Vikipediya:Kənd meydanı

Bu səhifə Vikipediyanın təkmilləşdirilməsi ilə əlaqədar təkliflərin müzakirə olunması üçün nəzərdə tutulub. Bu səhifədə yalnız Vikipediyanın təkmilləşdirilməsi istiqamətində məsələlər müzakirə olunur və elanlar qeyd olunur.

Vikipediyadan istifadə ilə bağlı suallarınızı Vikipediya:Yardım masası səhifəsində qeyd edin.

Lütfən, digər mövzularda müraciətləriniz üçün aşağıda qeyd edilmiş müvafiq səhifələrə müraciət edin.

İstifadəçi qrupu və İdarə heyəti haqqında

Son rəy: 2 ay öncə66 şərhMüzakirədə 27 nəfər

İstifadəçi qrupunun qaydalarının qəbul olunması və idarə heyətinin formalaşdırılması ilə bağlı təklif

Bu müzakirə bağlıdır. Xahiş olunur, heç bir dəyişiklik etməyin.

Salamlar. Son bir neçə ildir davam edən və öz həllinə çatmayan məsələlərdən biri Azərbaycan Vikimediaçıları İstifadəçi Qrupunun İdarə heyətinin formalaşdırılması məsələsidir. Bir çox istifadəçi bu məsələ ilə bağlı fikirlərini bildirib İdarə heyətinin formalaşdırılmasını istəsələr də, həm fikir ayrılıqlarına, həm də müəyyən dərəcədə passivliyə görə məsələ həll olunmamış qalıb. Hazırda mən də daxil olmaqla oflaynda aktiv olan bir sıra istifadəçilər qəti şəkildə bu məsələnin həll olunmasını istəyirlər. Hazırkı vəziyyəti nəzərə aldıqda İdarə heyətinin formalaşdırılmasını istəyiriksə, proses bir neçə mərhələdən ibarət olmalıdır:

I mərhələ: qaydaların yazılması və hazırkı üzvlər arasında keçirilən səsvermə ilə qəbul edilməsi;
II mərhələ: qəbul olunan qaydalar əsasında üzvlük sisteminin dəyişdirilməsi və yeni sistemə görə üzvlərin təsdiqlənməsi;
III mərhələ: qəbul olunan qaydalar əsasında istifadəçi qrupunun üzvlərinin iştirakı ilə İdarə heyətinin üzvlərinin seçilməsi.

İstifadəçi qrupunun idarə heyəti ilə bağlı qaydalar yazılmış olsa da, həmin qaydalar heç vaxt qəbul olunmayıb, təkmil deyil və boşluqlar nəzərə çarpır. Həmin qaydalar əsasında idarə heyəti formalaşdırmaq mümkün deyil. Hazırda mən digər aktiv istifadəçilərlə də məsləhətləşərək daha təkmil olan qaydalar üzərində işləyirəm. Bu qaydalar idarə heyətini və istifadəçi qrupuna üzvlüyü əhatə edir. Konsepsiya bundan ibarətdir ki, bundan sonra istifadəçi qrupuna üzvlük şərtləri gətiriləcək və həmin tələbləri qarşılayan istifadəçilər müraciət əsasında istifadəçi qrupunun üzvü kimi təsdiqlənəcəklər. Yəni sadəcə imza atmaq istifadəçi qrupunun üzvü olmaq üçün kifayət etməyəcək. İstifadəçi qrupunun üzvləri də anonim səsvermə ilə İdarə heyətini seçəcəklər. Qaydaların qaralama versiyası ilə buradan tanış ola bilərsiz (Etherpad linki, də edə bilərsiz).

Dediyim kimi, qaydalar üzərində bir az da işləmək lazımdır. Qaydaları təkmilləşdirmək üçün geniş tərkibdə görüşə bilərik və ya təklifləri olanlar burada da öz fikirlərini bildirə bilərlər. Məsələn, İdarə heyəti üçün seçkilərin formatı müzakirə mövzusu ola bilər. Əleyhinə/lehinə səslərlə səsvermə də mümkündür, amma hər seçicinin namizədləri sıraladığı (məsələn, 7 namizəd var, ən çox seçilməsini istədiyin namizədi 1-ci yerdə göstərirsən, ən az seçilməsini istədiyini 7-ci yerdə) və ən çox bal alan 5 namizədin seçildiyi format da qəbul oluna bilər. Qaydalar üzərində iş tam başa çatdıqdan sonra I mərhələyə start veriləcək və istifadəçi qrupunun hazırkı üzvlərinin iştirakı ilə səsvermə başlayacaq. İki səsvemənin olması planlaşdırılır: istifadəçi qrupuna üzvlük üçün ayrı, idarə heyəti haqqında ayrı səsvermə. Hazırkı təklifi və konsepsiyanı dəstəkləyənlər Lehinə şablonu ilə fikirlərini bildirsələr çox yaxşı olardı. Düşünürəm ki, bu məsələnin üstünə düşmək üçün onsuz da xeyli gecikmişik, amma daha da gecikə bilərik və xüsusilə, oflaynda aktiv olan və olmuş hər bir istifadəçinin məsələyə münasibət bildirməsi vacibdir. Sousou no Frieren 17:23, 15 iyun 2025 (UTC)Cavabla

