Daşqın Qənbərov

Daşqın Məcid oğlu Qənbərov 19 avqust 1978 – ci ildə Azərbaycan Respublikasının Biləsuvar şəhərində anadan olub.

Elmİ – pedaqojİ fəalİyyətİ:

2001-2005-ci illərdə Bakı Dövlət Universitetində Beynəlxalq hüquq ixtisası üzrə təhsil alıb.

2006-cı ildə Bakı Dövlət Universiteti Beynəlxalq münasibətlər və beynəlxalq hüquq fakültəsində "Beynəlxalq hüquq" ixtisası üzrə əyani doktoranturya qəbul olub.

2009–cu ildə "Beynəlxalq ekoloji standartlar və Azərbaycan Respublikasının qanunvericiliyi" mövzusunda disstertasiya işini müvəffəqiyyətlə müdafiə edib və 2011-ci ildə Azərbaycan Respublikası Prezidenti Yaninda Ali Attestasiya Komissiyasının qərarı ilə "Hüquq üzrə fəlsəfə doktoru" (PhD in law) elmi dərəcəsini alıb.

29.01.2013-cü ildə 5603.01 Beynəlxalq hüquq: insan hüquqları ixtisası üzrə Hüquq fakültəsi, Beynəlxalq xüsusi hüquq və Avropa Hüququ kafedrasına elmlər doktoru proqramı üzrə qiyabı doktoranturaya qəbul olub. O, “Birləşmək hüququnun insan hüquqları sistemində yeri: nəzəri və təcrübi problemlər” mövzusunda yazdığı doktorluq dissertasiya işini yekunlaşdırıb. 2024-cü ildə doktorluq disssertasiya işini uğurla müdafiə edib, 20.06.2025-ci ildə Azərbaycan Respublikası Prezidenti Yaninda Ali Attestasiya Komissiyasının qərarı ilə "Hüquq elmləri doktoru" elmi dərəcəsini alıb. ^[1]

14 dekabr 2017-ci il tarixində Azərbaycan Respublikasının Prezidenti Yanında Ali Attestasiya Komissiyasının qərarı ilə “İnsan hüquqları və informassiya hüququ UNESCO” kafedrası üzrə Dosent elmi adına layiq görülüb.

2006-cı ildən pedaqoji fəaliyyətlə məşgul olan D.M.Qənbərov hazırda Bakı Dövlət Universitetinin hüquq fakültəsinin “İnsan hüquqları və informasiya hüququ UNESCO” kafedrasında dosent vəzifəsində çalışır. ^[2]

O, bakalavr pilləsində “İnsan hüquqları”, “Ekologiya hüququ” və s. fənləri, magistratura təhsil pilləsində isə “Ekoloji təhlükəsizlik və insan hüquqları”, “İnsan hüquqları: nəzəri aspektlər”, “Ayrı-ayrı insan hüquqları” və s. fənlərini tədris edir, mühazirə və məşğələ dərslərini aparır. Eyni zamanda, kurs işlərinə, buraxılış işlərinə, magistr dissertasiyalarına rəhbərlik edir.

50-dən artıq müxtəlif yerli və beynəlxalq elmi konfranslarda çıxış edib.^[1]

50 – dən artıq elmi əsəri (məqalə və tezis) dərc edilmişdir. ^[1]

1 dərslik, 2 dərs vəsaiti, 3 monoqrafiya, 5 fənn proqramının müəllifidir.^[1]

30 – dan artıq yerli və beynəlxalq treninq – seminarlarda (təkmilləşdirmə kürslarında – Prezident Yanında İdarəçilik Akademiyasında, ADA Universitetində, Paris Sarboon Universiteti Abu Dhabi, Əmək və Sosial münasibətlər Akademiyası, Azərbaycan Respublikası Ədliyyə Akademiyası və s.) iştirak edib, sertifikatlar alıb.

D.M.Qənbərov Azərbaycan Respublikası Vəkillər Kollegiyasının üzvüdür və vəkil fəalyyəti ilə də məşğul olur.^[3]

D.M.Qənbərov Avropa Şurasının HELP (Human Rights Education for Legal Professionals) proqrammı üzrə təlimçi statusuna malikdir.^[4]

D.M.Qənbərov Azərbaycan Respublikası Mediasiya Şurasının üzvüdür və mediator fəalyyəti ilə də məşğul olur.

