Salam. Planımda olan qaydalardan daha birini hazırlaya bildim nəhayət. Hər birinizi müzakirəyə dəvət edirəm, ardınca səsverməyə çıxaracağam. Hörmətlə, Qədir (müzakirə) 10:42, 23 sentyabr 2024 (UTC)

Təşəkkür edirəm qayda üçün. Keçən dəfə bu barədə müzakirə gedirdi, yaxşı oldu bunun tərcümə olunmağı. Şiroi Akuma 15:17, 24 sentyabr 2024 (UTC)

Dəstəkləyirəm. --► Hörmətlə: SolaVirum 14:59, 28 sentyabr 2024 (UTC)

  Şərh: Dəstəkləyirəm. Redivy (müzakirə) 15:35, 14 oktyabr 2024 (UTC)

White Demon, Solavirum,  Y müvafiq səsvermə başladıldı. Müddət 25 gün təyin olunmuşdur. Hörmətlə, Qədir (müzakirə) 11:13, 29 sentyabr 2024 (UTC)

@Gadir, 25 niyə? 15 gün özü belə çoxdur, o ki qala 25. 1 həftə və ya 10 gün kifayətdir. samral ^müzakirə04:50, 3 oktyabr 2024 (UTC)

Samral, aktivliyə və marağa görə, həmçinin digər səsvermələri də nəzərə alaraq rahat olsun deyə 25 gün seçmişəm, həm də digər qaydalardan daha uzundur bu. VP:SV-də 7, 15, 25 gün seçimləri var. Məncə, müddətin uzun olması problem deyil. Hörmətlə, Qədir (müzakirə) 10:50, 3 oktyabr 2024 (UTC)

Salam. Bildiyiniz kimi bizdə Portal adlı bir layihə mövcuddur. Məsələn, Portal:Anime və manqa, Portal:Videooyunlar kimi. Portallar olduqca maraqlı bir layihədir, müəyyən bir mövzuya fokuslanmağa imkan verir. Amma təəssüf ki, demək olar ki, AzVikidə artıq uzun müddətdir ki, portallar unudulub və maraq göstərən də yoxdur. Bizdə guya ki, Seçilmiş portallar layihəsi var, 5 portal da guya bu statusu daşıyır. Amma artıq 10 ildir ki, Seçilmiş portallar layihəsinə yaxın duran yoxdur. Qeyd edim ki, EnViki 2017-ci ildə, TrViki isə 2022-ci ildə Seçilmiş portal layihəsini tamamilə ləğv edib. Bundan əlavə, Ana səhifənin başlığında müxtəlif portallara keçidlər verilib, amma portalların demək olar ki, hamısı ölüdür. Həmin portallarda aktivlik yoxdur, oxucu girib 2024-cü ilin yox, 2014-cü ilin vikisini oxuyur elə bil. O qədər yeni məqalə yazılır, status alır, amma heç biri o portallarda yer almır.

Mən ona görə təklif edirəm ki, Seçilmiş portallar layihəsini və Seçilmiş portal statusu olan portalların statusu təmiz ləğv edək, Ana səhifəni başlığındakı portalları da çıxaraq, başlığı başqa cür dizayn edək. Yerinə nəsə qoya bilərik, ya da sadə də ola bilər. Şiroi Akuma 06:32, 5 oktyabr 2024 (UTC)

İndi dedin yadıma düşdü)). Bəli, doğru deyirsiz inkişaf etmir, ölü layihədi. Araz Yaquboglu (müzakirə) 07:40, 5 oktyabr 2024 (UTC)

Qeyd edilən arqumentlərlə razıyam və təklifi dəstəkləyirəm. Yeri gəlmişkən, trviki "portal" layihəsini ümumiyyətlə ləğv edib. Köhnələr qalır, amma yeni portal yaradılmır. Ana səhifə isə yenidən dizayn edilməlidir. Bu barədə ayrı başlıqda daha geniş müzakirə aparmaq olar. Hörmətlə, Qədir (müzakirə) 10:06, 5 oktyabr 2024 (UTC)

Dəstəkləyirəm. Ana səhifəyə bunu əlavə edə bilərik: İstifadəçi:Nemoralis/Ana Səhifə Nemoralis (müzakirə) 15:58, 5 oktyabr 2024 (UTC)

Yaxşıdır, əlinə sağlıq. Hörmətlə, Qədir (müzakirə) 16:06, 5 oktyabr 2024 (UTC)

+ Turkmen ^müzakirə16:49, 5 oktyabr 2024 (UTC)

White Demon ilə razıyam, bəlkə də layihənin potensialı var amma indiki vəziyyətdə uğur yolu görünmür. Ana səhifəyə bunu əlavə edə bilərik — Bikar ^müzakirə17:12, 5 oktyabr 2024 (UTC)

razıyam. çoxdan fikirləşdiyim şey idi elə. yerinə düşdü. ləğv olunsun Atakhanli (müzakirə) 18:23, 5 oktyabr 2024 (UTC)

