Bu məqaləni vikiləşdirmək lazımdır. |
Bu məqalənin ensiklopedik tələblərə cavab vermədiyinə dair şübhələr var. |
Bu məqalədə yalnız ilkin və ya onunla əlaqəli mənbələrdən istifadə olunur. |
Xülya Sabirli və ya Xülya Cəfərova (tam adı: Xülya Rabil qızı Sabirli; 17 fevral 1992, Qəbələ) — Azərbaycanlı yazıçı, jurnalist, pedaqoq və tərcüməçi.
| Xülya Sabirli | |
|---|---|
 | |
| Doğum tarixi | 17 fevral 1992 (33 yaş) |
| Doğum yeri | |
| Milliyyəti | Azərbaycanlı |
| Təhsili | |
| İxtisası | jurnalist |
| Fəaliyyəti | yazıçı, pedaqoq, tərcüməçi |
| Əsərlərinin dili | Azərbaycan dili, ingilis dili |
| Janrlar | fantastika, psixoloji triller |
| İlk əsəri | Külək: Yel kürəsinin şahzadəsi (roman) |
Xülya Sabirli 1992-ci il fevralın 17-də ziyalı ailəsində anadan olmuşdur. İki övladı var.
Orta təhsilini 1998–2009-cu illərdə Bakı şəhərində Qafqaz Özəl Gimnaziyasında almışdır. 2009-cu ildə Bakı Dövlət Universitetinin Jurnalistika fakültəsinə qəbul olmuş, 2013-cü ildə adı çəkilən universiteti bitirmişdir. Elə həmin ildə o, Bakı Dövlət Universitetinin magistraturasına daxil olmuşdur. 2016-cı ildə magistratura pilləsini fərqlənmə ilə bitirmiş və beynəlxalq jurnalistika ixtisası üzrə magistr dərəcəsi almışdır. O, 2017-2020-ci illərdə AMEA Hüquq və İnsan Haqları İnstitutunda doktorantura səviyyəsi üzrə təhsilini davam etdirmişdir. Ardınca Amerikanın Vaşinqton universiteti ilə Azərbaycan Dövlət Pedaqoji universitetinin "Təhsilin idarəedilməsi" ixtisası üzrə magistratura ikili diplom proqramında təhsil almışdır.
Xülya Sabirli peşəkar əmək fəaliyyətinə 2012-ci ildə Lider televiziyasında jurnalist və teleaparıcı kimi başlayıb. Ardınca, bir sıra qurumlarda jurnalist və tərcüməçi kimi çalışıb. 2014–2024-cü illərdə Heydər Əliyev Fondunun təşəbbüsü ilə təsis edilmiş "Qayğı-Sağlam Nəsil Naminə" İctimai Birliyinin idarə heyətinin üzvü, eyni zamanda ictimaiyyətlə əlaqələr üzrə meneceri kimi fəaliyyət göstərib. Bununla yanaşı, Bakı Dövlət Universitetində, Azərbaycan Universitetində, Azərbaycan Dövlət İqtisad Universitetində və Azərbaycan Dövlət Bədən Tərbiyəsi və İdman Akademiyasında müəllim kimi çalışıb. Bir müddət Azərbaycan Dövlət Neft və Sənaye Universitetinin nəzdində fəaliyyət göstərən Azərbaycan-Fransız Universitetinin ictimaiyyətlə əlaqələr üzrə meneceri, ardınca Kapital Bankda ictimaiyyətlə əlaqələr üzrə ekspert kimi çalışıb. Hazırda Azərbaycan Dövlət Neft və Sənaye Universitetinin İctimaiyyətlə əlaqələr və marketinq şöbəsinə rəhbərlik edir, eyni zamanda ADA universitetində müəllimi kimi peşəkar fəaliyyətini davam etdirir.
