Mənbə axtar: ( • • • ) •

Azərbaycanlı peşəkar futbolçudur. Hazırda Yüksək Qızlar Liqasında çıxış edir. Hansı ki, Azərbaycanın ən böyük peşəkar qadın liqasıdır. Həmçinin futbolçu U19 Milllisində də çıxış edir. Bu səbəblə futbolçunun ensklopedik olduəunu düşünürəm. Asif Məmmədov (müzakirə) 19:37, 15 may 2024 (UTC)

@Asif Məmmədov, qaralamada bərpa etdim. Lütfən əlavələriniz və düzəlişləriniz olacaqsa edin ki, daha rahat fikir bildirilə bilinsin və müzakirə getsin. Hörmətlə, Gadir^müzakirə07:44, 19 may 2024 (UTC)

  Bərpa olunsun: Salam əziz yazıçılar. İstədim fikrimi tam toplayım, qısaca izah edim. Mənim fikrimcə məqalə ensklopedikdir. Futbolçu Azərbaycan Yüksək Qızlar Liqasında çıxış edir, Azərbaycanı U19 yaş qrupu üzrə UEFA rəhbərliyi altında rəsmi çempionatlarda təmsil edir. Bu sezon Azərbaycan Yüksək Qızlar Liqasında "Neftçi" forması ilə çempionluq yaşayıb. Həmçinin, növbəti sezon "Neftçi" forması ilə "UEFA Qadınlar Çempionlar Liqası" turnirində də iştirak edəcək. Sadaladığım bütün bu amillər, futbolçunun kifayət qədər peşəkar olduğunu, məqaləsinin Wikipediyada yer almasının çox önəmli olduğunu sübutudur deyə düşünürəm. Çox sağolun. Asif Məmmədov (müzakirə) 10:17, 19 iyun 2024 (UTC)

@Grenzsoldat @Nicat49 lütfən fikir bildirə bilərsiniz? Atakhanli (müzakirə) 21:34, 10 avqust 2024 (UTC)

Salam. Təəssüf ki, bizdə hələ də futbolçuların ensiklopedik əhəmiyyətlilik kriteriyaları rəsmi olaraq qəbul edilməyib. Düşünürəm ki, FİFA üzvü olan istənilən Futbol Federasiyasının ən yüksək səviyyəli liqasında azı bir oyunda çıxış etmiş istənilən futbolçunu ensiklopedik hesab etmək olar. Rusca vikidə bənzər məqalələr "n" qədərdir. Bərpa olunmasının lehinəyəm. Hörmətlə.--Nicat^{49   ⋠müzakirə⋡} 23:31, 10 avqust 2024 (UTC)

  Şərh: növbəti sezondan sonra ensiklopedik saymaq olar deyə düşünürəm əgər həqiqətən UEFA-nın təşkil etdiyi liqada cıxıs edərsə - Aylanabi (müzakirə) 08:40, 1 sentyabr 2024 (UTC)

Mənbə axtar: ( • • • ) •

Salam, hər vaxtınız xeyir olsun.

Babək Hüseynov Kunq-fu sanda üzrə 14 qat Respublika, 8 qat Dünya və Avropa çempionu, Dünya Kubokunun qalibi, Asiya çempionatının qalibi, Azərbaycan Respublikasının Əməkdar İdman Ustası və Azərbaycan Respublikasının Əməkdar Məşqçiyəm. Hal-hazırda Uşu Sanda Federasiyasında fəaliyyət göstərirəm. Bu səbəblə mənim materialımın və məlumatlarımın ensklopedik olduğumu düşünürəm. Bu məqaləni qaralama halında hazırlamışam. Məqalənin bərpa olunmasını istəyirəm. Xahiş edirəm bu məqalənin bərpa olunması yönündəfikirlərinizi bildirin.

https://az.wikipedia.org/wiki/U%C5%9Fu_Sanda - Bu vikipediyada da göründüyü kimi tanınmış bir idmançıyam.

İstinadlar; https://obastan.com/wiki/Bab%C9%99k_H%C3%BCseynov

Video materiallar:

Facebook hesabı:

Ümid edirəm ki, bunlar sübuta yetərlidir. (müzakirə) 12:37, 10 iyun 2024 (UTC)

