərdə şəhidlik zirvəsinə ucalmış qəhramanımız Əliyev Sirac Şöhrət oğludur. O 1973-cü il avqustun 25-də [[Ağstafa rayonu]] Qırılı kəndində dünyaya gəlmişdir. 1992-ci ildə [[Qazax]] RHK tərəfindən həqiqi hərbi xidmətə çağrılan Sirac 27 mart 1993-cü il tarixində [[Ağdam rayonu]] [[Papravənd]] kəndi uğrunda gedən döyüşlərdə şəhid olmuşdur. Qırılı kənd qəbiristanlığında dəfn edilib. Hal-hazırda Qırılı kənd tam orta məktəbi onun adını daşıyır.Həmçinin məktəb yerləşən küçəyə şəhidimizin adı verilmişdir.
* [[Nəriman Həsənov]] (20.02.1969 - 17.02.1994) — Birinci Qarabağ müharibəsi şəhidi
Həsənov Nəriman Məhəmməd oğlu 1969-cu il fevralın 20-də [[Ağstafa rayonu]] [[Qırılı]] kəndində dünyaya gəlib. Nəriman orta məktəbi bitirdikdən sonra 1987-ci ildə həqiqi hərbi xidmətini çəkmək üçün [[Sovet Ordusu|Sovet Ordu]] hissələrinə yollanır. Hərbi xidməti başa vurub öz yurduna qayıdaraq işləməyə başlayır lakin bu uzun sürmür. 1990-cı ildə könüllü hərbi komisarlığa gedərək xidmətini [[Qazax rayonu]] [[Alpout (Qazax)|Alpout]] sərhəd məntəqəsində davam etdirir. Burda 3 il xidmət etdikdən sonra 1993-cü ilin fevralında [[Ağdərə]] istiqamətinə döyüş bölgəsinə yollanır. [[Sərsəng su anbarı]] ətrafında gedən döyüşlərdə 8 nəfərlə bir yerdə düşmənin mühasirəsinə düşürlər. 3 günlük mühasirədən sonra işlətdikləri hiylə nəticəsində mühasirədən azad olurlar. 1994-cü ildə [[Kəlbəcər rayonu]]<nowiki/>na gələrək xidmətini orada davam etdirir. Elə həmin ilin 17 fevral tarixində [[Murovdağ]] istiqamətində [[Otaqlı (Kəlbəcər)|Otaqlı]](Omar) yüksəkliyinin azad olunması uğrunda gedən qızğın döyüşlərdə 4 nəfər döyüş yoldaşları ilə birlikdə şəhid olmuşdur. Qırılı kənd qəbiristanlığında dəfn edilib. Kəndin küçələrinin biri şəhidimizin adını daşıyır.
* [[Vüsal Rzayev]] (17.07.1975 - 16.02.1994) — Birinci Qarabağ müharibəsi şəhidi
[[Birinci Qarabağ müharibəsi]] şəhidimiz Rzayev Vüsal Nəsib oğlu. O 17 iyul 1975-ci ildə [[Ağstafa rayonu]] [[Qırılı]] kəndində dünyaya gəlmişdir. Orta məktəbi bitirdikdən sonra 1993-cü il tarixində [[Ağstafa]] RHK tərəfindən həqiqi hərbi xidmətə çağrılır. 16 fevral 1994-cü ildə [[Kəlbəcər rayonu]] [[Ömər aşırımı]] istiqamətində gedən döyüşlərdə şəhid olmuşdur.Qırılı kənd mədəniyyət evi və kəntdəki küçələrdən biri şəhidimizin adını daşıyır.
* [[Xəyyad Abbasov]] (13.03.1963 - 17.02.1994) — Birinci Qarabağ müharibəsi şəhidi
Abbasov Xəyyad Sovet oğlu 1963-cü ilin 13 martında [[Ağstafa rayonu]] [[Qırılı]] kəndində dünyaya gəlib. Orta təhsilini Qırılı kənd tam orta məktəbində bitirdikdən sonra təhsilini davam etdirərək, [[Qazax]] peşə məktəbinə daxil olmuşdur. Xəyyad daha sonra peşə məktəbini bitirib, [[Sovet Ordusu|Sovet Ordu]] sıralarına qoşularaq həqiqi hərbi xidmətini [[Altay Respublikası|Altay]] vilayətində davam etdirmişdir. Hərbidən sonra doğma kəndinə qayıdaraq [[Gəncə]] xalça sexinin [[Qırılı]] kənd fillialında motarist kimi işləməyə başlayır. 1994-cü ildə könüllü olaraq yenidən [[Azərbaycan Silahlı Qüvvələri]]<nowiki/>nin sıralarına qatılır və 1 aylıq təlimdən sonra [[Kəlbəcər]]<nowiki/>ə yollanır. Elə həmin ilin 17 fevralında [[Murovdağ]] istiqamətində gedən qızğın döyüşlər zamanı 4 nəfər döyüş yoldaşları ilə birlikdə şəhid olmuşdur. Onların cəsədlərini digər şəhidimiz Nəriman Həsənovun qardaşı Nəsimi qar uçqununun altından taparaq [[Ağstafa rayonu]]<nowiki/>na gətirir və Qırılı kənd qəbiristanlığında dəfn edilirlər. Kəntdəki küçələrdən biri şəhidimizin adını daşıyır.
