Vladimir Bolşakov (21 sentyabr 1934[1]) — Sovet və rus zooloqu, heyvan ekologiyası, təkamül və populyasiya ekologiyası mütəxəssisi; REA-ın akademiki (1987).
| Vladimir Bolşakov | |
|---|---|
| Doğum tarixi | 21 sentyabr 1934[1] (90 yaş) |
| Elm sahələri | ekologiya, zoologiya |
| Elmi dərəcələri | |
| Elmi adları | |
| İş yerləri |
|
| Elmi rəhbəri | Stanislav Şvars |
| Üzvlüyü | |
| Mükafatları |
       |
Bir işçi ailəsində anadan olub. Orta məktəbi medalla, A. M. Qorki adına Ural Dövlət Universitetinin biologiya fakültəsini fərqlənmə diplomu ilə bitirmişdir. Zoologiya elmi dərəcəsinə malikdir. 1959-cu ildə SSRİ Elmlər Akademiyası Ural filialının aspiranturasına daxil olur. 1962-ci ildə "Kletrionomis cinsinin fərdlərinin və coğrafi dəyişkənliyinin qanunauyğunluqları" mövzusunda namizədlik dissertasiyasını müdafiə edir. 1969-cu ildə müdafiə etdiyi doktorluq dissertasiyasının mövzusu “Kiçik məməlilərin dağ şəraitinə uyğunlaşma yollarının ekoloji təhlili təcrübəsidir”.
1959-1964-cü illərdə SSRİ Elmlər Akademiyasının Ural Filialının Biologiya İnstitutunda, 1976-cı ildən Rusiya Elmlər Akademiyası Ural Filialı Bitki və Heyvan Ekologiyası İnstitutunun direktoru işləyir. Rusiya Elmlər Akademiyası Ural Filialının sədrinin müavini (1993-1996), Rusiya Elmlər Akademiyası Ural Filialının sədrinin birinci müavini (1996-1998) olur. Rusiya Elmlər Akademiyası Ural Filialının sədri və Rusiya Elmlər Akademiyasının vitse-prezidenti (1998-1999), 1999-cu ildən Rusiya Elmlər Akademiyası Ural Filialının sədrinin birinci müavini işləyir[2]. 1996-ci ildən Ural Dövlət Universitetinin Ekologiya kafedrasının müdiri olaraq onlarla elmlər doktoru hazırladyır.
Biologiya elmləri doktoru (1969), professor (1978), 15 mart 1979-cu ildən bəri müxbir üzv, 23 dekabr 1987-ci ildən bəri "ekologiya" üzrə ixtisaslaşmış Rusiya Elmlər Akademiyasının (SSRİ Elmlər Akademiyası) akademiki.
Rusiya Elmlər Akademiyası Rəyasət Heyəti yanında YUNESKO-nun “İnsan və Biosfer” Proqramı (MAB) üzrə Rusiya Komitəsinin sədri, Rusiya Termioloji Cəmiyyətinin prezidenti, Prezident yanında Elm, Texnologiya və Təhsil Şurasının üzvü, Bioloji Birgə Şuranın sədri. Hindistan Zooloji Akademiyasının üzvüdür[3].
"Ekologiya" jurnalının baş redaktoru (1976-1988, 1994-201?), indi redaksiya heyətinin fəxri üzvü, "Science in Russia" və "Zoological journal" jurnallarının redaksiya heyətlərinin üzvüdür.
600-dən çox elmi əməyi dərc etdirmişdir ki, bunlardan da 50-dən çox kitabdır. Habelə bir sıra populyar elmi kitablar ("Ural Heyvanları", "Məməlilər Dünyası" daxil olmaqla), məqalələr və broşurlar buraxmışdır. "Ekologiya", "Regional Ekologiya" dərsliklərinin müəlifidir. Orta Ural, Xantı-Mansiysk və Yamalo-Nenets Muxtar Dairələrinin Qırmızı Kitablarının yaradılmasında fəal iştirak etmişdir.
Bir çox orden, medal və mükafatlara layiq görülmüşdür:"Qırmızı əmək bayrağı" ordeni, Demidov mükafatı, Yekaterinburqun fəxri vətəndaşı və s.
- ↑ 1 2 Историческая энциклопедия Сибири (rus.). / под ред. В. А. Ламин Новосибирск: 2009. ISBN 5-8402-0230-4
- ↑ Большаков Владимир Николаевич Arxivləşdirilib 2011-07-20 at the Wayback Machine на официальном сайте Уральского отделения РАН
- ↑ "Архивированная копия". 2018-01-16 tarixində arxivləşdirilib. İstifadə tarixi: 2018-01-15.