Vora FK (alb. Futboll Klub Vora) — Albaniyada futbol klubu. Albaniyanın Tirana bölgəsində olan Vore şəhərini təmsil edir. Klub 2009-cu ildə yaradılıb və hazırda Albaniya Superliqasında iştirak edirlər.
| Vora FK | |||
|---|---|---|---|
| Futboll Klubi Vora | |||
| Klubun tam adı | Vora Futbol Klubu | ||
| Ölkə |
 Albaniya |
||
| Kodu | Vora FK | ||
| Yaranma tarixi | 2009 | ||
| Stadionu | Vore İdman Meydanı | ||
| Tutumu | 1,000 | ||
| Prezidenti | Cemayl Krasniqi | ||
| Baş məşqçisi | Aryan Bellay | ||
| Liqa | Albaniya Superliqası | ||
|
| |||
"Vora Futbol Klubu" 2009-cu il sentyabrın 7-də Albaniyanın Vore şəhərində təsis edilmişdir.[1] Klubun əsas məqsədi gənc futbolçuların inkişafına dəstək olmaq və yerli istedadları ön plana çıxarmaq olmuşdur. İlk illərdə aşağı liqalarda mübarizə aparan "Vora FK", zamanla infrastrukturunu və oyun səviyyəsini inkişaf etdirərək, Albaniya futbolunun üst səviyyələrinə yüksəlmişdir.
2011–12 mövsümündə 3-cü liqada (IV divizion) çempion olaraq Albaniyanın İkinci Liqasına (III divizion) yüksəlmişdir.
2017–18, 2019–20 və 2022–23 mövsümlərində İkinci Liqada çempion olaraq Birinci Liqaya (II divizion) yüksəlir.
2024–25 mövsümündə Albaniya Birinci Liqasında birinci yeri tutaraq, tarixində ilk dəfə olaraq Albaniya Superliqasına (I divizion) yüksəlir. Bu mövsümdə Vora FK 32 oyunda 24 qələbə, 4 heç-heçə və 4 məğlubiyyətlə 76 xal toplayaraq çempion olmuşdur. Komanda 55 qol vurmuş və 23 qol buraxmışdır.[2]
- Gerald Cani (1 avqust 2015 – 30 iyun 2022)
- Artan Mergyuşi (20 iyul 2022 – 25 oktyabr 2023)
- Klodian Arberi (30 oktyabr 2023 – 10 mart 2024)
- Endri Zyarri (11 mart 2024 – 30 iyun 2024)
- Aryan Bellay (1 iyul 2024 – indiki)
"Vora FK" ev oyunlarını "Vore İdman Meydanı" (alb. Fusha Sportive Vore) stadionunda keçirir. Stadion 2022-ci ilin noyabrında açılmışdır və 1,000 tamaşaçı tutumuna malikdir. Stadionun inşası Albaniya Futbol Federasiyası, hökumət və Vora Bələdiyyəsinin birgə maliyyə dəstəyi ilə həyata keçirilmişdir.
Albaniya Birinci Liqası:
- Çempion(1): 2024–25
Albaniya İkinci Liqası:
- Çempion (3): 2017–18, 2019–20, 2022–23
Albaniya Üçüncu Liqası:
- Çempion (1): 2011–12
- ↑ "Klubi i futbollit VORA". opencorporates.al. İstifadə tarixi: 2025-05-13.
- ↑ "Albania - FK Vora - Results, fixtures, tables, statistics - Futbol24". www.futbol24.com. İstifadə tarixi: 2025-05-13.