Vllazniya Şkoder FK (alb. Klubi i Futbollit Vllaznia Shkodër) — Albaniyada futbol klubu. Şkoder şəhərini təmsil edir.
| Vllaznia Şkoder FK | ||||
|---|---|---|---|---|
| Klubi i Futbollit Vllaznia Shkodër | ||||
| Klubun tam adı | Klubi i Futbollit Vllaznia Shkodër | |||
| Ölkə |
 Albaniya |
|||
| Ləqəb(lər) | Kuq e Blutë (Qırmızı və Mavilər), Djepi i Futbollit Shqiptar (Albaniya Futbolunun Beşiyi) | |||
| Kodu | Vllaznia | |||
| Rəng(lər) | qırmızı, göy | |||
| Yaranma tarixi | 16 fevral 1919 | |||
| Stadionu | Loro Boriçi Stadionu | |||
| Tutumu | 16,022 | |||
| Prezident | Alban Caferri | |||
| Baş məşqçisi | Thomas Brdariç | |||
| Liqa | Albaniya Superliqası | |||
| 2023–24 | 4-cü yer | |||
|
| ||||
| Rəsmi saytı | ||||
 Vikianbarda əlaqəli mediafayllar | ||||
Klub, 16 fevral 1919-cu ildə yaradılmış "Vllaznia İdman Klubu"nun futbol şöbəsidir. O, həm də Albaniyanın ən qədim klubudur, yəni Albaniyada yaradılmış ilk klubdur.
Klub, 1930-cu ildən bəri, 1956–57, 1961–62 və 2018–19 futbol mövsümündən başqa, Albaniya futbolunun ən yüksək liqası olan Albaniya Superliqasının bütün mövsümlərində iştirak edib.
Futbol, Şkoder şəhərinə 1908-ci ildə Maltalı rahib Ate Ruter tərəfindən gətirilmişdir. 1912-ci ildə isə, şəhərdə, "Indipendenca Shkodër" adlı ilk futbol klubu qurulmuşdur.[1] 1913-cü ilin oktyabrında "Indipendenca Shkodër" klubu, Avstriya-Macarıstan İmperatorluğunun dəniz donanmasının komandası ilə qarşılaşaraq, Albaniyada ilk beynəlxalq futbol oyununu keçirmişdir.[2]
16 fevral 1919-cu ildə isə, "Shoqëria Sportive Vllaznia" adı ilə Şkoder şəhərində "Vllaznia Şkoder" klubu təsis edilir. Bu, hal-hazırda fəaliyyətini davam etdirən klublar içərisində, Albaniyada qurulan ilk futbol klubudur və ölkənin futbol tarixində mühüm yer tutur. Klubun adı olan "Vllaznia" alban dilində "qardaşlıq" mənasını verir və bu, klubun birliyə və həmrəyliyə verdiyi önəmi əks etdirir.[3]
1930-cu ildə Albaniya Futbol Federasiyasının yaradılması ilə Albaniya Superliqası (o zamankı adı ilə "Kategoria e Parë") təsis edildi və "Vllaznia Şkoder" bu liqada iştirak edən ilk klublardan biri olur. Klub, 1940-cı ildə ilk çempionluğunu qazanır, lakin bu titul qeyri-rəsmi hesab olunur.[4] Rəsmi olaraq isə 1945 və 1946-cı illərdə ardıcıl iki dəfə ölkə çempionu olur.[5]
Vllaznia, 1956-cı ildə diskvalifikasiya səbəbindən, 1961 və 2018-ci illərdə isə zəif nəticələrə görə Albaniya Superliqasını tərk edir. Lakin hər dəfə qısa müddət ərzində yenidən yüksək liqaya qayıtmağa nail olmuşdur.
2011-ci ildə "Vllaznia Şkoder" klubu, 100% Şkoder Bələdiyyəsinə məxsus səhmdar cəmiyyətə çevrilir. Lakin maliyyə və idarəetmə problemləri səbəbindən klub 2017–2018 mövsümündə Albaniyanın yüksək liqasını tərk edir.
2020-ci ildə iş adamı Alban Caferri klubun əsas sponsoru və daha sonra sahibi olur. Onun rəhbərliyi altında Vllaznia 2020–2021 və 2021–2022 mövsümlərində ardıcıl olaraq Albaniya Kubokunu qazanır.
2020–2021 mövsümündə klub, çempionluğu yalnız qol fərqinə görə əldən verdi və ikinci yeri tutur.
2022-ci ilin fevralında klubun 90%-lik səhmləri "Albaphoto" və 10%-lik səhmləri isə "Albasport & Entertainment" şirkətlərinə satılır. Alban Caferri isə klubun rəsmi rəhbəri olur.[5]
"Vllaznia Şkoder", Albaniyada, Kosovoda və Şimali Makedoniyada geniş azarkeş kütləsinə malikdir. Klubun rəsmi ultras qrupu olan "Vllaznit Ultras", 2005-ci ildə yaradılmış və Albaniyada ilk rəsmi ultras qrupu olmuşdur.
Klubun ən böyük rəqibi Tirana klubudur. Bu iki klub arasındakı qarşılaşmalar "Albaniyanın Ənənəvi Derbisi" kimi tanınır.
- Çempion (9): 1940*, 1945, 1946, 1971–72, 1973–74, 1977–78, 1982–83, 1991–92, 1997–98
- İkinci yer (11): 1932, 1933, 1936, 1937, 1947, 1949, 1974–75, 1996–97, 1998–99, 2002–03, 2008–09, 2020–21
Albaniya Kuboku
- Qalib (8): 1964–65, 1971–72, 1978–79, 1980–81, 1986–87, 2007–08, 2020–21, 2021–22
- Finalçı (1): 2018–19
Albaniya Superkuboku
- Qalib (2): 1998, 2001
- Finalçı (4): 1992, 2008, 2021, 2022
- ↑ Gjergj Kola. "Palokë Nika – personazhi historik i sportit Shqiptar" (alban). Shkodra Sport. İstifadə tarixi: 11 may 2025.
- ↑ "Një historik i shkurtër i futbollit në Shkodër" (alban). Vllaznia.al. 22 fevral 2014 tarixində orijinalından arxivləşdirilib. İstifadə tarixi: 11 may 2025.
- ↑ Congress, Library of. "The Quarterly journal of the Library of Congress". 28 oktyabr 1968 – Google Books vasitəsilə.
- ↑ "Unofficial Site of Albanian Football since 1913: National Championship since 1930". giovanniarmillotta.it. 3 aprel 2023 tarixində orijinalından arxivləşdirilib. İstifadə tarixi: 11 may 2025.
- ↑ 1 2 "FC Vllaznia". İstifadə tarixi: 11 may 2025.