Vikipediya:Kepka kolleksiyaçılığı
 | Bu səhifə bir essedir. Səhifə vikipediyaçılar üçün məsləhət və rəy xarakteri daşıyır. Vikipediyanın rəsmi prinsiplərindən və qaydalarından biri deyil, eləcə də, vikicəmiyyətin ümumi fikrini əks etdirməyə bilər. Bəzi esselər geniş mövzuları əhatə edir, bəzi esselər isə ancaq spesifik mövzulara toxunur. |
 | Səhifənin qısa məzmunu: İnzibatçılıq və digər istifadəçi hüquqları üçün namizədlik verəndə bu imkanlardan Vikipediyanı təkmilləşdirmək üçün istifadə edəcəyinizi nümayiş etdirməlisiniz. Bu imkanlardan özünüzü göstərmək və eqonuzu artırmaq kimi məqsədlərlə istifadə etməməlisiniz. |
Vikipediya və digər layihələrdə kepka kolleksiyaçılığı o deməkdir ki, şəxs ensiklopediyanı genişləndirmək üçün burada deyil, sadəcə özünü reklam və eqosunu artırmaq məqsədilə layihələrdə müxtəlif hüquqlar əldə etmək üçün can atır. Nəzərə alın ki, bu imkanlar sadəcə sizin ensiklopediyanı təkmilləşdirməyinizi asanlaşdırmaq üçün nəzərdə tutulub. İstifadəçilər inzibatçılıq üçün namizədlik verən istifadəçilərin bu hüquqdan doğrudan istifadə edib-etməyəcəyinə və bu namizədin sadəcə "kepka kolleksiyaçısı" olub-olmadığına diqqət yetirməlidirlər. Buna görə də inzibatçı namizədlərinin Vikipediya karyeralarının müəyyən bir mərhələsində inzibatçı olmaq hissindən daha çox nəyə görə inzibatçı olmaq istədiklərinə dair konkret təsəvvürünün olmasına və inzibatçı kimi verəcəyi töhfələr barədə düşüncəsinin olmasına ehtiyac duyulur.
Müəyyən bir istifadəçi qrupunda deyilsinizsə, bu o demək deyil ki, sizdə hansısa çatışmazlıq var. Məsələn, bir çox istifadəçidə "yükləyici" və "fayl addəyişdiricisi" kimi istifadəçi hüquqları yoxdur, bunun səbəbi o deyil ki, onlar vacib deyillər, yox, bunun səbəbi odur ki, icmanın çox az bir hissəsi fayl ad fəzası ilə maraqlanır. Bunun əksi, yəni bu hüquqlara sahib olmağınız da sizin bu sahələrdə professional olduğunuz mənasına gəlmir, sadəcə bu sahədə səlahiyyətinizin olduğunu ifadə edir. Bəzi inzibatçıların yetəri qədər təcrübəli və etibarlı hesab etdikləri istifadəçilərə müəyyən hüquqları vermələri onlara imkan verir ki, müvafiq işləri özləri yerinə yetirə bilsinlər.
İstifadəçi hüquqları üçün müraciət edirsinizsə, bu hüquqları nə üçün istədiyinizi və bu hüquqlarla Vikipediyaya hansı töhfələri verə biləcəyinizi açıq şəkildə izah edin. Sadəcə sizə faydalı ola biləcəyini düşündüyünüzə görə hüquqlar üçün müraciət etməyin, nə üçün ehtiyacınız olduğunu qeyd edin ki, sizin "kepka kolleksiyaçısı" olmadığınızla bağlı düşüncələr minimuma düşsün.
- Əgər vandalizmlə mübarizə aparırsınızsa, vandalizmlə mübarizə fəaliyyətinizi nümayiş etdirin (Vikipediya:İnzibatçılara müraciət səhifəsində müvafiq səhifələrin mühafizəsi və şəxslərin bloklanılması ilə bağlı müraciətlər edin, eləcə də vandal ləri geri qaytarmağa çəkinməyin).
- Əgər avtopatrul hüququ üçün müraciət edirsinizsə, onda yazdığınız məqalələri təqdim edin (bu hüquq sizə heç bir əlavə texniki imkan vermir).
- Əgər addəyişdirici hüquqları üçün müraciət edirsinizsə, onda Vikipediya:Addəyişmə müraciətləri səhifəsi vasitəsilə öncə müraciətlərinizi əlavə edin. Digər layihələrdə bu hüquqlarınızın olması o demək deyil ki, bu layihədə də sizə bu hüquqlar mütləq veriləcək. Digər layihələrdəki fəaliyyətiniz yaxşı ola bilər, amma istifadəçilər əmin olmaq istəyirlər ki, siz yerli siyasətlərlə tanışsınız və fəaliyyətinizdə nöqsanlara yol verməyəcəksiniz.
