Vikipediya:Viki Abidələri Sevir

Viki Abidələri Sevir (Wiki Loves Monuments, WLM) Vikimedianın bölmələri və qrupları tərəfindən təşkil olunan maddi irs üzrə ictimai foto müsabiqəsidir. 2010-cu ildə bu müsabiqə Hollandiyada təşkil olunmuşdur və 2011-ci ildə Avropanın digər ölkələrində də davam etdirilmişdir. Viki Abidələri Sevir 2012 müsabiqəsinin miqyası genişlənmiş və qlobal şəkil almışdır. Həmin ildə müsabiqə dünyanın Kanada, Çili, Hindistan, Qana, Filippin, Rusiya, Cənubi Afrika və ABŞ kimi ölkələrində də təşkil olunmuşdur. Azərbaycan bu müsabiqədə ilk dəfə 2013-cü ildə iştirak etmişdir. Azərbaycanda yerləşən və Azərbaycan üzrə fotoşəkilləri müsabiqədə iştirak edə bilən abidələrin siyahısı ilə bu səhifədə tanış olmaq olar.