Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinVilyam Qolden (ing. William Golden; 31 mart 1911[1], Manhetten, Nyu-York ştatı – 23 oktyabr 1959[1]) — Amerikalı dizayner. O, daha çox CBS loqosunun dizayneri kimi məşhurdur. Qolden CBS Radio təşviqat şöbəsində (yayım televiziyası mövcud olmazdan əvvəl) işə başlayıb və CBS Televiziya Şəbəkəsində reklam və satış təşviqi üzrə kreativ direktor vəzifəsində çalışıb. Qolden həmişə mövcud problemin mükəmməl və sadə həlli üçün çalışdığı, mesajı çatdırmaq üçün orijinal və fərqli bir dizayn hazırladığı üçün şöhrət qazanıb.
| Vilyam Qolden | |
|---|---|
| Doğum tarixi | 31 mart 1911[1] |
| Doğum yeri | |
| Vəfat tarixi | 23 oktyabr 1959[1] (48 yaşında) |
| Fəaliyyəti | qrafik dizayner |
Vilyam Qolden 31 mart 1911-ci ildə Nyu-York şəhərində anadan olmuşdur. Ailədə on iki uşağın ən kiçiyi idi. Onun yeganə rəsmi təhsili Oğlanlar üçün Peşə Məktəbində olub və orada fotoqravüra və kommersiya dizaynının əsaslarını öyrənib. 1928-ci ildə məktəbi bitirdikdən sonra, on yeddi yaşlı Qolden evdən ayrılaraq fotoqravüra və litoqrafiya firmasında işləmək üçün Los-Ancelesə köçdü. Los-Ancelesdə olarkən "Examiner" jurnalının incəsənət şöbəsində də çalışdı. Qolden 1930-cu illərin əvvəllərində Nyu-Yorka qayıtdı və əvvəlcə "Hearst's Journal American"da promo dizayner kimi çalışdı və sonra "Condé Nast Publications"ın istehsalı olan "House & Garden" jurnalının heyətinə qoşuldu. "Condé Nast"da olarkən Qolden həyat yoldaşı, qrafik dizayner Kip Pineles ilə tanış oldu və "Condé Nast Publications"ın incəsənət direktoru Dr.Mehmed Fəhmi Ağanın yanında şagird kimi xidmət etməyə gəldi.
ABŞ-ın ən böyük reklam və qrafik dizayn şirkətlərində işləməyə başlayan Qoldenin ən çox tanınan işi, 1950-ci illərin sonlarında CBS (Columbia Broadcasting System) telekanalı üçün yaratdığı ikonik "CBS Eye" logosudur. O, uzun illər CBS-də reklam və satış təşviqi üzrə kreativ direktor vəzifəsində çalışdı. Karyerasının zirvəsində Qoldenin həyatı 48 yaşında qəfildən başa çatdı. O, 23 oktyabr 1959-cu ildə ürək tutmasından vəfat etdi.[2]
- Golden, Cipe Pineles, Kurt Weihs, and Robert Strunsky, eds. The visual craft of William Golden. New York: George Braziller, Inc., 1962.
- Remington, R. Roger, and Barbara J. Hodik. Nine Pioneers in American Graphic Design. Cambridge, Massachusetts: Massachusetts Institute of Technology Press, 1989. ISBN 0-262-68076-9.
- Fiell, Charlotte; Fiell, Peter. Design of the 20th Century (25th anniversary). Köln: Taschen. 2005. səh. 291. ISBN 9783822840788. OCLC 809539744.