Kepkaları kolleksiya üçün saxlamayın, onları alandan sonra taxın!
- İstifadəçi bacarıqları: İstifadəçiyə müvafiq hüquq verilmədən əvvəl siyasətlərlə bağlı suallara qaneedici cavablar verməsi və hüquqlardan qaydalar çərçivəsində istifadə edəcəyinə dair etibar yaratması.
- Sözügedən istifadəçi hüququnun nə üçün olduğuna dair heç bir açıq sübut göstərməyən sorğular.
- Mümkün faydaların sübut kimi göstərildiyi sorğular.
- İstifadəçi hüquqları üçün müraciətlərdə "yuxarıdan başla, aşağıya kimi" prinsipi ilə təkmil istifadəçi hüquqlarına (stüard, qlobal rolbaker, Vikimedia Fondu tərəfindən təsdiqlənmiş Tədqiqatçı, təftişçi, gizlədici və s. kimi) yiyələnmək üçün absurd dərəcədə müraciətlər etmə.
- Davranış və fəaliyyətlərdə faktiki dəyişikliklər olmadan təkrarlanan sorğular.
- Müraciətlərin rədd edilməsindən sonra digər istifadəçilərin bu hüquqları necə aldıqları, amma özlərinin ala bilmədiklərinə dair şikayətlər.
- Digər layihələrdə daşıdığı hüquqlara dair şişirdilmiş izahatlarla Azərbaycanca Vikipediyada da müəyyən hüquqlara sahib olmaq üçün əsaslandırmalar.
Bununla yanaşı, istifadəçilər digər layihələrdə Azərbaycanca Vikipediyadakı hüquqlarını əsas göstərərək bəzi hüquqlar üçün müraciətlər edə və daha sonra digər layihələrdəki hüquqlarına istinad edərək Azərbaycanca Vikipediyada daha təkmil hüquqlar üçün müraciət edə bilərlər.
- Nisbətən yeni redaktorların istifadəçi hüquqları üçün müraciətlər və inzibatçılıq namizədlikləri üçün müraciət etmələri barədə onlara edilən xəbərdarlıqları görməzdən gəlmək.
- İnzibati səhifələrdə həddən artıq iştirak etmək (məsələn, Vikipediya:İnzibatçılara müraciət) və ya bu cür sahələrdə lazımsız fəaliyyətlər göstərmək.
- Məzmun və vandalizmlə mübarizə üzrə fəaliyyətlər göstərmədən də əvvəl, digər töhfələr olmadan öncə layihə ad fəzasındakı sahələrə köklənmək.
- Qabaqcadan yüksək biliklər toplama, həmçinin kepka kolleksiyaçılarının arzuladıqları kepkaları daha tez əldə etmək məqsədilə qayda və təlimatları hərtərəfli öyrənmələri (bunun həm də kuklaçılıq kimi hallara işarət edəcəyini də unutmayın).
- Hüquqları tələb edərkən onlara həqiqi ehtiyacın göstərilməməsi.
- Müraciətin haqlı səbəblərlə imtina edilməsindən sonra o hüquqa necə yiyələnəcəyi barədə israrlı şəkildə suallar vermək.
Vikilərarası kepka kolleksiyaçılığı odur ki, istifadəçilər bir layihə üzərində daşıdıqları hüquqları digər layihələrdə əlavə hüquqlar əldə etmək məqsədilə arqument kimi istifadə edirlər. Bu, çox vaxt problem olmur, belə ki, istifadəçi hüquqlarının çoxu etibar gərəkdirir. Məsələn, uzun müddətdir Vikisitat inzibatçısı kimi fəaliyyət göstərən birinin Vikipediyada inzibatçılığa namizədlik verməsi tamamilə yeni bir istifadəçi ilə müqayisədə daha etibarlıdır.
Ancaq unutmayın ki, bəzi vikilər istifadəçi hüquqlarının verilməsində daha laqeyiddirlər və ya idilər. Hətta bəzi dil layihələrində müəyyən hüquqlar avtomatik olaraq müəyyən bir müddətdən sonra və ya müəyyən dəyişiklik sayına çatdıqdan sonra istifadəçilərə verilir. Elə bu səbəbdən Azərbaycanca Vikipediyada bəzi hüquqlar üçün müraciət edərkən digər layihələrdəki hüquqların çox da gözə batırılmasına ehtiyac yoxdur.