İctİmaİ fəalİyyətİ:

Təhsil aldığı müddətdə Universitetin ictimai həyatında fəal iştirak edib, 2000-ci ildə Bakı Dövlət Universiteti Tələbə Həmkarlar İttifaqı Komitəsinin (BDU THİK) sədr müavini, 2002-ci ildə sədrin I müavini seçilmişdir.

2006-cı ilin 27 noyabrında keçirilən BDU THİK-nin sədri seçkilərində kollektiv etimad göstərərək onu təşkilata sədr seçmişdir. 2019-cu il 24 iyul tarixinə qədər bu təşkilata rəhbərlik edib.

2011-2019-cu illərdə Azərbaycan Təhsil İşçiləri Azad Həmkarlar İttifaqı Respublika Komitəsinın Hüquq Məsələləri Komissiyasının Sədri olub.

D.M.Qənbərovun 20 illik seçki və referendum təcrübəsi də vardır. Belə ki, o, 2000-ci ildən etibarən Azərbaycan Respublikasında keçirilən seçki və referendumlarda Bakı şəhər Yasamal rayonunun inzibati ərazisi daxilində müxtəlif (16/16, 16/25, 16/11 və s.) Məntəqə Seçki Komissiyalarının sədri olmuş və rəhbərlik etdiyi komissiyalar 2000, 2005, 2010, 2015–ci illərin parlament seçkilərini, 2002, 2009 və 2016-cı illərdə referendumları, 2004, 2009 və 2014-cü illərdə bələdiyyə seçkilərini, 2003, 2008, 2013 və 2018–ci illərdə prezident seçkilərini yüksək səviyyədə təşkil etmişdir.

Mükafatları:

2009 və 2010 – cu illərdə gənclər sahəsində gördüyü işlərə və səmərəli fəaliyyətinə görə Azərbaycan Respublikası Gənclər və İdman nazirliyi tərəfindən "Yaxşıların Yaxşısı" fəxri adına layiq görülmüş və xatirə medalı ilə təltif olunub.

2010 – cu və 2013 – ci illərdə Bakı Dövlət Universitetinin rəhbərliyi tərəfindən "İl ərzində peşəkar, səmərəli və məhsuldar fəaliyyətinə gorə "Fəxri Fərman”larla təltif olunub.

2010–cu ilin iyun ayında Azərbaycan Respublikası Prezidenti zati-aliləri cənab İlham Əliyevin sərəncamı ilə "Azərbaycan təhsilinin inkişafındakı xidmətlərinə görə "TƏRƏQQİ" medalı ilə təltif olunub.^[5]

2014 – cu ildə Azərbaycan Həmkarlar İttifaqları Konfederasiyasının Rəyasət Heyətinin qəraı ilə "Azərbaycan həmkarlar ittifaqlarında xidmətlərinə görə" medalı ilə təltif olunub. Bu medal Azərbaycan həmkarlar ittifaqları sisteminin ən ali mükafatıdır.^[6]

D.M,Qənbərov 2015 –ci ildə Respublikamızda təşkil olunmuş Birinci Avropa Oyunlarında “Məşəldar” olmuşdur.^[7]

BACARIQLARI:

Müasir informasiyya komunikasiya texnologiyalarının imkanlarından sərbəst şəkildə istifadə etməyi  və komanda işini bacarır.

Aİlə vəzİyyətİ:

Ailəlidir, 4 övladı  var.

1. ↑ ^{1 2 3 4} "AAK". aak.gov.az. İstifadə tarixi: 8 yanvar 2026.
2. ↑ Azərtac. "Azertac".
3. ↑ Vəkillər, Kollegiyası. https://barassociation.az/lawyersregister?ordering=community_id&page=54 (#bare_url_missing_title).
4. ↑ "Home | HELP Programme". help.elearning.ext.coe.int. İstifadə tarixi: 8 yanvar 2026.
5. ↑ Crocusoft. "E-QANUN". e-qanun.az (ingilis). İstifadə tarixi: 8 yanvar 2026.
6. ↑ Bloq. "Bloq".
7. ↑ Biləsuvar İcra Hakimiyyəti. "Birinci Avropa Oyunları".