• Maşın tərcüməsidir. Oxunaqlı deyil. İstifadəçinin yaratdığı digər məqalələrdə də eyni situasiyanı müşahidə etmək olar; xüsusi isimlər transliterasiya olunmur. Firuza (müzakirə) 17:19, 9 mart 2024 (UTC)[]

@Nilufar.J lütfən nəzər yetirərdiniz Atakhanli (müzakirə) 18:23, 9 mart 2024 (UTC)[]

Məqalələri düzəldirəm. Nilufar.J (müzakirə) 19:16, 9 mart 2024 (UTC)[]

Düzəldə bilməsəm də silərsiz ) qane etməsə Nilufar.J (müzakirə) 19:22, 9 mart 2024 (UTC)[]

Hörmətli @Nilufar.J, redaktorlar məqalə yaradarkən Azərbaycan dilinin leksik və qrammatik qaydalarına mütləq şəkildə riayət etməli və maşın tərcüməsi olan məzmunu Vikipediyaya olduğu kimi əlavə etməməlidirlər. Əgər başqa dillərdən Azərbaycanca Vikipediyaya tərcümə ilə məqalə töhfəsi vermək istəyirsinizsə, əvvəlcə məqaləni öz qaralama səhifənizdə işləməklə, tərcümə edilən məzmunun tələbləri ödəməsini təmin edə bilərsiniz. Bu kriteriya Vikipediya oxuyucularının keyfiyyətli və anlaşıqlı məqalələrlə tanış olmasına imkan yaradır.

Belə məqalələrə adətən {{sil}} şablonu əvəzinə {{azərbaycanca deyil}} şablonu əlavə edilir. Lakin müzakirə səhifənizə yuxarıda qeyd edilən məsələ ilə bağlı keçən ay @Atakhanli və bu yaxınlarda @Araz Yaquboglu tərəfindən tövsiyə xarakterli müraciət yerləşdirilməsinə baxmayaraq, maşın tərcüməli məqalələr yaratmaqda davam etdiyinizə və cari, həmçinin keçmiş məqalələrinizə heç bir düzəliş etmədiyinizə görə hazırkı məqaləni müzakirəyə çıxarmaq qərarına gəldim. Hər hansı məqalənizi bitirdikdən sonra bir dəfə oxusanız, bizə haqq qazandırarsınız. Hesab edirəm ki, sizin kimi kitab oxumağı sevən bir filoloq bu tövsiyələri gələcək fəaliyyətində tətbiq edərək Vikipediyada Azərbaycan dilində zəngin məzmunlu məqalələr yaradacaq. Xatırladım ki, önəmli olan kəmiyyət deyil, keyfiyyətdir.

Odur ki, sizin və inzibatçıların müvafiq düzəlişlərindən sonra hesab edirəm ki, məqalə hazırkı vəziyyətdə   Qalsın:. Növbəti məqalələrinizdə uğurlar! Firuza (müzakirə) 18:39, 14 mart 2024 (UTC)[]

•   Qalsın: məqalə işlənilib. — Araz Yaquboglu (müzakirə) 04:52, 15 mart 2024 (UTC)[]

    Qalsın: — Qeyd olunan arqumentlə razıyam. Vusalsuvarov1996 (müzakirə) 10:17, 28 mart 2024 (UTC)[]

Yekunlaşdırma: Məqalənin silinməsi təklifi qəbul edilmədi. Eminn (müzakirə) 12:05, 28 mart 2024 (UTC)[]