• Ləğv olunmasının tərəfdarıyam. Envikidə bu qərarla bağlı müzakirədə də qeyd edildiyi kimi, portallar təkcə redaktorlar yox, həm də oxucular tərəfindən maraq görmür və uyğun səhifələrin izlənmə sayının azlığından bunu aydın görmək olur. Təklif edilən addımların atılması ilə razıyam. --Sura Shukurlu (müzakirə) 22:31, 5 oktyabr 2024 (UTC)

 Y Yekdilliklə qəbul olundu. Hörmətlə, Qədir (müzakirə) 20:25, 6 oktyabr 2024 (UTC)

Hara tələsirsiz? Qoyardız müzakirə ən azından 1 həftə davam edərdi də? Bəlkə razılaşmayan biri olacaqdı. Nemoralis (müzakirə) 05:39, 7 oktyabr 2024 (UTC)

Məncə də tələsik qərardı. Şəxsən mən portalların ləğvinə qarşıyam. Onsuz da dilimizdə məlumat qıtlığı var. Vaxtilə əziyyətlə yaradılan portalları silmək mənasızdır. Elə bil ki hansısa məqalə oxunmur deyə silirik. Rəcəb Yaxşı (müzakirə) 06:18, 7 oktyabr 2024 (UTC)

Portallar ləğv olunmur ya da silinmir. Söhbət Seçilmiş portal layihəsinin ləğvindən və Ana səhifənin başlığından portalların çıxarılmasından söhbət gedir sadəcə. Şiroi Akuma 06:22, 7 oktyabr 2024 (UTC)

@Nemoralis, @Rəcəb Yaxşı, kifayət qədər fikir gəldiyini və qarşı fikir də olmadığını nəzərə alıb icra etmişdim, istəyirsinizsə, geri qaytara bilərəm, bir neçə gün sonra tətbiq edərik. Hörmətlə, Qədir (müzakirə) 11:11, 7 oktyabr 2024 (UTC)

@Gadir, bu hörmətsizlikdir. 2 günə müzakirə yekunlaşdırılmır. Təəssüf ki, siz özfəaliyyəti dayandırmırsınız və istədiyinizi edirsiniz. Turkmen ^müzakirə11:27, 7 oktyabr 2024 (UTC)

@Turkmen, qeyd etdiyiniz niyyətlərlə etməmişəm, SNS-də və müzakirə səhifələrində olduğu kimi burda da ortaq fikir varsa, qərar daha tez tətbiq edilə bilər deyə bilirəm. Burada əsas məsələ iştirakçı sayıdır yoxsa müddət? Hər iki nüansa da diqqət etməyə çalışıram. Bu dəyişikliyi geri alım indi? Hörmətlə, Qədir (müzakirə) 11:35, 7 oktyabr 2024 (UTC)

Məncə də nəsə qərar qəbul edəndə heç olmasa 1 həftə gözləmək lazımdır. Düzdü, onsuz da nəticə eyni olacaq, amma istifadəçilər etiraz edir. Şiroi Akuma 13:28, 7 oktyabr 2024 (UTC)

Bu portallarnan çoxdan nəsə etmək lazım idi. Məncə, onların müəyyən mövzularla bağlı yazan istifadəçilər üçün iki üstünlükləri var: 1) həmin mövzuya maraq göstərən istifadəçilər üçün bir-birini tapmağı və bir-birinin fəaliyyəti ilə tanış olmağı asanlaşdırır; 2) həmin mövzu ilə bağlı qaydaların və başqa infrastrukturun tapılmasını asanlaşdırır. Əgər, biz portalları ciddən islahat etmək istəyirik, bu iki üstünlüklərini özəlliklə vurğulamaq lazımdır. --Мурад 97 (müzakirə) 11:52, 7 oktyabr 2024 (UTC)

Layihəyə maraq yoxdur. Vikilayihələrlə də bu dediyinizi etmək mümkündür. Hətta o, daha genişdir, orada istifadəçilər birləşib məqalə üzrə töhfə verirlər. O layihə də bizdə passiv haldadır. Nümunə kimi baxın: Vikipediya:VikiLayihə Musiqi, Vikipediya:VikiLayihə Film. Hörmətlə, Qədir (müzakirə) 12:05, 7 oktyabr 2024 (UTC)

  Lehinə: @White Demonla razıyam. Ləğv edilsin və Ana Səhifədən çıxarılsın. samral ^müzakirə14:40, 9 oktyabr 2024 (UTC)

Dear all,

Apologies for writing in English. Please help to translate in your language. We are excited to announce the upcoming Wiki Loves Ramadan event, a global initiative aimed at celebrating Ramadan by enriching Wikipedia and its sister projects with content related to this significant time of year. As we plan to organize this event globally, your insights and experiences are crucial in shaping the best possible participation experience for the community.

