Voleybol yay Olimpiya oyunlarında

Kişi voleybolu 1964-cü ildən Yay Olimpiya Oyunlarının proqramındadır. O ildən bu yana hər dörd ildən bir keçirilən Olimpiya Oyunlarının hamısında kişi milli voleybol komandalarının iştirak etmiş olduğu üç medal qazandıran turnir keçirilmişdi. Digər komanda idman növlərindəki kimi kişi voleybolunda da hər üç yerə yalnız bir medal yazılır. Belə ki, medal on iki voleybolçuya verilsə də (məşqçilər korpusuna da medal verilir) həmin olimpiyaçıların ölkəsinə yalnız bir medal qazandırır. Məsələn 2012-ci ildə çempion olmuş Rusiya komandasının olimpiya yığmasının medal sıralamasında aktivinə on iki qızıl deyil, yalnız bir qızıl medal əlavə olunmuşdu. Ümumiyyətlə bu turnirlərdə ən çox qızıl medal qazanan yığmalar ABŞ və SSRİ komandaları olmuşdu. Onlar hərəyə üç dəfə bu yarışın qalibi olmuşdular. Ən çox medal isə altı dəfə fəxri kürsüyə çıxmış SSRİ komandasına mənsubdur.

Qadın voleybolunda milli komandalar Olimpiya Oyunlarına lisenziyanı Dünya kuboku yarışlarından əldə edirlər. Bu turnir Olimpiya Oyunlarından bir il öncə təşkil olunur. Digər tərəfdən Olimpiya Oyunlarında kişi voleyboluna aid edilən arqumentlər qadın milli voleybol komandalarının iştirak etdiyi turnirə də aid edilir. Kişilərin yarışındakı kimi qadınlarda da gəlmiş keçmiş ən güclü milli komanda SSRİ-dir. SSRİ olimpiyaçıları bu yarışlarda düz dörd dəfə qızıl, 2 dəfə də gümüş medallara yiyələnmişlər. Onları üç qızıl, bir bürünc medalla Şimali Amerika təmsilçisi Kuba izləyir. Üçüncü yerdə isə hər medaldan iki ədəd qazanmış Yaponiya seçməsidir. İlk beşliyi isə Çin və Braziliya seçmələri tamamlayır. İki qızıllı bu ölkələrdən Çinin bir gümüş və iki bürüncü, son olimpiya çempionları Braziliyanın isə aktivində iki bürünc medalı vardır.

• Yay Olimpiya Oyunlarında Çimərlik voleybolu
• Yay Olimpiya Oyunları
• Voleybol

• Beynəlxalq Olimpiya Komitəsi Rəsmi Saytı  (ing.)
• Beynəlxalq Voleybol Federasiyası Rəsmi Saytı  (ing.)