•   Bərpa olunsun: məqalənin qaralama versiyasından da göründüyü kimi idmançı ensiklopedikdir. Bunu göstərilən mənbələrdən də görmək olur. --Araz Yaquboglu (müzakirə) 08:47, 28 iyun 2024 (UTC)
•   Bərpa olunmasın: Şəxsin 2018-ci ilə qədər 8 dəfə dünya çempionu olduğu iddia edilir, amma 2019-cu ilə olan məlumata görə Azərbaycanın kunq-fu idman növü üzrə sadəcə bir qızıl medalı var. Ümumiyyətlə, qeyd edilən çempionatlar heç biri kunq-fu üzrə rəsmi dünya çempionatı deyil, bunu keçirildiyi ölkə və ildən görmək mümkündür. Məqalədə çempionat üçün qeyd edilən illərdə ya ümumiyyətlə dünya çempionatı olmayıb, ya da olsa da başqa ölkə və şəhərdə olub. Məqalədə qeyd edilənə və göstərilən mənbələrə əsasən də şəxsin fəaliyyəti olaraq sadəcə bu çempionluqlar qeyd edilib ki, bunlar da, sözsüz, qeyri-rəsmi turnirlər kimi şəxsi ensiklopedik etmir. --Sura Shukurlu (müzakirə) 20:58, 25 iyul 2024 (UTC)
•   Bərpa olunmasın: yenə "8 qat dünya və avropa çempionu" tipli məqalələr. SNS-də bu məqalələrin təftişi zamanı sübutlarla məqalələrin başdan ayağa səhv olduğunu sübut eləmişəm. Grenzsoldat 21:04, 25 iyul 2024 (UTC)
•   Şərh: Məqalədə çox adiyyatı və təsdiqi olmayan cümlələr işlənib bu halda saxlanıla bilməz. Redivy (müzakirə) 10:14, 2 sentyabr 2024 (UTC)

Mənbə axtar: ( • • • ) •

Məqalə bir il öncə buradakı qərar ilə silinib. İki dildə (en və tr) məqaləsi var, təbii ki, bu, bərpası üçün arqument deyil. Şəxsin jurnalist fəaliyyəti var və mətbuatda yetəri qədər əhatə olunub. Məqalə də normal vəziyyətdədir. Əslində birmənalı ensiklopedik hesab edirəm, VP:AİLƏ də ödənilir (sırf qohumluq əlaqəsinə sahibdir deyə ensiklopedik sayılmır, əhatə olunub), amma SNS ilə silindiyi üçün bura təqdim etmədən yaratmanın xoş olmayacağını və önəmli olduğunu bilirəm. Bərpasını təklif edirəm. Hörmətlə, Gadir^müzakirə23:51, 11 iyun 2024 (UTC)

Həmfikirəm. Türk və Azərbaycan siyasətində nadir hallarda xanımlar ensiklopedik olur. Səlvi xanım xüsusi ilə 2023-cü ildə "birinci leydi" olaraq dəyərləndirildiyi üçün fəaliyyəti mediada geniş işıqlandırılmışdı. Bərpa edilsin. Dr.Wiki54 (müzakirə) 08:54, 5 avqust 2024 (UTC)

  Bərpa olunsun: Siyasi mövzuda yetəri qədər kriteryalara cavab verən məqalə olduğu üçün. Redivy (müzakirə) 12:12, 10 avqust 2024 (UTC)

  Bərpa olunsun: Silinməyə namizəd olanda da bildirmişdim ki, bu şəxs haqqında türk mediyasında jurnalist kimi kifayət qədər mənbə var. --Patriot Kor (müzakirə) 18:32, 21 avqust 2024 (UTC)

  Bərpa olunsun: digər dillərdə var deyə ensiklopedikdir. --Araz Yaquboglu (müzakirə) 10:25, 1 sentyabr 2024 (UTC)

•   Bərpa olunmasın: Heç bir ensiklopedik əhəmiyyətli fakt görmədim. Ehtimal ki, Türkiyə mediasında müəyyən qədər məşhur biri olmasına görə türk icması saxlayıb məqaləni. Başqa vaxt deyirik ki, məqalənin digər dillərdə olmasının bura aidiyyatı yoxdur. İndi niyə türk və ingilis icmasının qərarına görə dəyərləndirək? Jurnalist kimi ensiklopedik fəaliyyəti yoxdur. (Varsa belə bu etibarlı mənbələrlə məqaləyə əlavə edilməlidir ki, bilək) indiki halda hansı səbəbdən bərpa edirik? Siyasətçi kimi dəyərləndirsək heç bir ciddi fəaliyyti yoxdur. Sadəcə Kamal Kılıçdaroğlunun həyat yoldaşıdır. Nə əlaqə? Jurnalist kimi də yanaşsaq heç bir ciddi karyera fəaliyyətini görmədim. Jurnalist haqqında mediada müəyyən mənbələr olur onsuz. Əsas onun fəaliyyətidir. --Sura Shukurlu (müzakirə) 12:42, 1 sentyabr 2024 (UTC)