Lehinə Hər kəsi bu məsələdə birlik göstərməyə və yan keçməməyə çağırıram. Turkmen ^müzakirə 17:35, 15 iyun 2025 (UTC)Cavabla
Lehinə bəzi şeyləri nizama qoymaq lazımdır, AzViki hansısa nazirliyin vəziyyətində olmamalıdır. --► Hörmətlə: Chanis Caucasi 17:35, 15 iyun 2025 (UTC)Cavabla
Lehinə samral ^müzakirə 18:21, 15 iyun 2025 (UTC)Cavabla
Lehinə Maraqlı qaydalardır. Daha diqqətlə oxuyub müəyyən əlavələr də etmək olar. --Tarixi Nadir (müzakirə) 18:35, 15 iyun 2025 (UTC)Cavabla
Lehinə Nemoralis (müzakirə) 18:46, 15 iyun 2025 (UTC)Cavabla
Lehinə Atakhanli (müzakirə) 21:04, 15 iyun 2025 (UTC)Cavabla
Lehinə dəstəkləyirəm; istifadəçi qrupunun yaradıcısı olmaq, əməyi keçmək heç kimi AWUG-nin "əsas şəxsi" və ya "fəxri lideri" mövqeyinə gətirmir. Həm üzvlük üçün müəyyən şərtlər, həm də təsis edilib fəaliyyət göstərəcək idarə heyəti şəxsləri üçün istifadəçi qrupu üzvlərinin etimadını almaq önəmlidir. İstifadəçi qrupu kifayət qədər öhdəliklərə sahib qurumdur. Gələcəkdə daha da böyümə potensialı da var, belə bir qurumun davamlı halda eyni bir neçə şəxslərin əlində qalması uyğun deyil. Hörmətlə, Qədir (müzakirə) 21:42, 15 iyun 2025 (UTC)Cavabla
Lehinə -- QRAF☠ (✉ → ♕) 21:48, 15 iyun 2025 (UTC)Cavabla
Lehinə Tez bir zamanda bu məsələ həllini tapmalıdır. – Əhməd Qurbanov (müzakirə) 10:36, 16 iyun 2025 (UTC)Cavabla
Lehinə --Araz Yaquboglu (müzakirə) 12:11, 16 iyun 2025 (UTC)Cavabla
Lehinə Dəstəkləyirəm. Redivy (müzakirə) 08:50, 17 iyun 2025 (UTC)Cavabla
Dəstəkləyirəm. Eminn (müzakirə) 11:12, 17 iyun 2025 (UTC)Cavabla
Lehinə --Sura Shukurlu (müzakirə) 18:39, 17 iyun 2025 (UTC)Cavabla
Lehinə--Nicat⁴⁹ ^{⋠müzakirə⋡} 05:35, 18 iyun 2025 (UTC)Cavabla
Lehinə — Toghrul R (m) 06:51, 18 iyun 2025 (UTC)Cavabla
Lehinə: Uzun müddətdir məsələ ilə bağlı fikirlər səsləndirilsə də, dəqiq addımlar atılmamışdı. Bu baxımdan təşəkkür edirəm, @İstifadəçi:White Demon. Qaralama versiyası ilə tanış oldum, qeyd etdiyin kimi, bəzi məqamlarda müzakirəyə ehtiyac olduğu qənaətindəyəm. Amma ümumilikdə, məncə, aydın və konkret yanaşılıb. Düşünürəm ki, layihə qəbul olunduqdan sonra da zamanla müəyyən əlavələr və düzəlişlər olacaq. -- Rüfət Həsənli 06:55, 18 iyun 2025 (UTC)Cavabla
Lehinə Qaydalara mütləq bəzi dəyişikliklər edilməlidir və yekun qaydalar müzakirə əsasında və səsvermə ilə qəbul olunmalıdır. Mən yenə də öz fikirimdə qətiyəm. İlk öncə qaydaların hazırlanması üçün müvəqqəti komitə yaradılmalıdır. Komitə qaydaları tam hazır edəndən sonra səsvermə başladılmalıdır qaydalar üçün. Qaydalar qəbul olunduqdan sonra isə idarə heyətinin seçilməsi məsələsinə baxmaq lazımdır. Mənim üçün vacib məsələ qaydalardır. --Patriot (müzakirə) 07:04, 18 iyun 2025 (UTC)Cavabla
Lehinə Təklifi dəstəkləyirəm.--Sortilegus (müzakirə) 10:02, 18 iyun 2025 (UTC)Cavabla
Lehinə Məntiqli təkliflərdir. Dəstəkləyirəm.--Wertuose (müzakirə) 12:05, 18 iyun 2025 (UTC)Cavabla
Lehinə çox gözəl iş görülüb. Buna görə @İstifadəçi:White Demona təşəkkür edirəm. Növbəti mərhələlərdə nə kömək lazım olsa mən hazır.--Rəcəb Yaxşı (müzakirə) 05:23, 19 iyun 2025 (UTC)Cavabla
Lehinə - Möhtəşəm. Çoxdan olmalı idi. Təşəkkür edirəm.--A.Aida88 (müzakirə) 06:32, 19 iyun 2025 (UTC)Cavabla
Lehinə NurAy (müzakirə) 10:07, 19 iyun 2025 (UTC)Cavabla
Lehinə əminəm ki, heyət seçildiyi təqdirdə verilən qərarlar da seçki prinsipi kimi ədalətli olacaq. --Xayala Mammadli (müzakirə) 05:34, 20 iyun 2025 (UTC)Cavabla
Lehinə White Demon təşəbbüs üçün minnətdaram. Təbii ki, dəstəkləyirəm ideya müəllifi olaraq. Bu proses zamanı səsvermə müddətini öncədən müəyyən edib fonddan onların alətindən istifadə üçün icazə almağı düşünürəm. Artıq iki ildi danışıram onlarla bu barıdı sadəcə zamanı müəyyən etməliyik ki, həmin alətdə o müddətdə heç bir səsvermə olmasın. --eldarado(müzakirə | fəaliyyət | meta səhifəsi) 02:05, 21 iyun 2025 (UTC)Cavabla
lehinə, bu istiqamətdə konkret addımlar atılmağını görmək xoşdur :3 əkrəm. 11:13, 22 iyun 2025 (UTC)Cavabla
Lehinə حەسەن ايمانوف (müzakirə) 14:40, 23 iyun 2025 (UTC)Cavabla

Müzakirə

@Wertuose, @A.Aida88, @Eldarado, @Sortilegus, @Toghrul R, @Xayala Mammadli, @Rüfət Həsənli, @Patriot Kor, @Rəcəb Yaxşı, @Firuza, @NurAy, @Nicat49 sizin də fikirlərinizi görmək istəyərəm. Sousou no Frieren 03:48, 18 iyun 2025 (UTC)Cavabla

White Demon, təşəbbüsünüz üçün təşəkkür edirəm, gözəl və yerində oldu. Mənə sadəcə maraqlıdır ki, idarə heyəti üzvlərinin tədbirlərdə iştirakı necə tənzimlənəcək? Hər tədbir üçün istifadəçiləri bu heyətmi seçəcək? Qaydalara nəzər yetirəcəm. Hörmətlə, Qədir (müzakirə) 21:42, 15 iyun 2025 (UTC)Cavabla

Gadir sadəcə CEE tədbirlərində belədir, o da ildə bir dəfə --► Hörmətlə: Chanis Caucasi 12:08, 16 iyun 2025 (UTC)Cavabla

Hazırda təkcə CEE Meeting üçün vəziyyət belədir. Nadir hallarda da Vikimaniya üçün ola bilər. Qalan tədbirlərə müraciət fərdi baş verir onsuz da, istifadəçi qrupu baxmır. İdarə heyəti öz arasında müzakirə yolu ilə və ya səsvermə ilə seçə bilərlər, bu artıq onların işi olacaq. Sousou no Frieren 12:14, 16 iyun 2025 (UTC)Cavabla

@ChanisCaucasi, @White Demon, aydındır, təşəkkür edirəm. Yəqin həmin idarə heyəti üzvü də digər namizədlər kimi normal prosedurla müraciət edəcək və elə dəyərləndiriləcək. Qrupun seçdiyi layihələrdə iştirak ilə bağlı namizədlik üçün yəqin ki üzvlük şərt olacaq. Bir də eyni anda heyətdən neçə nəfəri seçə biləcəklər? Hörmətlə, Qədir (müzakirə) 14:17, 16 iyun 2025 (UTC)Cavabla

White Demon, bir neçə məqamla bağlı fikrini öyrənmək istərdim:

İdarə Heyətindən uzaqlaşdırma halları ilə bağlı qeyd etmisən ki, 3 nəfər üzvün ortaq rəyi olarsa, bu baş tuta bilər. Hər hansı konflikt və s. halında qərəzli olaraq belə rəylərin verilməsi hallarının baş verə biləcəyini düşünürəm. Yəni, böyük bir icmanın həlledici qərarı üçün 3 nəfər olduqca kiçik say deyilmi?
Birinci məsələdən yola çıxaraq ümumiləşdirsəm, düşünürəm ki, müxətlif həlledici qərarların qəbulunda müəyyən bir faiz və ya say şərtləri qoyulmalıdır ki, həmin qədər istifadəçilər lehinə və ya əleyhinə səs verməklə qərara obyektiv təsir edə bilsinlər. Bir də azvikidə də şahidi oluruq ki, bəzi səsvermələrdə sadəcə dəvətlə və ya qərəzli şəkildə əleyhinə/lehinə səs verirlər. Bu baxımdan seçki və mühüm qərarların qəbulunda istifadəçilərdən mövqeyini əsaslandırmaq tələb olunmmalıdır deyə düşünürəm.
İdarə heyətinin il ərzində minimum 200 etməli olduğunu qeyd etmisən. Zənnimcə, bu sayı artıra bilərik. Çünki İdarə Heyətində olduğu üçün onsuz da əvvəldən aktiv və təcrübəli istifadəçi olmalıdır. 200 belə istifadəçilər baxımından bir il üçün az görünür sanki. (Yenə də sadəcə təklifdir bu.)
Bir məqamda tam aydın olmadı. İstifadəçi Qrupunun əsas öhdəliklərindən biri kimi, təbii olaraq, müxtəlif oflayn görüş və tədbirlərin, eyni zamanda onlayn layihələrin hazırlanmasının təmini yazmış və belə bir vəzifə qeyd etmisən. Hazırda azvikidə tədbir təşkilatçısı hüququna malik istifadəçi qrupu var. Bu iki vəfənin işi arasındakı fərq nədən ibarətdir?