To ensure that Wiki Loves Ramadan is engaging, inclusive, and impactful, we kindly invite you to participate in our community engagement survey. Your feedback will help us understand the needs of the community, set the event's focus, and guide our strategies for organizing this global event.

Survey link:

Please take a few minutes to share your thoughts. Your input will make a difference!

Thank you for being a part of our journey to make Wiki Loves Ramadan a success.

Warm regards,

User:ZI Jony 03:19, 6 oktyabr 2024 (UTC)

Wiki Loves Ramadan Organizing Team

Salam. Məncə, bizə iki dənə təftişçi lazımdı. Hörmətlə, Qədir (müzakirə) 14:18, 6 oktyabr 2024 (UTC)

Məntiqlə hə, vikiicma(ölkə) reallığını nəzərə alsan yox. Şəxsi maraqlar üçün istifadə olunacaq. Hələ ki, müraciətlərdən meta dolub-daşmır. Əleyhinəyəm — Bikar ^müzakirə20:37, 6 oktyabr 2024 (UTC)

Etibarlı şəxslərə etibar edib vermək olar. Bu, çox ciddi hüquqdur, icmada bu hüququn məsuliyyətlərini layiqincə ala biləcək istifadəçilər olduğuna inanıram. Meta verdiyi datalarla iş görmək olmur ki. Hər dəfə başa salmaq da yorur adamı, üstəgəl, buna gec dönüşü də əlavə etsək və s. @Nemoralis və @White Demon, məncə, bu hüquq üçün layiqli namizədlərdir. Hörmətlə, Qədir (müzakirə) 20:46, 6 oktyabr 2024 (UTC)

Məncə, bizə gizlədən də lazımdı. Çünki inzibatçı aləti ilə gizlədilən məlumatları inzibatçıların da yayma ehtimalı var. Amma o şəxslərin həssaslıqla bir dəfəlik gizlətdiyi məlumatları heç inzibatçılar da görə bilmir, necə ki, mən istifadəçilərin gizliliklərinə xüsusi önəm verirəm. Mən bu hüquq üçün namizəd ola bilərəm, əgər ehtiyac hasil olarsa. Hörmətlə, Qədir (müzakirə) 20:48, 6 oktyabr 2024 (UTC)

1. Yenə də razı deyiləm.
2. Hər dəfə söhbət gəlib inzibatçı hüquqların paylanmasına çıxır. Bu hüquq ümumiyyətlə idxal olunub ki?
3. Bütün hüquqlara sahib olmağ istiqamətində gedirsən, yaxşı birşey deyil — Bikar ^müzakirə20:57, 6 oktyabr 2024 (UTC)

LOL, hansı hüquqlara sahib olma istiqamətində gedirəm? Bizə əsas təftişçi lazımdı bu dəqiqə. O biri də mənə görə lazımdı, lazım bilinər lap başqası namizəd olar, amma lazımlı məsələdi. Mən bürokrat ya da təftişçi olmağı düşünmürəm. Amma gizlədən olmaq istərdim, çünki . Hörmətlə, Qədir (müzakirə) 21:00, 6 oktyabr 2024 (UTC)

Burada bəzi detalları açmaq istəmirəm, amma görürəm ki, məcburam buna. Bir-iki istifadəçi də bu barədə məlumatlıdır. Mənim şəxsi məlumatlarım bu platformada vaxtilə mən tərəfindən qeyd olunmuşdu və mən onları gizlətmək üçün stüard ilə əlaqəyə keçmişəm. Heç şübhə yoxdur ki, bəzi inzibatçılar həmin məlumatları ələ keçirib qarşı tərəfə ötürsəydilər, mənim də olan anonimliyim ifşa olunacaqdı. Hörmətlə, Qədir (müzakirə) 21:03, 6 oktyabr 2024 (UTC)

Haqqında məlumatı gizlətsinlər, ondan sonra müzakirə eliyərik — Bikar ^müzakirə21:17, 6 oktyabr 2024 (UTC)

Gizlədilib, amma bəlkə də çoxdan stoklayıblar)) Hörmətlə, Qədir (müzakirə) 21:21, 6 oktyabr 2024 (UTC)

İcamadakı hazırkı şərait bu cür addım üçün həqiqətən də sağlam deyil. --Мурад 97 (müzakirə) 21:37, 6 oktyabr 2024 (UTC)

@Gadirlə razıyam. Və məncə də Nemoralis və White Demon bu işin öhdəsindən layiqincə gələr. samral ^müzakirə13:00, 9 oktyabr 2024 (UTC)