  "Digər dillərdə varsa qalmalıdır" arqumenti ilə ən qatı şəkildə mübarizə aparanlardan biri mən özüm olmuşam. Amma burada məsələ o deyil axı. Ümumiyyətlə sizin mövqeyiniz yanlışdır. Bir şəxs tutaq ki, nazirdir və barəsində düz-əməlli mənbə yoxdur (tutaq ki), bu halda onu vəzifəsi ensiklopedik edəcək birbaşa? Əsas olan mənbələrdi. Mən sadə adamam, məsəlçün, durub mənbələr məndən yazsa, vəzifəm, mükafatım yoxdu deyə qeyri-ensiklopedik olacam? :) Lap ərinə görə olsun e, fakt mənbələr bu xanımdan ciddi şəkildə yazıb, mətbuat yer verib də. Daha nə lazımdır? Bu arada, bir sual (əleyhinə olan digər istifadəçilər də cavab verə bilər), eyni məntiqlə Əminə Ərdoğan-ı da silək? Ensiklopedik fəaliyyəti yoxdur, ya "first lady" olduğu üçün birbaşa ensiklopedikdir? :) Hörmətlə, Qədir (müzakirə) 19:06, 1 sentyabr 2024 (UTC)

    Bərpa olunsun: Haqqında mənbələr coxluq təşkil edir. @Gadir məqaləyə şəxsin fəaliyyəti barədə məlumat əlavə etsəniz cox əla olardı. - Aylanabi (müzakirə) 06:56, 2 sentyabr 2024 (UTC)

•   Bərpa olunmasın: Bu şəxsi heç kim jurnalist olaraq tanımır, Kılıçdaroğlunun yoldaşı kimi tanıyır. VP:AİLƏ qaydasına əsasən bərpa edilməməlidir. Nemoralis (müzakirə) 09:14, 2 sentyabr 2024 (UTC)

  Qohumluq əlaqəsinə görə yox, mənbələrin əhatəsində olduğu üçün ensiklopedikdir. Necə tanınmasının ensiklopedikliyə təsiri yoxdur. Hörmətlə, Qədir (müzakirə) 20:24, 8 sentyabr 2024 (UTC)

Mənbə axtar: ( • • • ) •

Bir il öncə məqalə buradakı qərarla silinib. Məqaləni təkmilləşdirib 1 ay öncə yenidən yaratdım (Müzakirə nəticəsində silinən məqalənin müzakirə nəticəsinə əsasən bərpa edildiyini bilmirdim). Və yenidən müzakirənizi təklif edirəm. Zəhmət olmazsa fikir bildirin. (müzakirə) 06:20, 18 iyun 2024 (UTC)

•   Bərpa olunmasın: açıq aydın q/e məqalə. Grenzsoldat 21:04, 25 iyul 2024 (UTC)

  q/e nədiki ? (müzakirə) 14:43, 1 avqust 2024 (UTC)

  q/e = qeyri-ensiklopedik. bax: VP:ŞEƏ. Hörmətlə, Gadir^müzakirə12:21, 5 avqust 2024 (UTC)

  Ensiklopedik olmağına ensiklopedikdir. Ensiklopediyada, qızıl fondlarda, arxivlərdə adı, fəaliyyəti var bu şəxsin. Sıradan biri olmayıb. Hətta aşıq Kamandarı belə bağlamış şəxsdir. Sadəcə bu sübtları toplaya bilməy üçün Gürcüstana və Türkiyəyə getmək lazımdır və zamanım yoxdur. Amma yaxın bir - iki il ərzində həll edəcəm. (müzakirə) 06:40, 6 avqust 2024 (UTC)

  Eybi yoxdu indi silin başqa vaxt təkmilləşdirərəm. (müzakirə) 06:42, 6 avqust 2024 (UTC)

  Milli kitabxanaya sorğu göndərmişdim ensiklopediya ilə bağlı. Cavab olaraq bildilər ki, Ozan-aşıq ensiklopediyası.- Bakı: [Gənclik], 2020.- C. 2.- 432 s. - (BAX : ENSİKLOPEDİYADA YER ALAN AŞIQ VƏ SAZ ŞAİRLƏRİN AD GÖSTƏRİCİSİ - səh 405 - SÜLEYMANOV QƏHRƏMAN ÖMƏR OĞLU Səh. 427 ) - şəxs haqda burada məlumat var. Bilmirəm bu sizinçün nəsə ifadə edəcək ya yox. (müzakirə) 09:07, 8 avqust 2024 (UTC)

  Və eyni adlı həyatı və yaradıcılığı haqqında qısa məlumat verilmişdir. Bax səh 284 (müzakirə) 09:50, 8 avqust 2024 (UTC)

