Vikipediya:İnzibatçıların fəaliyyəti

İnzibatçılıq statusuna Vikipediyadakı fəaliyyətə görə verilmiş mükafat kimi baxmaq olmaz. İnzibatçı "Vikipediyanın fəxri istifadəçisi" deyil.

İnzibatçı ilk növbədə Vikipediyaya xidmət etmək vəzifəsini öhdəsinə götürmüş istifadəçidir:

1. İnzibatçılar Son dəyişikliklər səhifəsini tez-tez yoxlamalıdırlar. Bununla onlar yeni vandalizm fəaliyyətlərini aşkar edə və lazımsız məqalələri silə bilərlər.
2. İnzibatçılar tez-tez Silinəcək məqalələr səhifəsini yoxlamalı və silinməsi təklif olunan məqalələri yoxlayaraq silməli və ya saxlamalı, qaydaya salmalıdırlar.
3. İnzibatçılar tez-tez mühafizə olunan səhifələrin müzakirə səhifələrini yoxlamalı və orada yazılan təklif və ya iradlara cavab verməlidirlər.
4. İnzibatçılar tez-tez qaralama halında olan məqalələri yoxlamalı, mümkün olduqca onları qaydaya salmalı və bununla da qaralama kateqoriyalarının siyahısını azaltmalıdırlar.
5. İnzibatçılar Vikipediyanın bütün xidmətlərinin normal işini təmin etməli, müzakirələr zamanı baş verən mübahisələri Vikipediya qaydalarına uyğun olaraq həll etməlidirlər.

1. Sizə inzibatçılıq təklif olunursa, ilk növbədə fikirləşin — bu sizə lazımdırmı? Nəzərə alın ki, inzibatçılıq böyük əmək və vaxt tələb edir. İnzibatçı digər istifadəçilərdən fərqli olaraq Vikipediyada daha çox vaxt keçirməli və bütün vacib müzakirələrdə və səsvermələrdə iştirak etməlidir.
2. Bir inzibatçı eyni zamanda bütün işləri görə bilməz: həm məqalə etsin, yüklənən şəkilləri nəzarətdə saxlasın, şablon yaratsın, həm də baş verən mübahisələrin həll olunmasında iştirak etsin. Odur ki, inzibatçılığa başlamazdan əvvəl ilk növbədə hansı işləri görəcəyinizi planlaşdırın.
3. Boş məqalələr və kateqoriyalar yaratmayın, istifadəçilərə istehzalı sözlər yazmayın. Unutmayın ki, digər istifadəçilər sizdən nümunə götürürlər.
4. Fəaliyyətinizdə sərbəst olun, heç kimin təsiri altına düşməyin və kiminsə xoşuna gəlməyə çalışmayın. Unutmayın ki, fəal istifadəçilər Vikipediyada baş verənləri və bütün müzakirələri izləyirlər.

1. İnzibatçı istifadəçiyə müraciət edərkən rəsmi və etik qaydaları gözləməlidir. Müraciət elə olmalıdır ki, istifadəçi özünü təhqir olunmuş və ya lazımsız hiss etməsin, əksinə, onun Vikipediyada məqalə yaratmasına və lərinə şad olduqlarını hiss etsin.
2. İnzibatçılar Vikipediya qaydalarına hər zaman riayət etməli və digər istifadəçilərə nümunə olmalıdırlar.
3. Yeni istifadəçilərdən bütün qaydalara və məqalə yaratma üsullarına riayət etməyi tələb etmək düzgün deyil. Yalnız müəyyən təcrübəsi olan və Vikipediya cəmiyyətində artıq tanınan istifadəçilərdən məqalələri interviki, kateqoriya və bölmələr üzrə yaratmalarını tələb etmək olar.
4. İnzibatçı istifadəçi ilə müzakirə apararkən səbirli olmalıdır. Hər hansı qərar qəbul etməzdən öncə qaydaları bir daha nəzərdən keçirməlidir.
5. İnzibatçının Vikipediya qaydalarını bilməsi və bu qaydalar əsasında fəaliyyət göstərməsi məcburidir.
6. İnzibatçı şəxsən ona olunan müraciətlərə qısa müddət ərzində münasibət bildirməlidir. İnzibatçı sualları cavablandıra bilməkdə çətinlik çəkirsə, bu barədə qarşı tərəfə məlumat verməlidir. Yalnız müraciətlərdə etik qaydaların pozulması halları olduqda inzibatçı cavab verməyə bilər. İnzibatçı qeyd olunan müddət ərzində aktiv deyilsə, aktiv inzibatçılar imkan daxilində həmin müraciətləri cavablandırmalıdırlar.
7. Bəzən istifadəçilərin sualları heç bir məna kəsb etmir. Bu zaman inzibatçı sualın düzgün verilmədiyini istifadəçiyə bildirməli, mübahisəyə səbəb ola biləcək ümumi sualları özü cavablandırmalıdır. Sual və ya şərh təxribat xarakterlidirsə, inzibatçıya bu sualı silmək ixtiyarı verilir.
8. İnzibatçı hər hansı mübahisəli məsələdə və ya səsvermədə bütün fəal istifadəçilərin müzakirə səhifələrinə daxil olaraq təbliğat aparmamalıdır. Təbliğatdan spama bir addımdır. Spamı isə insanlar xoşlamırlar.

• Vikipediya qaydalarını pozan, vandalizmlə məşğul olan istifadəçi bloklama qaydalarına müvafiq olaraq ya dərhal bloklanmalı, ya da ona səhvini göstərməklə bloklanmasının mümkünlüyü haqqında xəbərdarlıq edilməlidir. Xəbərdarlığa məhəl qoymayaraq vandalizmi davam etdirən istifadəçi inzibatçının təyin etdiyi müddətə bloklana bilər.
• İnzibatçı hər hansı istifadəçini bloklayarkən onun müzakirə səhifəsində blok səbəbini və müddətini yazmalıdır! Bu yazı inzibatçının fəaliyyətinin şəffaflığını təmin edər, eyni zamanda digər istifadəçilər bloklamanın səbəbini təhlil edərək gələcəkdə bu cür fəaliyyətdən çəkinərlər.

İnzibatçı 6 ay ərzində ən azı 500 etməlidir. lərdən 25-i məqalələrin adlarının dəqiqləşdirilməsinə, şablon və kateqoriyaların yaradılmasına, faylların yüklənməsinə aid olmalıdır. 6 ay ərzində inzibatçı həm də yalnız inzibatçıların səlahiyyətinə daxil olan, sayı 25-dən az olmayan fəaliyyətlə də məşğul olmalıdır: səhifənin silinməsi və yaxud bərpa edilməsi, mühafizəsi və yaxud mühafizənin kənarlaşdırılması, istifadəçilərin bloklanması və yaxud blokun götürülməsi, MediaViki səhifələrində lər və s.

• Советы кандидатам в администраторы  (rus.)
• Правила выборов администраторов и бюрократов  (rus.)