Səbrin və diqqətin üçün təşəkkürlər) -- Rüfət Həsənli 07:18, 18 iyun 2025 (UTC)Cavabla

Haqlısan, qərəzli hallar ola bilər, bu rəqəmi 4-ə də qaldıra bilərik elə isə. Mən düşünmürəm ki, 4 nəfər də eyni anda sırf qərəzə görə bir nəfəri uzaqlaşdırarlar. Hər halda idarə heyəti üzvlərini biz seçirik və elə insanlar seçməliyik ki, ədalətli olsunlar və qərəzli davranmasınlar.
Qaydaların qəbul olunması ilə bağlı səsvermə yoxsa idarə heyətinə üzvləri seçmək üçün səsvermə? Ümumiyyətlə, mən də qatılıram ki, səs verəndə əsaslandırmalısan, amma bunu praktikaya tökmək çətindir. Qərəzli davranan istifadəçi bir bəhanə tapıb nəsə də yaza bilər və deyəcək ki, mənim əsaslandırmam budu.
Əslində mən 500 qeyd etmişdim, 200 yox. Kimsə düzəliş edib. Bəli, artıra bilərik bunu.
İdarə heyətinin üzvlərinin istifadəçi hüquqları ilə əlaqəsi yoxdur. İnzibatçı olmayan şəxs də idarə heyətinin sədri ola bilər. Layihə koordinatorunun o da hüquqa ehtiyacı yoxdur. O, hüquq yenidir və hələki tətbiq sahələri mənə də aydın deyil.

Sousou no Frieren 12:53, 18 iyun 2025 (UTC)Cavabla

Tədbir təşkilatçısı istifadəçi qrupu texniki bir şeydi əslində. Tədbir: ad fəzasında tədbirlər yaradıb idarə edə bilir. Nemoralis (müzakirə) 13:09, 18 iyun 2025 (UTC)Cavabla

Çox sağ ol, həmkar.

2. Tək heyət seçkiləri deyil, ümumən, qayda qəbulu və s. Yaxud gələcəkdə nəsə önəmli qərarların qəbulunda nəzərdə tuturdum. Yəni, səsverməyə ehtiyac ola biləcək hallarda. -- Rüfət Həsənli 20:52, 18 iyun 2025 (UTC)Cavabla

Vikipediya:İlin vikimediaçısı mükafatı bunu da nəzərə alarsınız :) Hörmətlə, Qədir (müzakirə) 19:25, 19 iyun 2025 (UTC)Cavabla

Yekdilliklə qəbul edildi və I mərhələyə start verilir.--Turkmen ^müzakirə 05:28, 7 iyul 2025 (UTC)Cavabla

I mərhələ, qaydaların rəsmiləşdirilməsi

Bu müzakirə bağlıdır. Xahiş olunur, heç bir dəyişiklik etməyin.

Salam, yuxarıdakı mərhələdə artıq qaydaları formalaşdırdıq və dəyişiklikləri icma olaraq dəstəklədik. İndi isə artıq I mərhələyə başlayırıq və qaydaları rəsmi olaraq təsdiqləyirik. Mən Metadan istifadəçi qrupunun üzvlərinə ümumi mesaj göndərəcəm və 09 iyul 2025-ci ildə səsverməni başladaq. Qaydalar bu səhifədədir. Onların rəsmiləşdirilməsi isə burada aparılacaq.--Turkmen ^müzakirə 05:51, 7 iyul 2025 (UTC)Cavabla

Qeyd: Səsvermə başladı. Bitmə tarixi: 16 iyul (00:00) 2025 (UTC). Turkmen ^müzakirə 03:54, 9 iyul 2025 (UTC)Cavabla

Şərh: Sualımı burda da yazmaq istədim ki, hamı görsün. Səsvermə səhifəsində istifadəçilər əsasən səs verib çıxırlar. Qaydalar nə üçün "AR-ın Əmək Məcəlləsi"nə istinadən tərtib olunur? Üzvlərin şəxsiyyət vəsiqələrinin toplanıb kopyasının alınması da əlavə olunsun o zaman qaydalara, bununla dəqiqləşdirilsin vətəndaşlıqları :) hanı bəs azərbaycandilli vikipediya anlayışı? Dəyişdi artıq? Bundan əlavə qaydalar niyə müzakirəyə çıxmadan səsverməyə çıxıb? Hörmətlə --eldarado(müzakirə | fəaliyyət | meta səhifəsi) 07:13, 15 iyul 2025 (UTC)Cavabla

@Eldarado, mən ümumiyyətlə sizin gedişata mane olmağa çalışdığınızı düşünürəm.

İlk olaraq yuxarıda "hide" olunmuş mətni açaraq orada qayda ilə bağlı müvafiq təklifin və müzakirənin oduğunu görə bilərsiniz. Bu çox asandır. İkincisi "istifadəçi qrupu"nun keçirəcəyi tədbirlərin yer təyinatı əsasən Azərbaycan ərazisidir və bu səbəbdən buradakı əmək fəaliyyəti "AR qanunları" ilə tənzimlənir. Belə xırda şeyləri nəzərə almaq pis deyil. Əksinə gələcəkdəki problemlərin qarşısını alacaq.
Həmçinin burada da başqa bir cavabı hamıya məlum olan sual vermisiniz. Ən azından əleyhinə olmamışdan əvvəl birinci sual verib aydınlaşdırmaq lazım idi. Orada White Demon sizə izah etsə də, yenə də eyni şeyləri deməyə davam edirsiniz.
Bir neçə gün əvvəl sizə İQ-nin saytında müvafiq hüquqlar üçün yazmışam. Siz isə hüquqları verməkdən boyun qaçırırsınız və izah verməyimə baxmayaraq, yenə izah istəyirsiniz. Üstəlik saytda özünüzün də elə böyük fəaliyyətiniz yoxdur, cəmi 55 niz var. Mən anlamıram ki, siz orada tək bürokrat olanda nə olacaq? İQ üzvü olan aktiv istifadəçilərin orada hesabları yoxdur. Onlara hesablar yaradılmalı və müvafiq hüquqlarla təmin edilməlidirlər. Üstəgəl orada Nemoralis olmasa sayt demək olar ki, işlək deyil. Orada əlavə 7 bürokrat olmağına maneə olan nədir?
Həmçinin İQ-nin essesinə buradakı dəyişiklikliyiniz də göstərir ki, ümumiyyətlə İQ-nin işlək vəziyyətə gəlməyi yox, tutduğunuz statuslar sizin üçün maraqlıdır.

Turkmen ^müzakirə 09:23, 15 iyul 2025 (UTC)Cavabla

Siz sadəcə həmişəki kimi mövzunu mübahisəyə çevirirsiniz, normal sual verən kimi aqressivləşib, müxtəlif mövzuları ortaya atırsınız. Heç bir İQ qaydalarında ölkəyə bağlı qanunlar tətbiq olunmur, vətəndaşlıq söhbəti olunmur. Sualım bununla bağlı idi. Mən artıq ara vermişəm azvikiyə uzun bir müddətlik, heç yerə də namizəd olmayacam yenə uzun bir müddət, buna görə də narahat olmayın və mövzuları mübahisəyə çevirməyin, mənim heç vaxt azvikidə hansısa marağım olmayıb, bunu vikipediyaçıların əksəriyyəti bilir və şahiddir. Siz isə bunun əksini insanlara aşılamağa çalışırsınız lakin bu kənardan çox pis görünür. Məndən demək yenə də özünüz bilərsiniz. İQ saytına gəldikdə isə, il yarım onun açılması üçün çalışmışıq və sonda alınıb. İlk təşəbbüsçü kimi hüquqları mənə veriblər. Yeni idarə heyəti seçildikdə idarə aləti də onlara veriləcək, bunun üçün də narahat olmayın. O mənim şəxsi saytım deyil və onu özüm üçün açdırmamışam. Domain və mail sistem xaric. Hörmətlə--eldarado(müzakirə | fəaliyyət | meta səhifəsi) 13:37, 15 iyul 2025 (UTC)Cavabla