• @ Zəhmət olmazsa sonradan əldə etdiyiniz mənbə və digər məlumatları mənim müzakirə səhifəmə yollayın hamısını mən boş zaman olduqca əlavə edəcəm və bütöv tamamlanma olduqdan sonra fikir bildirəcəm. Redivy (müzakirə) 12:13, 10 avqust 2024 (UTC)

  Mən təcrübəli bir istifadəçi olmadığıma görə sizin müzakirə səhifənizi tapa bilmədim. Hər dəfə mənnən mənbə istədikcə araşdırıb bir-bir ard-arda Qəhrəman Süleymanlı səhifəsində istinadlar bölməsinə əlavə etdim. Yəni ardıcıllıq necədirsə elə əldə etmişəm. Ən son ensiklopediyadan məlumat əldə elədim və istinadlar bölməsində göstərmişəm. Başqa nə deyirsizsə tapım. Və ya sizin müzakirə səhifənizi burada mənə linklə göstərin ora göndərim. (müzakirə) 12:44, 10 avqust 2024 (UTC)

    Şərh: məqalə indiki vəziyyətdə qalması düzgün deyil. Fikrimcə üzərində müəyyən işlər aparılsa saxlanıla bilər. - Rosh060 (müzakirə) 05:42, 23 avqust 2024 (UTC)

Mənbə axtar: ( • • • ) •

Ülvi Məmmədov haqqında daha öncə məqalə əlavə edilib və silinib. Səbəbini bilmirəm. Yenidən onun haqqında məqalə yazmaq istəyəndə əvvəlcədən silindiyi üçün yenə silinir. Qaralamamda istədiyim məqaləni yazdım. Qaralamadan çıxıb aktiv olaraq yayımlanmasını istəyirəm. İstifadəçi:Aslanmurad0v/Qaralama (müzakirə) 11:21, 19 avqust 2024 (UTC)

  Şərh: Məqaləni ensiklopedik saymaq olar, müxtəlif böyük turnerlərdə uğurları var. Mənbələr azlıq təşkil edir bundan əlavə olaraq məqalə Stil kitabçasına uyğun deyil məqalə üzərində işlər aparılmalıdır. Ancaq bəzi məlumatlarda mənbə yoxdurş - Aylanabi (müzakirə) 09:20, 31 avqust 2024 (UTC)

VP:SK Uyğun düzəliş edin və daha sonra ensklopedik meyyarlara cavab verən istinad ilə mənbələr əlavə edin zəhmət olmazsa. @ Redivy (müzakirə) 11:36, 8 sentyabr 2024 (UTC)

Mənbə axtar: ( • • • ) •

Haqqında ruviki və gürcü dilindəki vikipediyada məqalə var. Həmçinin uyğun düzəlişləri etdim, şablonu düzgünü ilə əvəz etdim, aldığı mükafatlar haqqında azvikidə məqalə və şablon yox idi, onları yaradaraq bu məqalədə də istifadə etdim, cümlə quruluşlarını vikiləşdirdim, bəzi yeni məlumatları əlavə etdim, istinadlar əlavə etdim. Əvəz Əlibəyov Çar Rusiyası və SSRİ-nin bir çox əhəmiyyətli medal və ordenləri təltif olunmuş, uzun döyüş yolu keçmiş, müxtəlif ordularda komandanlıq etmiş hərbçidir və düşünürəm ki, ensiklopedikdir. Bunu Azərbaycan Sovet Ensiklopediyasında haqqında məqalə olması da bir daha təsdiqləyir. -- Rüfət Həsənli 19:25, 21 avqust 2024 (UTC)

Salam. Mənbələri artırma imkanınız var? ASE təkcə özü-özlüyündə birbaşa ensiklopediklik üçün yetərli mənbə deyil. Hörmətlə, Qədir (müzakirə) 19:37, 21 avqust 2024 (UTC)

Rusların elektron kitabxanalarından tapdım indi bir neçə mənbə. Mükafatlarına dair etibarlı mənbədir. İndi əlavə edərəm. -- Rüfət Həsənli 20:48, 21 avqust 2024 (UTC)

Təşəkkürlər, mümkündürsə ASE-nin mənbələrini də {{Cite encyclopedia}} şablonu ilə uyğunlaşdırın. Hörmətlə, Qədir (müzakirə) 20:58, 21 avqust 2024 (UTC)

  Bərpa olunsun: Məqalə indiki vəziyyətdə ensiklopedik olduğunu düşünürəm məqalə üzərində işlər aparıldığı və qaydalara uyğun tərtib olunduğu görsənir - Rosh060 (müzakirə) 05:40, 23 avqust 2024 (UTC)