Müəllif uşaq yaşlarından bədii yaradıcılıqla məşğuldur. 2010-cu ildən etibarən hekayə və esseləri 525-ci qəzetdə müntəzəm olaraq çap olunmağa başlayıb. Ardınca, müxtəlif mətbu orqanlarında da yazılarla çıxış edib. Xülya Sabirli Qanun nəşriyyatının sifarişi ilə Elizabet Gilbertin "Ye, dua et, sev", Suzan Kollinsin "Alov Yanacaq" və "Aclıq Oyunları: Zığ-zığ quşu" əsərlərini İngilis dilindən Azərbaycan dilinə çevirib. Eyni zamanda, Azərbaycan Dövlət Tərcümə Mərkəzinin sifarişi ilə Çində Azərbaycan mədəniyyətinin təbliği üçün nəzərdə tutulmuş "Azərbaycan – Odlar Yurdu" adlı ensiklopedik vəsaiti Azərbaycan dilindən İngilis dilinə tərcümə edib. Xülya Sabirlinin "Külək: Yel Kürəsinin Şahzadəsi" və "Külək – Bozqurdun Sirri" kitabları TEAS Press Nəşriyyat Evi tərəfindən çap edilib.Külək: Yel kürəsinin şahzadəsi (roman) müəllifin ilk kitabıdır. Əsər Azərbaycan ədəbiyyatında ilk milli superqəhrəmanların yer aldığı fentezi romandır və əsər nəşriyyat tərəfindən 2018-ci ilin ən çox satılanları siyahısına daxil edilib, eyni zamanda "BAKUTEL 2018" sərgisi çərçivəsində ölkədə ilk VR Kitab layihə şəklində ictimaiyyətə təqdim edilib. Əsər Azərbaycan ədəbiyyatında ilk milli superqəhrəmanların yer aldığı fentezi romandır.
Xülya Sabirli həmçinin 2021-ci ildə BMT-nin Qadınlar Təşkilatının "Nağılları yeni nəsillər üçün yenidən təsəvvür edək!" adlı layihəsində yeganə azərbaycanlı yazar qismində iştirak edib. Silsilə görüşlər formatında baş tutan layihəyə dünyanın müxtəlif ölkələrindən olan onlarla yazıçısı qatılıb. Sonda ən yaxşı 30 hekayə toplu halında dərc edilib. Müəllifin "Şahzadə Ceynin kəşfi" adlı müasir nağılı da topluda yer alıb.
2022-ci ildə Xülya Sabirlinin "Şuşalı Superqəhrəman Qaya" adlı kitabı Azərbaycan Respublikasının Mədəniyyət Nazirliyinin tenderinin qaliblərindən biri kimi çap edilib və Bakı Beynəlxalq Kitab sərgisi çərçivəsində təqdimatı baş tutub. Əsər 44 günlük Vətən müharibəsi zamanı dünyasını dəyişmiş şəhidlərimizin və müharibədə canını ortaya qoymaqdan çəkinməyən qazilərimizin əziz xatirəsinə həsr edilib. 2024-cü ildə müəllifin "Metanoya" adlı psixoloji triller janrındakı romanı çapdan çıxıb. Roman məişət zorakılığı mövzusuna həsr olunub.
- Zülmət qırmızı
- “Qar”anlıq
- Həddini bilmə sənəti
- Qulaqsız canavar
- Vətənin pıçıltısı
- Dünyanın sonu
- İkiüzlü Yanus
- Günəş qədər yaxın
- Dünyanın sonu
- Mənim dahi dostum
- Başlanğıc və Son: Faktlar yeganə təsəllidir...
- - The Discovery of Princess Jane
- Öl Məzəli!
- Vətənin Pıçıltısı
- ↑ "Gənc yazıçı Xülya Cəfərovanın yeni çapdan çıxacaq ilk kitabı olan "Külək – Yel kürəsinin şahzadəsi" ilk milli superqəhrəmanlarla yadda qalacaq". Azertag.az. 2020-06-16 tarixində arxivləşdirilib. İstifadə tarixi: 2018-05-11.
- ↑ "Azərbaycan ədəbiyyatında superqəhrəmanların yer aldığı ilk roman tezliklə işıq üzü görəcək". Oxu.az. 2020-06-16 tarixində arxivləşdirilib. İstifadə tarixi: 2018-05-11.
- ↑ "Cəfərova, Xülya Rabil qızı. Külək. Bozqurdun sirri. II kitab / X. R. Cəfərova ; ill. M. Qafarov. - Bakı : TEAS PRESS Nəşriyyat evi, 2019. - 200 s." Clb.az. 2023-12-23 tarixində arxivləşdirilib. İstifadə tarixi: 2023-12-23.
- ↑ "2018-ci ilin Bestselleri - Külək - Yel Kürəsinin Şahzadəsi - Xülya Sabirli". www.youtube.com. 2023-12-05 tarixində arxivləşdirilib. İstifadə tarixi: 2023-12-05.
- ↑ ""Külək - Bozqurdun sirri" kitabının təqdimatı olub". Azertag.az. 2020-06-16 tarixində arxivləşdirilib. İstifadə tarixi: 2023-12-23.
- ↑ """Külək – Bozqurdun sirri" əsəri". www.3alma.az. 2023-12-23 tarixində arxivləşdirilib. İstifadə tarixi: 2023-12-23.
Xülya SabirliYoutube kanalı