Sizin burada hüquqlar üçün necə son ana qədər mübarizə apardığınıza, stüardı aldatdığınıza şahid olan biri kimi dediklərinizə inana bilmirəm. Gəlin mənim aqressiyamdan danışmayaq, yuxarıda bir neçə bənd qeyd etmişəm onlar haqqında danışaq. Hansı ki, hamısı mövcud məsələ ilə əlaqəlidir. Mən başa düşmürəm ki, sizə təqdim edilən arqumentləri niyə bir bəhanə taparaq blok edirsiniz və eyni şeyləri təkrar edirsiniz. Ümumiyyətlə üzvlərin ölkədə daimi yaşayan/vətəndaş olması ilə bağlı qaydada bənd yoxdur. Yalnız idarə heyəti ilə bağlı var və bu da normaldır. Çünki idarə heyəti yerli-offline tədbirlərin təşkilində aktiv olmalıdır. Üstəgəl bu şərti də vaxtilə özünüz əlavə etmisiniz və ölkəni tərk etdikdən dərhal sonra silmisiniz. Son olaraq AR qanunlarına istifadəçi qrupu qaydalarının cəmi 1 yerində istinad edilib. Ölkənin əmək fəaliyyəti ilə bağlı yaş standartı ilə əlaqədar. Çünki offline tədbirlərdə müəyyən insan əməyi olur. Ümumi olaraq viki qaydanın AR qanunları ilə nə əlaqəsi ola bilərki?

Habelə təşəbbüsçü kimi hüquqların sizə verilməsi təqdirə layiqdir. Lakin onları niyə digərləri ilə paylaşmaq istəmirsiniz? Yəni üzvlərə hesab yaradıb müvafiq hüquqlarla təmin etməkdə problem nədir? Üstəgəl də deyirsiniz ki, fəaliyyətinizi bir müddət dayandıracaqsız. Onda necə olacaq? Siz qayıdana kimi gözləyək? Başqasını aqressor özünü müdafiə olunan kimi göstərmək əvəzinə normal müzkakirə aparmaq lazımdır. Amma mən düşünürəm ki, bu hər vəchlə mane olmağa çalışmaq və təqdim edilən arqumentlərdən qaçmaqdan başqa birşey deyil. Bəhanələr... Turkmen ^müzakirə 14:56, 15 iyul 2025 (UTC)Cavabla

Şərh: Təklif edilən qayda və şərtlər ilk gündən müzakirə üçün hər kəsə açıqdır. Hər kəs də öz fikrini bildirib və bildirməyə davam edir. Amma görürəm fikir bildirmək əvəzinə keçmiş bürokrat müzakirəni başqa istiqamətə aparır. Təəssüf ki, Azərbaycan cəmiyyətinə xas olan mənəmlik problemi bura üçün də xarakterikdir. Sanki, bəzi şəxslər olmasa AzViki batacaq, fikri dolaşır ortada. Qaydalar irəli sürülüb, çoxluq da lehinə səs verib. Bu nəyin mübahisəsidir anlaya bilmirəm. Çoxluğun fikri səhv ola bilməz. Vikipediya tək şəxsin istəyi ilə idarə olunmur. --Tarixi Nadir (müzakirə) 16:39, 15 iyul 2025 (UTC)Cavabla

Qəbul edildi: İQ qaydaları rəsmiləşdi.--Turkmen ^müzakirə 04:56, 17 iyul 2025 (UTC)Cavabla

II mərhələ, qaydaların tətbiq edilməsi

Bu müzakirə bağlıdır. Xahiş olunur, heç bir dəyişiklik etməyin.

Salam hörmətli Wertuose. İstifadəçi qrupu və İdarə heyəti qaydaları artıq rəsmi olaraq təsdiqləndi. Razısınızsa, təşəbbüskarlar olaraq və İQ üzvü olaraq mən, White Demon və Eminn İQ-dəki üzvlük və digər məsələlərin qaydalara uyğunlaşdırılması üçün sizə köməklik edə bilərik.--Turkmen ^müzakirə 05:08, 17 iyul 2025 (UTC)Cavabla

Salam, Turkmen. Etiraz etmirəm. Amma əlaqəli, müzakirəli şəkildə edilməlidir ki, sonra narazılıq olmasın.--Wertuose (müzakirə) 19:33, 18 iyul 2025 (UTC)Cavabla

Elədir, qaydalara uyğun olaraq üzvlər (31 nəfər) və İdarə heyəti üzərində dəyişikliklər etdim. Həmçinin adıçəkilən istifadəçilərlə də məsləhətləşmə apardım. Yenə də keçidlər qeyd etmişəm, əlavə qeydlər və gözdən yayına biləcək məqamlar üçün. Turkmen ^müzakirə 09:54, 19 iyul 2025 (UTC)Cavabla

Ümumi məlumatlandırma

Beləliklə, qaydaların rəsmiləşməsi ilə üzv siyahısı və idarə heyəti yeniləndi. Əvvəlki üzvlər isə hansı ki, qaydalara görə üzvlükdən çıxarıldılar və gizlilik və başqa səbəblərdən üzvlük üçün namizəd ola bilmirlər onlar "dəstəkçilər" adlı başlıqda toplandılar. Həmçinin bu inzibati səhifələr yaradıldı: m:AZWUG/Üzvlük üçün müraciət, m:AZWUG/İdarə heyəti seçkiləri. Görüləcək işlərin əksər hissəsi tamamlanıb. Geriyə isə sadəcə III mərhələ, yəni idarə heyətinin seçilməsi qalır.

Adətən yeniliklərə öyrəşmək çətindir deyə bəzən narahatlıqlar ola bilər. Həmçinin mümkünsüzdür ki, hansısa qayda mükəmməl olsun. Əlbəttə ki, yenə də yeniliklər və dəyişikliklər olacaq. Əsas məsələ odur ki, Azərbaycan dilinin və bu dildəki platformanın inkişafı üçün icma olaraq müəyyən addımlar atmağı bacardıq. Ümumiyətlə, son 3 ildə kiçik görünsə də icma olaraq böyük addımlar atmışıq. Həm az-vikinin özündə, həm də azərbaycandilli digər layihələrdə lokal qaydaların yaradılması və tətbiq edilməsi, problemli istifadəçilərin təmizlənməsi ilə sakit bir layihənin formalaşdırılması və texniki cəhətdən böyük dəyişikliklər var. Hər birinizə zəhmətiniz və diqqətiniz üçün təşəkkür edirəm.--Turkmen ^müzakirə 10:28, 23 iyul 2025 (UTC)Cavabla

@Turkmen, İH sədri üçün seçkilər olmayacaq? Üzvlərin seçimi kimi. Hörmətlə, Qədir (müzakirə) 12:05, 23 iyul 2025 (UTC)Cavabla

@Gadir, buradan ətraflı oxuya bilərsiniz. Turkmen ^müzakirə 12:38, 23 iyul 2025 (UTC)Cavabla

təbii ki, mən bununla tanışam. Sədr varsa bəs digər üzvlər hanı? seçkilər keçirilib? Hörmətlə, Qədir (müzakirə) 12:45, 23 iyul 2025 (UTC)Cavabla

@Gadir, hal-hazırda orada yalnız qaydalara uyğun 1 nəfər İH qalıb. İdarə heyətinə seçkilər yuxarıda qeyd etdiyim kimi, III mərhələyə start veriləndə başlayacaq və İH yenidən formalaşacaq. Turkmen ^müzakirə 12:53, 23 iyul 2025 (UTC)Cavabla

