Bu, tənha məqalədir, çünki hansısa məqalədən bu məqaləyə verilmiş keçid yoxdur. |
Vladislav Volodimiroviç Kanevski (ukr. Владислав Володимирович Каневський; 2 yanvar 1973, Vinnitsa) — Ukrayna diplomatı, Ukraynanın Azərbaycandakı fövqəladə və səlahiyyətli səfiri (2019–2024).
| Vladislav Kanevski | |
|---|---|
| ukr. Владислав Володимирович Каневський | |
 | |
| 27 fevral 2019 – 22 fevral 2024 | |
| Əvvəlki | Aleksandr Mişenko |
| Sonrakı | Yuri Qusev |
| Şəxsi məlumatlar | |
| Doğum tarixi | 2 yanvar 1973 (52 yaş) |
| Doğum yeri | |
| Təhsili | |
| Fəaliyyəti | diplomat |
 Vikianbarda əlaqəli mediafayllar | |
Vladislav Kanevski 2 yanvar 1973-cü ildə Vinnitsa şəhərində anadan olub. 1996-cı ildə Taras Şevçenko adına Kiyev Milli Universitetini, 2003-cü ildə isə Ukrayna Xarici İşlər Nazirliyi yanında Ukrayna Diplomatik Akademiyasını bitirib. Polyak, ingilis, rus dillərini bilir.
1996–1998-ci illərdə Ukrayna Xarici İşlər Nazirliyinin Konsulluq İdarəsinin Vətəndaşlıq, miqrasiya, irs və xaricdəki vətəndaşlarla əlaqələr şöbəsinin mütəxəssisi olub.
1998–2002-ci illərdə Ukraynanın Polşa Respublikasındakı səfirliyinin üçüncü və ikinci katibi olub.
2003–2004-cü illərdə MDB-nin Birinci Ərazi İdarəsinin Dövlət Başçıları Şurasında Ukraynanın sədrliyini təmin edən katibliyin katibi, Ukrayna Xarici İşlər Nazirinin birinci müavininin katibliyinin Ukrayna Ali Radası ilə əlaqələr üzrə rəhbəri işləyib.
2004–2008-ci illərdə Ukraynanın Krakovdakı Baş Konsulluğunun konsulu olub.[1]
2008–2011-ci illərdə Konsulluq Xidməti Departamentinin Seçicilərinin Dövlət Reyestrində müşavir, şöbə müdiri vəzifəsinin icraçısı, Konsulluq Xidməti Departamentinin Təhlil və Planlaşdırma şöbəsinin müdiri işləyib.
2011–2012-ci illərdə Ukraynanın Lyublin (Polşa) şəhərindəki baş konsulu olub.
2012–2014-cü illərdə Ukraynanın Polşa Respublikasındakı səfirliyinin müşaviri-elçisi, 2014-cü ildə Ukraynanın Polşa Respublikasındakı müvəqqəti işlər üzrə vəkili işləyib.
2018-ci ildə Ukrayna Xarici İşlər Nazirliyinin Strateji Kommunikasiyalar şöbəsinin direktoru vəzifəsində çalışıb.
27 fevral 2019-cu ildən Ukraynanın Azərbaycandakı fövqəladə və səlahiyyətli səfiri olub.[2] O, etimadnaməsini 2019-cu il mayın 17-də Azərbaycan Prezidenti İlham Əliyevə təqdim edib.[3][4] 22 fevral 2024-cü ildə səfir vəzifəsindən geri çağırılıb.[5]
- ↑ "Міжнародна організація з міграції (МОМ)" (ukrayna). 5 mart 2016 tarixində orijinalından arxivləşdirilib. İstifadə tarixi: 24 iyun 2014.
- ↑ "УКАЗ ПРЕЗИДЕНТА УКРАЇНИ № 45/2019 Про призначення В.Каневського Надзвичайним і Повноважним Послом України в Азербайджанській Республіці". 2019-03-06 tarixində arxivləşdirilib. İstifadə tarixi: 2022-02-26.
- ↑ Ilham Aliyev received credentials of incoming Ukrainian ambassador. 17 may 2019 // Official website of the President of the Republic of Azerbaijan.
- ↑ İlham Əliyev Ukraynanın Azərbaycanda yeni təyin olunmuş səfirinin etimadnaməsini qəbul edib Arxivləşdirilib 2019-05-18 at the Wayback Machine. president.az, 17.05.2019
- ↑ "Завершается дипломатическая миссия посла Украины в Азербайджане". Азербайджанское Государственное Информационное Агентство (rus). 2024-04-02. 2024-04-02 tarixində arxivləşdirilib. İstifadə tarixi: 2024-10-28.