Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinVoyacer qızıl plastinkası
Voyacer qızıl plastinkası — 1977-ci ildə Voyacer 1 kosmik gəmisində kosmosa göndərilən müxtəlif informasiyalar yığımından ibarətdir. Burada Yer sivilizasiyası haqqında dolğun informasiya, şəkillər və musiqi parçaları vardı. Voyacer-1-in 40.000 il sonra 17.6 işıq ili uzaqlıqda olan AC+79 3888 ulduzuna çatması gözlənilir.[1]
Amerikalı astronom Karl Saqanın hazırladığı plastinkanın içərisində 116 şəkil, 55 dildə müxtəlif salamlama və diləklər və 27 musiqi parçası vardı. Həmçinin BMT başçısı Kurt Valdhaym və ABŞ prezidenti Cimmi Karterin səsli mesajları əlavə olunmuşdur. Voyacer qızıl plastinkasının içərisinə 27 melodiya daxil olunmuşdur. Bu melodiyalardan biri Kamil Cəlilovun balaban ilə çaldığı "Muğam" adlanan kompozisiyadır.[2][3][4][5]
Plastinka qızılla örtülmüş misdən düzəldilmişdir. Plastinkanın qutusu alüminiumdur ve tam saflaşdırılmış uran-238 izotopu ilə örtülmüşdür. Uran-238-in yarım parçalanma periodu 4.51 milyard ildir. Plastinkanı ələ keçirdən mümkün varlıqlar uranın radioaktiv parçalanmasından yaranan elementlərə olan nisbətinə baxaraq plastinkanın yaşını təyin edə bilər.
- ↑ "Voyager - Interstellar Mission". 15 oktyabr 2009 tarixində arxivləşdirilib. İstifadə tarixi: 22 iyun 2013.
- ↑ "AZƏRBAYCANDA BALABAN SƏNƏTİNİ ÖYRƏNƏN AMERİKALININ İNDİ 80 TƏLƏBƏSİ VAR (Balaban ustadı Babaxan Əmirovun dedikləri)". mediaforum.az (Azerbaijani). 14 may 2014 tarixində orijinalından arxivləşdirilib. İstifadə tarixi: 13 may 2014.
- ↑ "Azerbaijani Music Selected for Voyager Spacecraft". 12 noyabr 2011 tarixində arxivləşdirilib. İstifadə tarixi: 19 avqust 2015.
- ↑ "Azerbaijani mugham sent out to outer space 32 years ago". 25 fevral 2012 tarixində arxivləşdirilib. İstifadə tarixi: 19 avqust 2015.
- ↑ "Voyager - Spacecraft - Golden Record - Sounds of Earth". NASA. 3 iyul 2017 tarixində arxivləşdirilib. İstifadə tarixi: 25 may 2009.
- Voyager Golden Records Azərbaycan muğamı sayt — YouTube