Şərh: üzvlük üçün müraciət şərtləri ilə tanış oldum. Məncə proses çox qəlizləşdirilib. Proses sadə olmalı və İstifadəçi qrupunun genişlənməsinin tərəfdarıyam. Xüsusilə ilə də bunun üçün şərtlərin çoxu qəbuledilməzdir. Ad, soyad, tel nömrəsi və s. Sabah kim qarantiya verə bilər ki, bu məlumatlar üçüncü şəxslərin əlinə keçməyəcək? Və yaxud təhlükəsizlik üçün bəlkə kimsə kimliyinin bəlli olmasını istəmir? Son baş vermiş hadisələr buna nümunə ola bilər. Polisə dəvət, sosial şəbəkələrdə ifşa və s. Bu səbəbdən bəzi şərtlərin çıxarılmasını lazım bilirəm. Vikipediyada olduğu kimi poçt ünvanı bəs edər. --Tarixi Nadir (müzakirə) 11:07, 24 iyul 2025 (UTC)Cavabla
En Merker Azərbaycanda fəaliyyət göstərən hər kəsin datası hökumət orqanlarının əlindədir, çünki Azərbaycanda fəaliyyət göstərən provayder vasitəsilə lər edirsiniz. Bütün data, ünvan, qeydiyyat və s. əllərindədir zatən --► Hörmətlə: Chanis Caucasi 11:39, 24 iyul 2025 (UTC)Cavabla

Razıyam. WMTR-da da e-poçt bəs edir, şərtlər daha sadədir. Hörmətlə, Qədir (müzakirə) 11:41, 24 iyul 2025 (UTC)Cavabla
@ChanisCaucasi, @En Merker, @Gadir, İQ-nin qaydasında nömrə şərti tələb olunmur, texniki problemdir yəqin ki. İstifadəçilər o punktları istəsələr könüllü şəkildə doldura bilərlər. @Wertuose göz atarsız zəhmət olmasa. Turkmen ^müzakirə 11:51, 24 iyul 2025 (UTC)Cavabla
Üzvlüyə qəbul müraciətində tələb edilən məlumatların hamısı qaydaların tələbinə uyğundur. Belə ki, qaydada "Üzv olmayan şəxs öz istifadəçi adını, şəxsi adını, yaşını, daimi yaşadığı ölkəni, fəaliyyəti və oflayn tədbirlərdə iştirakı barədə bu məqsədlə yaradılmış platforma vasitəsilə qısa məlumat verməlidir." Göründüyü kimi, üzvlüyə qəbul şərtlərindən biri də hər hansı oflayn tədbirdə iştirakdır və beləliklə anonim qalmaq mümkün deyil. Ümumiyyətlə, üzvlük sisteminin əsas məqsədi istifadəçi qrupunun onlayn və oflayn fəaliyyətlərinə dəstək olmaq, istifadəçi qrupunu təmsil etməkdir. Bunu üzvlərin hüquqlarında yazılan bəndlərdən də açıq-aydın görmək mümkündür. Əks halda üzvlüklə, dəstəkçilik arasında bir fərq qalmır. Anonim qalmaqla istifadəçi qrupunun dəstəkçisi olmaq mümkündür, üzvü yox. Wertuose (müzakirə) 12:07, 24 iyul 2025 (UTC)Cavabla
"Google" Doldurma formasında qırmızı ulduzlarla nişanlanıb bu bəndlər. Yəni cavab verilməsə, müraciət qeydə alınmayacaq. Mümkünsə, diqqət yetirin. @ChanisCaucasi siz dediyiniz məsələlər, məhkəmədən və prokurorun sanksiyasından sonra mümkündür. Mən Polisə sadə müraciətləri nəzərdə tuturam. Yəqin ki, sizin kimliyiniz bəlli olmasa idi, Viki fəaliyyətə görə hər dəfə belə asanlıqla polis sizi tapıb dəvət etməzdi. Hesab edirəm ki, təhlükəsizlik üçün konfidensiallıq çox vacibdir. Məsələn böyük əksəriyyət Şəxsi adı ilə bağlı olmayan Nikdən istifadə edir. Elə də qalmalıdır. --Tarixi Nadir (müzakirə) 12:06, 24 iyul 2025 (UTC)Cavabla
Yuxarıda bu iradlarınızla bağlı cavab verdim. Üzv olmaq könüllüdür, məcburi deyil. Wertuose (müzakirə) 12:09, 24 iyul 2025 (UTC)Cavabla
@Wertuose, mənim dediyim daha dəqiq "nömrə" bölməsi ilə əlaqədardır. Turkmen ^müzakirə 12:14, 24 iyul 2025 (UTC)Cavabla
Onu çıxarmaq olar, amma vikidüşərgələrin seçimlərində maillərə cavab verilməməsi, yaxud çox gec cavab verilməsi halları ilə üzləşdiyimiz üçün alternativ və operativ əlaqə vasitəsi kimi nəzərdə tutulub. Əgər etiraz doğurursa, çıxararıq.--Wertuose (müzakirə) 12:19, 24 iyul 2025 (UTC)Cavabla

Qəbul edildi, qaydalar tətbiq edildi.--Turkmen ^müzakirə 10:22, 31 iyul 2025 (UTC)Cavabla

III mərhələ, idarə heyətinin formalaşdırılması

Salam, geriyə artıq sonuncu mərhələ, hazırki üzvlərin təsdiqlənməsi və idarə heyətinin formalaşdırılması mərhələsi qalır.--Turkmen ^müzakirə 10:21, 31 iyul 2025 (UTC)Cavabla

Üzvlərin yenidən təsdiqlənməsi üçün mesaj bütün keçmiş üzvlərə göndərildi. Turkmen ^müzakirə 12:47, 25 avqust 2025 (UTC)Cavabla

İcmaya müraciət

Son rəy: 1 ay öncə7 şərhMüzakirədə 3 nəfər

İcmaya,

Mən silsilə qaydalar üzərində işləməyi düşünürəm. Avtobioqrafiya qaydaları da hazırdır. Ağlımda digər bir sıra vacib qaydaları işləmək də var və davam edəcəm. Sizdən xahiş edirəm ki, işlədiyim qaydaları uyğun görürsünüzsə müzakirə edin və lokal qəbulu üçün səsverməyə çıxarın.

Hörmətlə, Qədir (müzakirə) 02:39, 3 avqust 2025 (UTC)Cavabla

Avtobioqrafiyanı tamamilə qadağan etməliyik. Bizdə avtobioqrafiya olan məqalələrin 99%-i qeyri-ensiklopedik, şişirdilmiş cümlələrlə dolu olur. Başqası tərəfindən yaradılan məqaləni edə bilərlər amma sıfırdan yeni məqalə yaratmaq tamamilə qadağan olmalıdır və görüldüyü an silinməlidir. Vikipediya LinkedIn deyil ki, hər kəs özü haqqında məqalə yaratsın, sonra əziyyətini biz çəkirik. Nemoralis (müzakirə) 00:52, 5 avqust 2025 (UTC)Cavabla

Belə razıyam ki, əksəriyyəti qeyri-ensiklopedik şəxslər olur. Sanki gəlib CV yazırlar ya da Vikipediyadan şəxsi səhifə kimi istifadə edirlər. Yenə də qaralama şərtlərini ödəyən ensiklopedik məqalələri də görməzdən gələ bilmərik. Daha çox fikir gəlsə yaxşı olar, amma tamamilə də qadağan etmək düzgün olmaz məncə. Düzdür, maraq toqquşması olanda problemlər çox olur. Hörmətlə, Qədir (müzakirə) 19:43, 8 avqust 2025 (UTC)Cavabla

Gəlin belə edək, kimin nə iradı və ya təklifi varsa müvafiq qaydaların müzakirəsinə yazaq. IP blokundan azad olma qaydalarını da sıfırdan tərtib elədim. Hörmətlə, Qədir (müzakirə) 07:18, 9 avqust 2025 (UTC)Cavabla

Avtobioqrafiya və IPBAO qaydalarının qəbulu

Salam. Bu iki qaydanı işləyib bitirmişəm. Maraqlı olan hamını qaydaların müzakirə səhifələrində (Avtobioqrafiya və IP blokundan azad olma) fikirlərini bildirməyə dəvət edirəm. Əvvəl bir çox qaydanı hazır edib, sonra sıra-sıra müzakirəyə çıxarmağı düşünmüşdüm, amma hazır olduqca müzakirə etsək daha effektiv olacağına inanıram. Hörmətlə, Qədir (müzakirə) 15:11, 15 avqust 2025 (UTC)Cavabla

Y Səsvermələr başladıldı: Avtobioqrafiya və IP blokundan azad olma. Hörmətlə, Qədir (müzakirə) 11:42, 11 sentyabr 2025 (UTC)Cavabla

Qəbul edildi. Hörmətlə, Qədir (müzakirə) 23:11, 26 sentyabr 2025 (UTC)Cavabla

Bölünməli olan məqalələr

Son rəy: 2 ay öncə9 şərhMüzakirədə 7 nəfər

Aşağıdakı məqalələr əlifba sırasına görə və ya dövrlərə görə bölünməlidir. Kompüteri olan varsa, etsin zəhmət olmasa.