* [[Bakir Abbasov]] (03.03.1965 - 21.04.1994) — Birinci Qarabağ müharibəsi şəhidi
Abbasov Bakir Sovet oğlu 03 mart 1965- ci ildə [[Ağstafa rayonu]] [[Qırılı]] kəndində dünyaya gəlib. Orta məktəbi bitirdikdən sonra [[Sovet Ordusu]]<nowiki/>nun tərkibində Kuxet şəhərində həqiqi hərbi xidmət çəkmişdir. 1993-cü ildə yenidən könüllü olaraq ordu sıralarına qoşularaq, ilk öncə Seyfəli paliqonunda təlim keçmiş sonra isə [[Füzuli rayonu]]<nowiki/>na yollanmışdır. 1994-cü ilin 21 aprelində [[Füzuli (şəhər)|Füzuli]] ətrafında gedən döyüşlərdə şəhid olmuşdur. Qırılı kənd qəbiristanlığında dəfn edilmişdir. Kəntdəki küçələrdən birinin adı şəhidimizin adını daşıyır.
* [[Elvin İmaməliyev]] (09.05.1989 - 09.11.2020) — müəllim, məktəb direktoru, İkinci Qarabağ müharibəsi şəhidi
* [[Əliheydər Hüseynli]] (14.04.1994 - 09.11.2020) — gənc ziyalı, İkinci Qarabağ müharibəsi şəhidi
* [[Emin Əmrahov]] (09.06.1989 - 27.10.2020) — hərbi qulluqçu, İkinci Qarabağ müharibəsi şəhidi
* [[Təbriz Quliyev]] (05.08.1994 - 27.10.2020) — hərbi qulluqçu, İkinci Qarabağ müharibəsi şəhidi
* [[Elgün Abdullayev]] (01.04.1994 - 09.11.2020) — hərbi qulluqçu, İkinci Qarabağ müharibəsi şəhidi
* [[Samir Sadıqov]] (22.08.2000 - 20.09.2023) - [[Azərbaycan Daxili Qoşunları]]<nowiki/>nın hərbi qulluqçusu, [[Antiterror əməliyyatı (sentyabr, 2023)|Antiterror əməliyyatı]] şəhidi
* [[Rəhman Musayev]] (07.02.1997 - 14.08.2017) — hərbi qulluqçu, şəhid
Musayev Rəhman Elxan oğlu 1997-ci il 7 fevral tarixində [[Ağstafa rayonu]] [[Qırılı]] kəndində ziyalı ailəsində dünyaya gəlib. 2002 - 2013-cü illərdə Qırılı kəndi S. Əliyev adına tam orta məktəbdə təhsil almışdır. 2015-ci ilin yanvar ayında [[Səfərbərlik və Hərbi Xidmətə Çağırış üzrə Dövlət Xidməti]] tərəfindən imzalanmış sərəncama əsasən hərbi xidmətə yollanmış, 2016-cı ildə isə könüllü [[Azərbaycan Sülhməramlı Qüvvələri]]<nowiki/>nin tərkibinə qatılaraq [[Əfqanıstan]]<nowiki/>da xidmətini davam etdirmişdir. 2017-ci ilin fevral ayında yenidən [[Azərbaycan Silahlı Qüvvələri]] sıralarına qayıdaraq "Müddətdən Artıq Hərbi Qulluqçu" kimi top komandiri vəzifəsində çalışmağa başlamışdır. Elə həmin il avqustun 14-də iş vaxtı [[Murovdağ]] istiqamətində baş vermiş qəzada şəhid olmuşdur. Qırılı kənd qəbiristanlığında dəfn edilmişdir. Kəntdəki küçələrdən biri şəhidimizin adını daşıyır.
== İstinadlar ==
{{İstinad siyahısı}}[[Ağstafa bələdiyyələri]]
|