Qarabağda döyüşlər (2023): lər arasındakı fərq

Əməliyyat Raket və Artilleriya qoşunlarının kütləvi atəşi ilə başladı. Hava buludlu olduğuna görə PUA-ların tətbiqi demək olar ki, mümkünsüz oldu. Raket və Artilleriya qoşunları yüksək dəqiqlikli silahlarla qanunsuz erməni silahlı birləşmələrinin bütün dərinliyində yerləşən radioelektron mübarizə vasitələrinə və idarəetmə mərkəzinə, hərbi rabitə qovşaqlarına, dərinləşdirilmiş mərkəzi idarəetmə məntəqəsinə, ehtiyatlarına və ön xətdə olan mövqelərinə dəqiq zərbələr endirərək, düşmənə böyük tələfat verdi və erməni birləşmələrinin idarəetməsini tamamilə pozdu. Bununla da düşmənin mübarizə əzmi qırıldı və 24 saatdan az müddətdə təslim oldu. Azərbaycan Ordusu ən böyük irəliləyişi gün ərzində şimal-şərq istiqamətində əldə etdi. Azərbaycan qüvvələri [[Qozlukörpü]] və [[Çərəkdar]] kimi iri kəndlərə doğru irəlilədilər. Ağdərə şəhəri artilleriya və tanklardan davamlı atəşə tutulurdu. Cənub-şərq istiqamətində Azərbaycan Ordusu İkinci Qarabağ müharibəsindəki ssenari üzrə bir neçə dərədən keçərək Xocavənd şəhərinə doğru irəlilədilər. Yol üzərində mis-molibden mədəni, həmçinin IV əsrə aid [[Amaras monastırı]] da azad edildi. Xankəndi və Əsgəranın atəşə tutulması daha çox xaotik xarakter daşıyırdı və mülki əhali arasında itkilər ilə nəticələnirdi. Eyni zamanda Qarabağ ermənilərinin arxa cəbhə infrastrukturu da dağıdıldı. Azərbaycan qüvvələri döyüşlərdə əsasən raket qoşunlarından və top artilleriyasından istifadə edib. Cəbhənin bir neçə hissəsində erməni qüvvələri müqavimət təşkil etməyə cəhd göstərmiş və hətta Xocavənddə Azərbaycan qüvvələrinə müəyyən qədər itkilər versələr də, ümumilikdə bu, hadisələrin gedişinə ciddi təsir göstərməmişdir. Ermənistan baş naziri [[Nikol Paşinyan]] axşam saatlarında açıqlama verərək Ermənistanın bu münaqişəyə qoşulmayacağını bildirməsindən sonra Qarabağ erməniləri gecə saatlarında təslim olmaq şərtləri barədə Azərbaycan tərəfi ilə danışıqlara başladı. Danışıqların başa çatmasından sonra səhərisi gün 20 sentyabr saat 13.00-da döyüşlərin dayandırılmasına qərar verildi.<ref>{{cite web |last1=Krutikov |first1=Yevgeniy |title=Niyə Ermənistan istəmədən Qarabağı verdi |url=https://vz.ru/world/2023/9/20/1231288.html |website=ВЗГЛЯД.РУ |accessdate=9 oktyabr 2023 |language=ru |archive-date=2023-10-10 |archive-url=https://web.archive.org/web/20231010143018/https://vz.ru/world/2023/9/20/1231288.html |url-status=live }}</ref>