"Cəbrayılın azad olunmasına görə" medalı ilə təltif edilənlərin siyahısı [1.061.902 bayt] (əlifba sırasına görə)
"Suqovuşanın azad olunmasına görə" medalı ilə təltif edilənlərin siyahısı [669.224 bayt] (əlifba sırasına görə)
İkinci Qarabağ müharibəsində həlak olan Azərbaycan hərbçilərinin siyahısı (2020) [500.779 bayt] (əlifba sırasına görə)
İkinci Qarabağ müharibəsinin xronologiyası [461.100 bayt] (aylara/dövlərə görə)
"Kəlbəcərin azad olunmasına görə" medalı ilə təltif edilənlərin siyahısı [443.696 bayt] (əlifba sırasına görə)
"Vətən uğrunda" medalı ilə təltif edilənlərin siyahısı [325.081 bayt] (əlifba sırasına görə)
"Şöhrət" ordeni ilə təltif edilənlərin siyahısı [310.396 bayt] (əlifba sırasına görə)

Sözügedən məqalələr rahatlıqla bölünə bilər və hazırda uyğunsuz dərəcədə uzundurlar. Belə halda səhifələri açmaq üçün güclü kompüter lazım olur --► Hörmətlə: Chanis Caucasi 19:50, 14 avqust 2025 (UTC)Cavabla

Keçən dəfə "Tərəqqi" medalı ilə təltif olunanlarla bağlı siyahını SNS-də gördüm. Bunlar da müzakirə oluna bilər. Ensiklopedik şəxslər onsuz da kateqoriyada verilir, Vikipediya kataloqdur ki? Hörmətlə, Qədir (müzakirə) 15:29, 15 avqust 2025 (UTC)Cavabla

Ümumiyyətlə, belə siyahılar həqiqətən ensiklopedikdir? (mükafatlar) Ayırmazdan öncə gərək bunların əhəmiyyəti müzakirə olunsun. Məsələn, Purpur ürək medalı ABŞ-də verilən məşhur medallardan biridir, amma bütün təltif olunanların siyahısını yaratmayıblar, əsas məqalədə məşhur təltif olunan şəxslərin adlarını verməklə kifayətləniblər. Sousou no Frieren 13:36, 17 avqust 2025 (UTC)Cavabla

Məncə bu kimi siyahılar bir çox qeyri-ensiklopedik məqalələrin yaradılmasının qarşısını alır. Patriot (müzakirə) 21:01, 17 avqust 2025 (UTC)Cavabla

@Patriot Kor Həmfikirəm. Redivy (müzakirə) 00:05, 21 avqust 2025 (UTC)Cavabla

mən də əslində hər birinin qalmasının tərəfdarıyam. həm də oxunaqlı məqalələrdir. çox böyük olanları əlifba sırasına bölmək olar Atakhanli (müzakirə) 06:46, 21 avqust 2025 (UTC)Cavabla

Bölək də --► Hörmətlə: Chanis Caucasi 12:29, 21 avqust 2025 (UTC)Cavabla

Məndə bölünməsinin tərəfdarıyam. Hörmətlə, Vikotals (müzakirə) 12:05, 25 avqust 2025 (UTC)Cavabla

Nemoralis, Toghrul R necə bölmək olar? --► Hörmətlə: Chanis Caucasi 15:12, 1 sentyabr 2025 (UTC)Cavabla

Geniş düzəliş izahları üçün skript

Son rəy: 2 ay öncə2 şərhMüzakirədə 2 nəfər

Yuxarıda — defolt düymələr
Aşağıda — skript təqdim etdiyi düymələr

Salam. Əkrəm ilə bir müddət əvvəl belə bir skript tərtib etmişdik. Bunu mən kod olaraq istifadə edirdim, amma hamının istifadə edə bilməsi və rahat olması üçün skriptə çevirməyi düşünürdüm və bir neçə gün əvvəl skriptə dönüşdürdüm. Skript defolt düzəliş izahı düymələrindən daha çox seçim imkanı verir (şəkildən gördüyünüz üzrə). Aktivləşdirmək üçün aşağıdakı kodu common.js səhifənizə əlavə etmək kifayətdir. İstəyən mənbə kodunu alıb özü üçün fərdiləşdirə də bilər.

/* Xüsusi dəyişiklik izahı düymələri [[İ:Qədir/SpecialEditSummaries.js]] */
mw.loader.load('/wiki/User:Qədir/SpecialEditSummaries.js?action=raw&ctype=text/javascript');

Hörmətlə, Qədir (müzakirə) 01:25, 23 avqust 2025 (UTC)Cavabla

qeyd: bir müddət sonra hal-hazırkı xülasə düymələri qadcetinin özünə də müəyyən əlavələr gələcək və düymələri fərdiləşdirmək də asanlaşacaq :3 əkrəm. 18:25, 23 avqust 2025 (UTC)Cavabla

Vikimedia Gələcək Laboratoriyası - Frankfurtda keçiriləcək tədbir

Son rəy: 2 ay öncə1 şərhMüzakirədə 1 nəfər

Wikimedia Deutschland qlobal tendensiyalar haqqında "Wikimedia Futures Lab" adlı tədbirə ev sahibliyi edəcək. Tədbirin 30 yanvar - 1 fevral 2026-cı il tarixlərində Almaniyanın Frankfurt şəhərində 100 iştirakçı ilə keçirilməsi planlaşdırılır. Maraqlı olan istifadəçilər bu səhifəni oxuyaraq qeydiyyatdan keçə bilər. Qeydiyyat 4 sentyabra qədər açıqdır. Nemoralis (müzakirə) 15:06, 26 avqust 2025 (UTC)Cavabla

Azərbaycandilli VRT emailləri açıldı

Son rəy: 1 ay öncə8 şərhMüzakirədə 8 nəfər

Hamıya salam. Bu gündən etibarən artıq azərbaycanlı könüllülərin baxacağı VRT emailləri (info-az wikimedia.org və permissions-az wikimedia.org) mövcuddur. Bu emaillər sayəsində ictimaiyyətdən gələn sualları asan şəkildə cavablandıra biləcəyik. Xüsusilə permissions-az vasitəsilə şəkillərini vikiyə yükləmək istəyənlər üçün proses asanlaşacaq. Nemoralis (müzakirə) 10:32, 4 sentyabr 2025 (UTC)Cavabla

Xeyirli-uğurlu olsun! Hörmətlə, Qədir (müzakirə) 10:39, 4 sentyabr 2025 (UTC)Cavabla

xeyirli olsun 👍🏻 Atakhanli (müzakirə) 10:42, 4 sentyabr 2025 (UTC)Cavabla

Xeyirli və uğurlu olsun 🙏🏽 — ReiKaze🌸 (müzakirə) 11:43, 4 sentyabr 2025 (UTC)Cavabla

Xeyirli olsun --► Hörmətlə: Chanis Caucasi 13:04, 4 sentyabr 2025 (UTC)Cavabla

Xeyirli olsun. Sousou no Frieren 22:59, 4 sentyabr 2025 (UTC)Cavabla

Xeyirli olsun. Hörmətlə, Vikotals (müzakirə) 12:48, 5 sentyabr 2025 (UTC)Cavabla

Salam, super oldu bu. Həqiqətən, çoxu əziyyət çəkirdi bu mövzuda. Əla oldu. Təşəkkürlər. samral ^müzakirə 05:46, 10 sentyabr 2025 (UTC)Cavabla

İnzibatçıların və bürokratların seçilməsi qaydalarına düzəlişlə bağlı

Son rəy: 1 ay öncə1 şərhMüzakirədə 1 nəfər

Salam.