  Bərpa olunmasın: ensiklopedik heç bir fakta rast gəlmədim. mənbələr tapmaq şəxsi ensiklopedik etmir axı Atakhanli (müzakirə) 09:57, 23 avqust 2024 (UTC)

@Atakhanli şəxsin aldığı mükafatların coxluğuna nəzər yetirin düşünürəm ki həmin dövürdə say seçmə döyüşcülər alıb o mükafatları - Rosh060 (müzakirə) 10:25, 23 avqust 2024 (UTC)

Bu halı ilə, yəni sırf bu mükafatlara görə mən də bərpasına isti baxa bilmirəm, fəaliyyəti ilə əlaqəli geniş mənbələr əlavə olunarsa fikrimi təkrar nəzərdən keçirə bilərəm. Hörmətlə, Qədir (müzakirə) 10:32, 23 avqust 2024 (UTC)

@Atakhanli, @Gadir, rusların mənbələrindən tapdığım məlumatları da əlavə etdim. O qədər orden və medalı heç nədən vermirlər axı :)

"Georgi" orden və medalları kiçik rütbəli zabitlər üçün ən yüksək dövlət mükafatlarındandır. Həm, deyə bilərsiniz ki, ümumi sovet və çar Rusiyası dövründə çox nəfərə verilmiş mükafatlardır, fəqət azsaylı azərbaycanlıya verilib. Həmçinin hər iki imperiyanın yüz milyonlarla əhalisi olduğunu da nəzərə almalı. -- Rüfət Həsənli 18:52, 23 avqust 2024 (UTC)

  Şərh: bəli cox saylı Azərbaycanlı hənin dövürdə bu qədər mükafat alıb sadəcə məalədə mənbə və məlumat azlığı var - Rosh060 (müzakirə) 07:25, 24 avqust 2024 (UTC)

•   Bərpa olunmasın: Şəxs ayrılıqda heç bir mənbənin diqqətində olmayıb və əhatə edilməyib. Ensiklopedikliyi ödəyən bir şəxs haqqında hər hansı faktın təsdiqlənməsi üçün ASE yaxşı mənbə ola bilər, amma ASE-də məqaləsi var deyə şəxs birmənalı ensiklopedikdir deyə bir şey yoxdur. Mükafata isə gəldikdə, birbaşa ensiklopedik edə biləcək mükafat deyil, yəni sırf bu mükafata görə heç bir şəxs birmənalı ensiklopedik hesab edilmir. Mükafat alıb, və ya çox mükafat alıb deyə şəxsin fəaliyyətini əhəmiyyətli hesab etmək isə tamamilə subyektiv fikirdir. Ensiklopedikliyə isə öz fikir və dəyərləndirmələrimiz ilə qərar vermirik. Ensiklopedik olmaq üçün ya ümumi meyarlar ödənməli, şəxsin mənbələrin diqqətində olduğu sübut edilməli, ya da şəxs xüsusi şərtləri ödəyən, onu birbaşa ensiklopedik edə bilən mükafat, vəzifə, və s. sahib olmalıdır. Bu şəxs üçün heç biri ödənilmir. --Sura Shukurlu (müzakirə) 20:21, 24 avqust 2024 (UTC)

  Sıravi əsgərlərdən fərqli olaraq süvari diviziyanın komandiri olmuş, uzun döyüş yolu keçmiş, bu döyüşlərdəki iştirakına görə həm Çar Rusiyası, həm SSRİ dövründə dəfələrlə mükafat, medal və ordenlə təltif olunmuşdur. Vəzifəsi ilə yanaşı, rütbəsi də kifayət qədər yüksək olmuşdur. Haqqında birçox mənbələrdə ətraflı məlumatlar da var. -- Rüfət Həsənli 18:12, 9 sentyabr 2024 (UTC)

  Şərh: - Mənbələri artırdım, yeri gəlmişkən, RF və SSRİ arxivlərində onunla bağlı sənədlər qeyd olunduğu üçün etibarlı mənbələrdir. Üslub olaraq təkmilləşdirdim, ensiklopedik əhəmiyyətə malik bir neçə cümləni əlavə etdim. -- Rüfət Həsənli 21:23, 1 sentyabr 2024 (UTC)

konkret olaraq hansı cümlələr? Atakhanli (müzakirə) 23:59, 1 sentyabr 2024 (UTC)

Xarkov əməliyyatı ilə bağlı hissə. Mayın 17-si olan döyüşdəki rəşadətinə görə, hətta medalla da təltif olunub. Həmçinin digər məlumat və mənbələri də nəzərdən keçirməyiniz, Vəhşi diviziya və Birinci Süvari Ordu barədə araşdırmağınızı tövsiyə edərdim. -- Rüfət Həsənli 18:08, 9 sentyabr 2024 (UTC)