Bu barədə geniş yazacam. "Bizə təftişçi lazımdır" deməklə nəsə əldə etmək çətindir, gərək nə üçün lazımdır onu da deyəsən. Nemoralis (müzakirə) 13:17, 9 oktyabr 2024 (UTC)

Yaz görək. Amma məncə, buna baxmaq da kifayətdir. Hörmətlə, Qədir (müzakirə) 13:25, 9 oktyabr 2024 (UTC)

Salamlar. Belə bir səhifə tərtib etməyi düşünürəm. Burada, əsasən, mübahisəli mənbələrin etibarlı olub-olmadıqları və səhifələrdə istifadələrinə icazə verilib-verilməyəcəyinə arqument və müzakirə ilə qərar veriləcək. Fikirləriniz nədir? Hörmətlə, Qədir (müzakirə) 09:48, 12 oktyabr 2024 (UTC)

Aktivlik yoxdu, indiki vəziyyətdə mənasızdı. Eləmək istiyirsənsə buyur, amma enerjini başqa şeylərə sərf eləməyi məsləhət görürəm. — Bikar ^müzakirə10:28, 12 oktyabr 2024 (UTC)

Salam. Belə bir səhifə yaratdım. Yeni, həmçinin təcrübəsiz, yaxud təcrübəsi az olan istifadəçilər Vikipediyanın istifadəsi və redaktə etmə ilə bağlı suallarını, eləcə də bura və VP:İM-yə aid olmayan sualları orada verəcəklər, bir növ mentorluq səhifəsi də deyə bilərik. Elə özümüz də bura aid olmayan mövzuları orada qeyd edə və digər təcrübəli istifadəçilərin fikirlərini ala bilərik. Ana səhifənin başlığına əlavə etməyi də təklif edirəm. Fikirləriniz maraqlıdır. Hörmətlə, Qədir (müzakirə) 23:22, 13 oktyabr 2024 (UTC)

Heç kimin istifadə etməyəcəyi səhifələr siyahısına biri də əlavə olundu. Nemoralis (müzakirə) 07:57, 14 oktyabr 2024 (UTC)

İstifadəli hala gətirək də, əlimizdə deyil?)) Hörmətlə, Qədir (müzakirə) 11:48, 14 oktyabr 2024 (UTC)

əməyiniz üçün təşəkkürlər, amma bu tip səhifələr azviki üçün uyğun olmur. boşa səhifə kolleksiyası yaradır. misal üçün VP:Ş. zorla orda da nəsə olsun deyə ordan-burdan mövzu tapıb daşıyırıq ora. Atakhanli (müzakirə) 21:05, 14 oktyabr 2024 (UTC)

Diqqətiniz üçün təşəkkür edirəm. Açığı, mən VP:Ş-ni əhəmiyyətsiz hesab etmirəm. Çətini alışana qədərdi, təcrübəli istifadəçilər də tez alışar, elə güman edirəm ki, artıq o səhifədən icmanın tamamilə xəbəri var və istifadə olunur. Dediyinizə qayıdası olsaq, bəli, mən əvvəllər bloklama, mühafizə, KM üçün bölmələr və s. üçün müxtəlif səhifələr təklif edirdim və onda indikindən daha aktiv idi vikimiz, amma indi artıq o səhifələrin bir mənası olacağını düşünmürəm. Bu səhifənin məqsədi; əsas yeni və təcrübəsi az istifadəçilərin suallarına cavab tapacağı məkan yaratmaqdır. Bir də arada özümüz də kiçik məsələləri KM yerinə ora yazarıq (ayrıca səhifə yaratmadım, elə burada yazarıq). İM-nin öz mahiyyəti var, KM-nın da elə. İndi bu səhifə işə düşsə digər iki səhifə təyinatı üzrə istifadə olunacaq və necə gəldi əlavə başlıqlarla dolmayacaq. Ümid edirəm ki, fikirlərimi yetərincə aydın izah edə bildim. Hörmətlə, Qədir (müzakirə) 21:23, 14 oktyabr 2024 (UTC)

Belə bir şablon da yaratmışam: {{başlıq həll edildi}}. Hörmətlə, Qədir (müzakirə) 21:26, 14 oktyabr 2024 (UTC)

MPossoupe_(WMF) 08:25, 14 oktyabr 2024 (UTC)

Hər kəsə salam olsun ümumiyyətlə problemlər çoxdur. Qeyd edirəm əsasən BNSdə problem var 4-5 aydan çox müzakirədə qalan məqalələr var. Nə müzakirədə iştirak edən var nədə ki məqalələr qalıb elə müzakirədə yekunlaşdırmalar olmur. Silinməyə namizəd səhifələrdə də eyni qaydada həddən çox məqalələr var. Bir az öncə elə BNS-ə baxırdım həqiqətən 5 ayı tamam olan məqalələr var. → Hersoq01 (müzakirə) 06:42, 15 oktyabr 2024 (UTC)