Qaydadakı iki düzəlişlə bağlı bu başlığı açıram.

1. Qaydanın "Kim inzibatçılığa namizəd ola bilər" başlığındakı birinci bəndə aşağıdakı kimi düzəliş olunur:

Təklif olunan əlavə

Tutaq ki, biri digər bir layihədə bloklanıb. Nəyə görə o burada konstruktiv töhfələr verirsə namizəd ola bilməz ki? Əlbəttə, digər layihələrdəki blokların səbəblərinə baxılaraq istifadəçilər lehinə/əleyhinə səs verməkdə sərbəstdirlər. Həmçinin qeyri-müəyyən müddətə və 3 dəfədən artıq bloklanmış istifadəçilər istisna edilir. Bu da doğru deyil, bax: təmiz başlanğıc. Zatən səsvermədə uyğun deyilsə seçilməyəcək. Əslində, bu qaydada belə bir tələb olmayıb, səsvermə qaydalarından buna birləşdirilib.

2. "Kimlər seçici hüququna malikdir?" və "Səslərin hesablanması və nəticə" bölmələri. Təklif edirəm ki, buradakı "15 gün" tələbini də götürək. Bu, səs ovçuluqlarına görə tətbiq olunmuşdu, amma indi elə bir şey baş versə anlamaq çətin deyil və tədbir görüləcək. Bu ona görə ləğv olunmalıdır ki, məsələn, mən və ya digər vikipediyaçılar nə üçün 15 gün aktiv olmadığı üçün onların səsləri nəzərə alınmasın? Bu hal səsvermələrdə də problemlər yaradır. Bu dəyişiklik paralel olaraq, səsvermələr üçün tətbiq olunan səsvermə qaydaları üçün də tətbiq olunacaq.

Hörmətlə, Qədir (müzakirə) 12:29, 11 sentyabr 2025 (UTC)Cavabla

Xeyriyyəçi və mesenat

Son rəy: 1 ay öncə2 şərhMüzakirədə 2 nəfər

Kateqoriya:Azərbaycan xeyriyyəçiləri və Kateqoriya:Azərbaycan mesenatları (eyni şəkildə Kateqoriya:Azərbaycanlı mesenatlar və Kateqoriya:Azərbaycanlı xeyriyyəçilər) kateqoriyaları eyni şəxsləri cəmləyib. Sual edirəm niyə iki ayrı kateqoriya var? Xeyriyyəçi və mesenat eyni mənalı sözlər deyillər? İkinci kateqoriyanın 20 dildə keçidi var. Təklif edirəm ki, Kateqoriya:Azərbaycan xeyriyyəçiləri (Kateqoriya:Azərbaycanlı xeyriyyəçilər) adı ilə birləşdirilsinlər. Yousiphh (müzakirə) 05:50, 22 sentyabr 2025 (UTC)Cavabla

@Yousiphh arasında fərq böyükdür. Mesenat əsasən elmi sahələrə dəstək göstərir. Xeyriyyəçi isə sosial yönümlü dəstək göstərir. bir sözlə aralarında fərq vardı - ReiKaze🌸 (müzakirə) 05:53, 22 sentyabr 2025 (UTC)Cavabla

Layihə təklifi

Son rəy: 1 ay öncə11 şərhMüzakirədə 9 nəfər

Hörmətli yoldaşlar,

Mən Vikimedia Fondunun "Rapid Fund" (Texniki layihələr) proqramına müraciət etməyi planlaşdırıram. Layihənin məqsədi Azərbaycanca Vikipediyada təcrübəli istifadəçilər, inzibatçılar və patrullar üçün daha səmərəli işləmə imkanı yaradacaq Codex əsaslı yeni bir gadget hazırlamaqdır.

Bu qadcet toplusu funksionallıq baxımından "Twinkle" alətinə bənzəyəcək, amma müasir "Codex" dizayn sistemi üzərində qurulacaq. Bundan əlavə, bu qadcet mobil versiyada da tam işlək olacaq. Qadcetin ilkin funksiyalarını artıq sınaqdan keçirmişəm və bu mövzu üzrə təcrübəyə malikəm. İndi isə sıfırdan tam "customize" edilə bilən, mərkəzi skript bazasına malik, istifadəçi seçimlərinə uyğunlaşdırıla bilən mükəmməl versiya üzərində işləmək istəyirəm. Qadcet olduqca geniş funksionallığa sahib olacaq:

Silinməyə müraciətlərinin əlavə edilməsi, icra edilməsi və yekunlaşdırılaraq arxivləşdirilməsi;
Addəyişmə müraciətlərinin əlavə edilməsi, icra edilməsi və yekunlaşdırılaraq arxivləşdirilməsi;
Məqalə namizədləri səhifələrinin avtomatlaşdırılması;
Səsvermələrin müvafiq alt səhifələrdə arxivləşdirilməsi;
Məqalələrə bildiriş şablonların əlavə edilməsi və çıxarılması;
Məqalə statistikalarının daha aydın və vizual formada müşahidə edilməsi;
Səhifə keçidləri üzərində müxtəlif əməliyyatların aparılması;
Səhifələrin mühafizəyə götürülməsi və mühafizədən çıxarılması;
İstifadçilərdən şikayətlərin qeyd edilməsi və izlənməsi;
İstifadəçilərə müxtəlif səviyyəli hazır xəbərdarlıqların və salamlama mesajlarının göndərilməsi;

… və çoxlu sayda digər eksklüziv funksiyalar.

Layihə üçün "Rapid Fund" qrant proqramına müraciət etməzdən əvvəl icmamızın fikirlərini öyrənmək istəyirəm:

Sizcə, bu tip bir qadcet bizim vikidə faydalı olarmı?
Hansı xüsusiyyətləri daha çox vacib sayırsınız?
İstifadə rahatlığı ilə bağlı hansı təklifləriniz var?

Rəyləriniz layihənin formalaşdırılmasında və uğurlu icrasında çox vacibdir.