Mükafatları cədvəldə verməyə gərək yoxdur, məqalənin əsas hissəsini o cədvəl tutur, diqqət ona yönəlir daha çox. Sadə şəkildə verin. Mükafat vərəqini də yerləşdirməyə ehtiyac yoxdur, çünki fayl kimi əhəmiyyəti yoxdur. Vikianbara şəxslə bağlı fayllar əlavə olunub və keçid edilib onlara baxıla bilər. Məqaləyə uyğun fayl var, uyğun olmayan var, yeri var, hamısı necə gəldi əlavə olunmalı deyil. Hələ iş gedir şablonu da olsa məqalədə, bunları da bildirim dedim. Hörmətlə, Qədir (müzakirə) 00:29, 2 sentyabr 2024 (UTC)

Şəkil kateqoriyası ilə bağlı dediklərinizi edə bilmirəm, təəssüf ki. Yardım etsəniz, çox məmnun olaram. Amma qalan şeyləri düzəltdim. -- Rüfət Həsənli 18:01, 9 sentyabr 2024 (UTC)

@Turkmen, @Nemoralis, @Araz Yaquboglu, @Əhməd Qurbanov, zəhmət olmasa, fikir və tövsiyələrinizi bildirə bilərsiniz? Öncədən təşəkkürlər. -- Rüfət Həsənli 15:03, 14 sentyabr 2024 (UTC)

@Rüfət Həsənli ensiklopedik deyil, niyə dirəşirsiz?) Atakhanli (müzakirə) 16:14, 14 sentyabr 2024 (UTC)

Mənbə axtar: ( • • • ) •

Məqalə 3 ay əvvəl SNS-ə təqdim olunub. Əvvəl təqdim olunanda Cv formatında olduğu və PR məqaləsi tipində hazır olunduğu və yalan məlumatların olduğu qeyd olunub. Məqalə üzərində işlər apardım yenilədim əvvəlki versiyada olan problemləri aradan qaldırdım. Şəxs professor (tibb elmləri doktorudur), Tərəqqi medalı ilə təltif olunub. Fəaliyyət barədə kifayət qədər mənbələr mövcuddur. Həmçinin şəxsin kifayət qədər elmi əsərləri var. Azərbaycan üzrə tanınan həkimlər sırasındadır. -- ☞QRAF☜   (✉ → ♕) 07:06, 23 avqust 2024 (UTC)

  Bərpa olunsun: Bu şəxs haqqında kiçik araşdırma etdim . Şəxsə pezident tərəfindən tərəqqi medalı verilib düzdür bu ensklopedik etmi yalnız şəxsin rəhbəri olduğu yerlər elmi işləri və ümümi fəaliyyəti şəxsin ensklopedik olmasına zəmn yaradır. Mənbələr də coxluq təşkil edir. Tibb elmləri doktorudur. bu bu bu bu bu bu və bu kimi Tibb elmləri doktorından hansı səbəb ayırır? Faəliyyətinə nəzər salsaq bir coxundan cox işlər görüb - Rosh060 (müzakirə) 07:41, 24 avqust 2024 (UTC)

Mənbə axtar: ( • • • ) •

Həmkarlar, bu səhifəni təqribən 1 il əvvəl silinməyə təqdim etmişdim. Düşünürəm ki, səhifənin bərpa edilib-edilməməsi ilə bağlı yenidən müzakirə aparmaq olar. Birmənalı şəkildə hansısa bəndə əsaslanmasaq da, ensiklopediklik üçün müəyyən göstəricilərin olduğunu düşünürəm. Məsələn, rəhbərlik etdiyi "ABAD" PHŞ birbaşa dövlət başçısı tərəfindən yaradılıb və ölkənin, demək olar, bütün regionlarını əhatə edir. Tərkibində hotel fəaliyyət göstərir və məhsulları xarici bazara çıxarılır. Bundan əlavə, tərkibində çoxsaylı etnobutiklər, eləcə də istehsal müəssisəsi var ki, onların açılışda Azərbaycan və Türkiyənin dövlət başçıları, birinci xanımları iştirak ediblər: .

Bu göstəricilərin təkcə "ABAD"a deyil, həm də yaradıldığı gündən indiyədək ona rəhbərlik edən Rüfət Elçiyevin də fəaliyyətinə şamil olunduğunu düşünürəm. Bu baxımdan səhifəni müzakirəyə təqdim edirəm.

