Elmi adı - Allium woronowii Miscz. ex Grossh.
IUCN Qırmızı Siyahısına görə növün kateqoriyası və statusu “Nəsli kəsilmək təhlükəsində olanlar” kateqoriyasına aiddir – EN B2ab(i, ii, iii). Azərbaycanın nadir növüdür.
Qısa morfoloji təsviri
Çoxillik ot bitkisidir. Soğanağı yumurtavari, 1-2 sm diametrində, boz qınlıdır. Gövdə 4(7) – 13 sm hündürlükdə, 6-13 mm enində, novşəkilli, göyümtül yarpaqlıdır. Çətir şarvaridir. Çiçəkyanlığı 5-6(7) mm uzunluğunda, çəhrayıdır. Erkəkcik bütöv, xarici neştərşəkilli, daxili enli, tozluqları tünd-bənövşəyi; sütuncuq çiçəkyanlığından kənar çıxmır. Qutucuq şarvari, 1/3 dəfə çiçəkyanlığından qısadır.
Bioloji, ekoloji və fitosenoloji xüsusiyyətləri
Çiçəkləmə və meyvə əmələgəlmə dövrü may-iyun aylarına təsadüf edir.Soğanaqla, toxumla çoxalır. İşıqsevəndir. Kseromezofitdir.Orta dağ qurşağından subalp qurşağına qədər quru, çınqıllı və qayalı yamaclarda bitir. Geofit bəzək və qida bitkisidir.
Yayılması
Naxçıvanın dağlıq hissəsi (Şahbuz rayonunun Biçənək kəndi, Şərur rayonunun Qaraquş dağı)
Sayı və tendensiyası
Populyasiyanın təbii bərpası azalır, iqlimin mənfi təsirlərinə həssaslıq müşahidə olunur.
Məhdudlaşdırıcı amillər
Məhdud sahələrdə yayılması, dekorativ əhəmiyyətli olması və soğanaqlarının əhali tərəfindən qida kimi istifadə olunması.
Mühafizə tədbirləri
Mühafizəsi üçün xüsusi tədbirlər görülmür, yayıldığı sahələr xüsusi nəzarətə alınmalı, yeni yayılma yerləri tapılmalıdır. Antropogen təsirdən (dekorativ və qida kimi istifadə üçün) qorunması vacibdir.
İstinadlar
- ↑ Azərbaycan Respublikasının Qırmızı kitabı Nadir və nəsli kəsilməkdə olan bitki və göbələk növləri II nəşr, Bakı-2013
- ↑
- Гроссгейм А.А., 1940
- ↑ Флора Азербайджана, 1952
- ↑ Talıbov T., Quliyeva S.Q., 2007;
- ↑ Naxçıvan MR-in Qırmızı Kitabı, 2010
- ↑ Tərtibçilərin məlumatları.
- badlı O.V., 2004
- Ибадлы О.В. 2005
- Конспект флоры Кавказа, 2006
- Talıbov T., İbrahimov Ə., 2008
|
Bu məqalə qaralama halındadır. Məqaləni redaktə edərək Vikipediyaya kömək edə bilərsiniz. Əgər mümkündürsə, daha dəqiq bir şablondan istifadə edin. Bu məqalə Araz Yaquboglu tərəfindən redaktə olundu. 39 gün əvvəl. () |