Təşəkkür edirəm! Toghrul R (m) 06:41, 22 sentyabr 2025 (UTC)Cavabla

Twinkle qadcetinin bəzi hissələri tərcümə olunub amma hələ də bizim vikiyə tam uyğun deyil. Xüsusilə istifadəçilərə bildiriş funksiyası bizə lazımdır. Düşünürəm ki, belə bir qadcetə ehtiyac var. Nemoralis (müzakirə) 08:47, 22 sentyabr 2025 (UTC)Cavabla

Lehinə Mövcud sistem köhnə interfeys üzərində qurulduğu üçün bir sıra funksiyalar çatışmır və bu da iş prosesində müəyyən çətinliklər yaradır. Daha müasir və funksional qadcet sisteminə ehtiyacımız var. Belə bir yenilənmiş sistem istifadədə rahatlıq yaradacaq, vaxt itkisini azaldacaq və ümumi səmərəliliyi artıracaq. Dəstəkləyir və bu istiqamətdə görüləcək işlərdə uğurlar arzulayıram.-A.Aida88 (müzakirə) 07:37, 23 sentyabr 2025 (UTC)Cavabla

salam, @Toghrul R :3

layihənin təsvirindən belə başa düşürəm ki, fundamental səviyyədə vp:ce ilə eyni əhəmiyyəti kəsb edir. mən də belə bir qadcet üzərində işləyirdim bir müddət əvvələ qədər — tamamilə modulyar (qadcetin funksiyaları ayrı-ayrılıqda qadceti bütövlükdə işə salmadan icra edilə bilir), i18n dəstəkli və fərdiləşdirilə bilən (istifadəçi qadcetin hansı funksiyalarını aktivləşdirəcək; həmçinin görünüşlə bağlı müəyyən digər fərdiləşdirmələr (məs. çoxaddımlı dialoqlar vs birsəhifəli formalar)) və köhnə twinkle, kateqoriyaustası kimi qadcetləri əvəz edəcək, skriptlər toplusu formatında qadcet. adı da son xassəsindən gəlir (codex ilə yaxşılaşdırılmış) — özündən yeni şeylər bir o qədər əlavə etmədən hal-hazırkı funksiyaları codex vasitəsilə daha yaxşı bir interfeyslə birləşdirir (nota bene: əlbəttə ki, bu, qadcetin gələcəkdə inovasiyalara məruz qalmayacağını göstərmir). istəyirsinizsə, proyektin yükü azalsın deyə bir yerdə işləyə bilərik, ya da proyekti tamamilə sizə təhvil verə bilərəm :D

bir nota bene daha: azwikiyə deploy olunmuş ce kodlarında yuxarıda sadaladığım xassələrdən əsər-əlamət görməyə bilərsiniz — tamamilə normaldır, öz kompüterimdəki lokal vikidə qadceti yeni bir (yuxarıdakı) fəlsəfə ilə sıfırdan yazmağa başlamışam :D əkrəm. 16:14, 23 sentyabr 2025 (UTC)Cavabla

@Əkrəm salam. Dəstəyiniz üçün təşəkkür edirəm.

Əslində, Twinkle qadcetinin azwiki üçün tətbiqinə 2021-ci ildə başlamışam. Lakin həmin vaxtlar yaxşı dizayn sistemi mövcud deyildi. Düzdür, əvvəllər OOUI ilə ADM və SNS üçün modullar yazmışdım, amma ürəyimcə deyildi. Codex-in Vue.js dəstəyi bu fikrimi dəyişdi. Üstəlik, ES6 dəstəyi yeni imkanlara yol açdı.

Eyni ideya üzərindən yola çıxmağımız xoş təsadüfdür. Mənim təsəvvür etdiyim kod bazasında istifadəçilərin istəyinə görə tam uyğunlaşdırma (seçimlərin yadda saxlanması, səhifələrin analizi və s.), başqa Vikipediya bölmələrinə rahat inteqrasiya var. Digər bir təsadüf də odur ki, bu kod bazasının əsası mənim lokal kodlama mühitimdə mövcuddur. Bu mövzu üzrə sizinlə məsləhətləşə bilərik Toghrul R (m) 18:17, 23 sentyabr 2025 (UTC)Cavabla

əlbəttə, əla səslənir! buradakı istifadəçi müzakirəsi səhifələri, yaxud discord kimi bir sosial platforma vasitəsilə bu mövzuda daha ətraflı danışa bilərik, istəyirsinizsə :3 əkrəm. 18:46, 23 sentyabr 2025 (UTC)Cavabla

Lehinə, Turkmen ^müzakirə 07:52, 26 sentyabr 2025 (UTC)Cavabla

Lehinə dəstəkləyirəm. Sousou no Frieren 15:44, 26 sentyabr 2025 (UTC)Cavabla

Lehinə əla olar. --Araz Yaquboglu (müzakirə) 16:22, 26 sentyabr 2025 (UTC)Cavabla

Lehinə (eşq) olsun — Bikar^müzakirə 16:24, 26 sentyabr 2025 (UTC)Cavabla

Lehinə əla, vikipediyaya faydalı olacağına inanıram Atakhanli (müzakirə) 07:01, 29 sentyabr 2025 (UTC)Cavabla

Vikipediya:Bərpa üçün namizəd fayllar səhifəsi yaradılsın.

Son rəy: 1 ay öncə5 şərhMüzakirədə 5 nəfər

Salam. Əziz və dəyərli həmkarlarım. Belə bir təklif irəli sürmək istəyirəm. Vikipediya: Bərpa üçün namizəd səhifələr kimi Vikipediya: Bərpa üçün namizəd fayllar səhifəsi yaradılsın. Məs: Vikipediya: Silinməyə namizəd səhifələr kimi Vikipediya: Silinməyə namizəd fayllar səhifəsi vardır. Qırmızı rəngdə qeyd olunan Vikipediya: Bərpa üçün namizəd fayllar səhifəsi yaradılsın. Sizlər necə düşünürsüz ehtiyac var yaradılmasına ya yox fikirləriniz maraqlıdır mənim üçün. Hörmətlə, Vikotals (müzakirə) 16:39, 23 sentyabr 2025 (UTC)Cavabla

Salam. Necə işləyəcək? Silinmiş məqalənin məzmununu inzibatçılardan almaq olur, fayllar necə olacaq? Email-ə göndərəcəklər ya başqa yerə yükləyəcəklər (o da müəllif hüququ pozuntusu sayılmır?)? Hansısa şəxs məqaləsində addan hansı şəxs olduğunu bilmək olur, faylın adından necə bilək ki, içindəki nə idi? İşlək olacağını düşünmürəm — Bikar^müzakirə 16:47, 23 sentyabr 2025 (UTC)Cavabla

salam. məncə, ehtiyac yoxdur. səhifə bolluğu məhsuldarlığı azaldır. bizdə elə dəhşət icma da yoxdur ki, bütün səhifələr dolub-daşsın, biz də əlavə alternativ yerlər fikirləşək Atakhanli (müzakirə) 18:13, 23 sentyabr 2025 (UTC)Cavabla

SNF aktiv belə deyil, bu səhifə də elə olacaq. Belə bir səhifənin yaradılması üçün gərək tələbat olsun. Nemoralis (müzakirə) 17:03, 26 sentyabr 2025 (UTC)Cavabla

Bu lazım deyil, amma məncə bunu yaratmaq olar. Yardım masası yeni istifadəçiləri qaydalara yönləndirmək və onlara kömək üçündür, Kənd meydanı da əhəmiyyətli məsələləri müzakirə üçün. Bu səhifə ona (təcrübəli-təcrübəsiz istifadəçilərdən gələn digər məsələləri ümumi müzakirə etmək və məsləhətləşmək üçün) xidmət edə bilər. Aktivlik az olsa da, effektiv ola bilər, çünki belə başlıqlar olur. Məsələn, İ:Zohrab Javad-ın Yardım masasında gözləyən başlığı. Hörmətlə, Qədir (müzakirə) 16:52, 29 sentyabr 2025 (UTC)Cavabla

Mövzu əlavə et

Vikipediyanın müzakirə və müraciət səhifələri
Ümumi	İnzibatçılar müraciət Bürokratlar müraciət İnterfeys inzibatçıları müraciət Botlar istəklər AutoWikiBrowser istəklər Addəyişmə müraciətləri Bərpa üçün namizəd səhifələr İstifadəçi adı dəyişdirmək İstifadəçi hüquqları üçün müraciətlər Silinməyə namizəd səhifələr fayllar Kateqoriya müzakirələri Şablon müzakirələri istəklər Kənd meydanı VMF transliterasiya Yükləmə müraciətləri Yardım masası
İstifadəçi davranışları	Təftişçilərə müraciət Şikayət inzibati hüquqlar Bloklama tələbləri Mühafizə tələbləri Versiya gizləmə tələbləri
Digər müraciətlər	Məqalə namizədləri qiymətləndirmə Tərcümə istəkləri Məqalə istəkləri Texniki məsələlər