PS: Səhifənin silinib-qalmasında xüsusi marağım yoxdur, yekun qərar fikir bildirən icmanındır. — Toghrul R (m) 10:24, 25 avqust 2024 (UTC)

  Bərpa olunsun: ABAD və mükafatları şəxsi ensiklopedik edir. Fəaliyyətininə də baxsaq bərpa olunmsı uyğundur ~ Aylanabi (müzakirə) 11:40, 25 avqust 2024 (UTC)

  Bərpa olunsun: ABAD qlobala da çıxan çox böyük və özünü doğruldan Azərbaycan məhsuludur. mən də eyni fikirdəyəm. bu arada qurumun Şəkidəki Keramika və Tətbiqi Sənət Mərkəzi də ayrıca ensiklopedik mövzudur. Şəkinin Avropa Keramika Marşrutuna daxil edilməsində xüsusi rolu olub. Cənubi Qafqazda ilk Keramika Mərkəziymiş. binası da tarixidir. (indi axtaranda gördüm ABAD-ın Nardaranda da Keramika və Tətbiqi Sənət Mərkəzi varıymış) Atakhanli (müzakirə) 13:27, 25 avqust 2024 (UTC)

  Şərh: Şəxsin medlları *Abad üçün verilməyib və fəaliyyətində yalnız gömrük ilə bağlı olan işlə əlaqəli təltiflər yer alır. Belə olan halda tək *Abad məqaləsinə görə şəxs ensklopedikdir ? Redivy (müzakirə) 10:11, 27 avqust 2024 (UTC)

@Redivy əslində haqlısız. fəaliyyəti bölməsində ABAD başlığı yaradıb oraya fəaliyyətlərini əlavə etdim. düşünürəm ki, indi məqalə CV formasından çıxdı. @Toghrul R gələcəyinə dekorativ-tətbiqi xalq sənətkarlığı ilə bağlı layihələri də əlavə olunsa daha yaxşı olar. Atakhanli (müzakirə) 22:16, 28 avqust 2024 (UTC)

Mükafatlar ensiklopedik deyil Dr.Wiki54 (müzakirə) 12:14, 5 sentyabr 2024 (UTC)

Redivy, ümumiyyətlə dövlət xadiminin ensiklopedikliyini mükafatları ilə dəyərləndirmək doğru deyil. Bu cür şəxslər uzağı tərəqqi medalı almış ola bilər, bu da ensiklopedik yükdə deyil, ya da dövlətə xidmətə görə ordeni, hansı ki, bu da ensiklopedik əhəmiyyətə malik deyil. Şəxs Milli Qəhrəman, Vətən Müharibəsi Qəhrəmanı və s. deyilsə mükafatlarına baxmaq doğru yanaşma deyil. Ən yaxşı halda Şöhrət ordeni ala bilər, bu da şəxsi birbaşa ensiklopedik etmir. Bütün hallarda fəaliyyətinə nəzər yetirmək lazımdır, təltiflərinə yox. --Sura Shukurlu (müzakirə) 16:43, 7 sentyabr 2024 (UTC)

@Sura Shukurlu Fikirləriniz ilə razıyam sadəcə məqalədə şəxsi fəaliyyət gömrük orqanları ilə olduğundan və başqa fəaliyyət olmadığından müzakirəni oradan yürütdüm. Redivy (müzakirə) 11:32, 8 sentyabr 2024 (UTC)

Mənbə axtar: ( • • • ) •

Salam əziz dostlar. Azərbaycan Karate Federasiyası olaraq,  nəzərinizə çatdırmaq istəyirik ki, böyük uğur və naliyyəti olan (federasiyamızın rəsmi üzvlərinin) vikipediyada yer alması və ya silinmiş səhifələrin bərpası üçün müraciətlərimiz olacaq. Bildirmək istəyirik ki, Dünyada bir çox karate növləri vardır. O cümlədən də Azərbaycanda bir çox karate federasiyaları mövcud olub. Hal-hazırda həmin federasiyaların statusları ləğv edildikdən sonra, bir çoxu (tanınmış üslub və stillər) İctimai Birlik olaraq Azərbaycan Karate Federasiyasının nəzdində fəaliyyət göstərməkdədir. Yəni nəzdimizdə olan bir çox növlər dünyada məşhurdur və hər birinin ayrılıqda dünya və avropa çempionatları keçirilir. Odur ki, bayrağımızı dünya arenalarında dalğalandıran, himnimizi səsləndirən idmançılarımızın hesablarının  yaradılması zamanı qarşılıqlı müzakirələr edərək aktiv edilməsinə köməklik göstərməyinizi xahiş edirik.

Hər hansı bir çatışmayan məlumat, ensiklopedik sayılmayan məlumatlar olduqda müzakirə edək və dərhal məlumatlar silinməsin.

Eyni zamanda " Vüsal Abdullazadə " adlı səhifənin () bərpasının nəzərə alınmasını xahiş edirik.

