Vladimir Qriqoryeviç Rasskazov (rus. Владимир Григорьевич Рассказов; 7 fevral 1927, Malaxovka[d], Saratov quberniyası[d] – 24 sentyabr 1969, Bakı) — Azərbaycan-sovet dövlət xadimi, Azərbaycan SSR avtomobil nəqliyyatı naziri (1963–1969).
| Vladimir Rasskazov | |
|---|---|
| rus. Владимир Григорьевич Рассказов | |
 | |
.svg){kind=small} .svg){kind=small} | |
| 25 yanvar 1963 – 24 sentyabr 1969 | |
| Əvvəlki | Tofiq Bağırov |
| Sonrakı | Mürsəl Babayev |
| Şəxsi məlumatlar | |
| Doğum tarixi | 7 fevral 1927 |
| Doğum yeri | |
| Vəfat tarixi | 24 sentyabr 1969 (42 yaşında) |
| Vəfat yeri | |
| Dəfn yeri | |
| Partiya |
|
|
|
|
| Təltifləri |
 |
Vladimir Rasskazov 1927-ci ildə hazırkı Saratov vilayətinin Malaxovka kəndində anadan olmuşdur. Orta məktəbi bitirdikdən sonra 1944-cü ildə Odessa Dənizçilik Məktəbinə, bir il sonra isə Odessa Ali Dənizçilik Məktəbinə daxil olmuşdur. Məktəbi bitirdikdən sonra o, mühəndis-elektromexanik diplomu ilə 1951-ci ildə Bakıya gəlmiş və "General Həzi Aslanov" dizel-elektroxodunda elektromexanik vəzifəsində işləməyə başlamışdır. Onun əmək fəaliyyətinin sonrakı mərhələsi Vano Sturua adına gəmi təmiri-gəmiqayırma zavodu ilə bağlı olmuşdur. Burada o, texniki şöbənin mühəndis-elektrotexniki vəzifəsində çalışmışdır. O, 10 ildən artıq partiya işində olmuşdur.[1]
Sonrakı illərdə Vladimir Rasskazov Xəzər Gəmiçilik İdarəsi siyasi şöbəsinin təlimatçısı, 1953-cü ildən Azərbaycan Kommunist Partiyası Mərkəzi Komitəsi aparatında təlimatçı, daha sonra isə sənaye və nəqliyyat şöbəsi müdirinin müavini vəzifələrində çalışmışdır. 1963-cü ildə Azərbaycan SSR avtomobil nəqliyyatı naziri təyin edilmişdir.[2]
Vladimir Rasskazov 1964-cü ildən Azərbaycan KP MK üzvlüyünə namizəd olmuşdur.[3] Azərbaycan SSR Ali Sovetinin 7-ci çağırış deputatı seçilmiş, "Qırmızı əmək bayrağı" ordeni ilə təltif olunmuşdur. O, 1969-cu ildə Bakıda vəfat etmiş, Fəxri Xiyabanda dəfn olunmuşdur.[4]
- ↑ В. Г. Рассказов // Коммунист. 25 сентјабр 1969-ҹу ил. С. 3.
- ↑ Рассказов Владимир Григорјевич // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 286.
- ↑ Rasskazov, Vladimir Grigorevich // Prominent personalities in the USSR (ingilis). Metuchen, New Jersey: Scarecrow Press. 1968. səh. 515.
- ↑ Rasskazov Vladimir Qriqoryeviç // Fəxri Xiyaban. Bakı: Heydər Əliyev Fondu. 2007. səh. 175.
- "Vladimir Grigoryevich Rasskazov" (ingilis). Find a Grave. İstifadə tarixi: 17 yanvar 2022.