Hər hansı bir sual və təklif olarsa, office@azkf.az rəsmi e-mail poçtumuza yaza bilər və ya rəsmi saytımızda göstərilmiş ofis nömrələrimizlə əlaqə saxlaya bilərsiniz. Diqqətinizə görə təşəkkür edirik. (müzakirə) 23:49, 27 avqust 2024 (UTC)

@Gadir qaralamaya sal zəhmət olmasa. @ salam. İstifdaəçi adınız dəyişib, amma imzanız dəyişilməyib, nizamlamalardan onu da dəyişə bilərsiz. Məqalə(lər)ə gəldikdə. Məqalə müzakirə nəticəsində silinib. Müzakirədəki arqumentlər inadırıcıdı. Dünya çempionatı keçirilməyən ildə necə çempion ola bilər. Məşhurluq da göstərici deyil, əgər yenə də şəxsin VP:İDMANÇI şərtlərinə uyğun olduğunu düşünürsüzsə məqaləyə düzəliş edib və bunları təsdiləyəcək mənbələr əlavə edərək bərpa üçün təqdim edə bilərsiz. — Bikar ^müzakirə07:27, 28 avqust 2024 (UTC)

Salam. Hər vaxtınız xeyir.

Qeyd etdiyim kimi, ayrı-ayrı məşhur karate üslubları və stilləri üzrə hər il dünya və avropa çempionatları keçirilir. Bu haqda yerli və xarici mediada çoxsaylı məqalələr vardır. Shahriyar94 (müzakirə) 08:05, 28 avqust 2024 (UTC)

Salam. Burada çatışmayan nə varsa deyin qeyd edək zəhmət olmasa. Shahriyar94 (müzakirə) 12:16, 28 avqust 2024 (UTC)

•   Bərpa olunmasın: səbəbini dəfələrlə demişəm. Grenzsoldat 19:44, 28 avqust 2024 (UTC)

  Salam bəy. Səbəb nədir? Tutarlı arqumentlər gətirmişik. Ədalətli və həssas yanaşaq. Shahriyar94 (müzakirə) 21:09, 28 avqust 2024 (UTC)

• Məqalədə qeyd olunan yarış və uğurların qlobal rəsmi mənbələrini təqdim edin zəhmət olmazsa. @Shahriyar94 Redivy (müzakirə) 10:11, 2 sentyabr 2024 (UTC)

Murat Ekşioğlu, musiqi sahəsində fəaliyyət göstərən və müasir dövrdə tanınmış bir sənətçidir. 9 Fevral 2001-ci ildə Ankara, Türkiyədə doğulmuşdur və musiqi karyerasına 2016-cı ildən başlamışdır. Onun fəaliyyəti, musiqi albomları və sinqlləri, o cümlədən "Aşk Acıtıyor", "Deniz Üstü Köpürür" və "Sunshine Dreams" kimi məşhur əsərləri ilə tanınmışdır.

Güvənilir Mənbələr: Sayfanın əvvəlki versiyasında istifadə edilən mənbələr, Murat Ekşioğlu'nun karyerasına dair müstəqil və etibarlı məlumatları əks etdirir. Təqdim olunan mənbələrdən bəziləri aşağıdakılardır: Bölge Gündem Hbaer Magazin Haberleri Antalya Güncel Haber vb.

Geri Bərpa Tələbi: Murat Ekşioğlu'nun Vikipedi'dəki səhifəsinin silinmiş olması səbəbindən, bu səhifənin yenidən yaradılması üçün təklif edirəm. Sənətçinin karyerası, diskografiyası və şəxsi həyatı haqqında müstəqil mənbələrdə ətraflı məlumat mövcuddur ki, bu da onun Vikipedi'dəki mövcudluğunu əsaslandırır. Müraciətimə müsbət yanaşmanızı xahiş edirəm və suallarınız olarsa, əlavə məlumat təqdim etməyə hazıram. Hörmətlə () 23:17, 12 sentyabr 2024 (UTC)

Səhifəni yenidən kopyalayıb yapışdırmadım, hamısını özüm yazdım, amma siz uyğun görmədiniz. Mən buna hörmət edirəm, amma bu, reklam və ya spam ola bilməz, onsuz da onun haqqında kifayət qədər məlumat yoxdur və onun musiqi karyerasının yeni yüksəlişində haqqında danışdığım şəxs musiqiçidir. () 23:27, 12 sentyabr 2024 (UTC)

Şəhid Heydərov Vasif Nazim oğlunun wikipediyada yazılmış məqaləsi silinmişdir.Məqalənin bərpa olunması üçün kömək etməyiniz xahiş olunur.

() 05:35, 14 sentyabr 2024 (UTC)