Vikipediya:Silinməyə namizəd səhifələr/Hüseynbala Məmmədov (tələbə)

Mənbə axtar: Google (xəbər • kitab • akademik • azad şəkillər) • JSTOR

• Məqalənin VP:Yoxlanıla bilərliyi hal-hazırda mümkünsüzdür. Həmçinin VP:ŞEƏ-nin "elm xadimləri" bölməsinə uyğun olsa da, mövcud kriteriyaları ödəmir — Turkmen ^müzakirə 07:30, 30 oktyabr 2025 (UTC)[cavabla]
• Ensiklopedik dəyəri olmayan məqalədir.   Silinsin Redivy (müzakirə) 09:00, 30 oktyabr 2025 (UTC)[cavabla]
• Əgər Hüseynbala Məhəmmədovun məqaləsini yalnız “VP:Yoxlanıla bilərlik” və “elm xadimi kriteriyaları”na əsaslanaraq silmək niyyətindəsinizsə, onda eyni arqumentlə digər təxminən 100 Azərbaycan Xalq Cümhuriyyəti tələbəsinin — Parlamentin xüsusi qərarı ilə dövlət hesabına xaricdə ali təhsil almaq üçün göndərilmiş şəxslərin — məqalələrini də silməli olacaqsınız. Məqalədə iki (xüsusilə ikincisi) möhtərəm mənbə var: Azərbaycan Xalq Cümhuriyyəti Ensiklopediyası (II cild) və çox hörmətli Ədalət Tahirzadə və Tahirli Oğuztoğrulun Azərbaycan Cümhuriyyəti tələbələri kitabları. Hüseynbala Məhəmmədovun elmi iş yazıb-yazmaması məqalənin elm xadimi kateqoriyasına uyğunluğunu müəyyən etmir. Mənbələr onun tarixi həyatı, təhsil və ədəbiyyat əlaqələri haqqında kifayət qədər məlumat təqdim edir. O, artıq 100 ildən çox əvvəl ali təhsil almış şəxsdir və həmin dövrün arxivlərinin, o cümlədən Almaniya və Bonn Universiteti arxivlərinin yoxlanması lazımdır. Mən artıq əlaqədar arxivlərə müraciət etmişəm, lakin absurd olaraq cavab olaraq yalnız “privacy policy” problemi göndərilib. Burada məqsəd şəxsi məlumatların qorunması ilə bağlı siyasətə istinad etməkdir, yəni arxiv məlumatlarını birbaşa təqdim edə bilməyiblər. Buna görə də mən məqalənin silinməsinə qarşıyam. Məqalə mövcud kriteriyalara uyğun olmaya bilər deyə iddia etmək doğru deyil, çünki təqdim olunan mənbələr etibarlıdır və şəxsiyyətin tarixi əhəmiyyətini təsdiqləyir.   Qalsın Shahdag (müzakirə) 10:08, 30 oktyabr 2025 (UTC)[cavabla]

  Salam. Bu mövzuda olan digər məqalələr də ümumi olaraq araşdırılmalıdır. Qeyd etdiyim kimi, biz ikinci mənbəni yoxlaya bilmirik və AXC Ensiklopediyasındakı qeydlər VP:ŞEƏ-nin "elm xadimləri" bölməsindəki şərtləri ödəmək üçün kifayət deyil. Turkmen ^müzakirə 10:38, 30 oktyabr 2025 (UTC)[cavabla]

  Əgər siz ikinci mənbəni “yoxlaya bilmirik” deyirsinizsə, bu artıq sizin şəxsi probleminizdir. İstənilən zəngin kitab evi, mağazası və ya kitabxanasında bu möhtərəm kitab — “Azərbaycan Cümhuriyyəti tələbələri” — açıq şəkildə mövcuddur. Həmçinin kitabın müəllifləri və nəşriyyatı tanınmış, etibarlı mənbə sayılır. AXC Ensiklopediyasına gəlincə, orada verilmiş qeydlər sadəcə “elm xadimi” kimi deyil, Azərbaycan Xalq Cümhuriyyəti dövrünün dövlət qərarı ilə xaricə göndərilən tələbələr kimi qiymətləndirilməlidir. VP:ŞEƏ-nin “elm xadimləri” bölməsinə uyğunluq məsələsi bu halda fərqli təbiət daşıyır, çünki söhbət Azərbaycan təhsil tarixində xüsusi qərarla xaricə göndərilmiş dövlət təqaüdçülərindən gedir. Bu faktın özü ensiklopedik əhəmiyyət daşıyır və silinmə səbəbi ola bilməz. Belə tarixi fiqurların yoxlanıla bilməməsi və ya arxivlərdə məlumat azlığı onların əhəmiyyətini azaltmır, əksinə, həmin dövrün araşdırılmasına stimul yaradır. Bu səbəbdən, mən yenidən vurğulayıram ki, məqalənin silinməsi üçün əsas yoxdur. Shahdag (müzakirə) 13:35, 30 oktyabr 2025 (UTC)[cavabla]

• Belə məqalələri əsas bir məqalə və ya məqalə-siyahı yaradıb (və ya artıq varsa) ora istiqamətləndirmək olar. Geniş istifadə olunan təcrübədir, müstəqil məqalə əvəzinə müəyyən hallarda belə edilir. Hörmətlə, Qədir (müzakirə) 10:31, 30 oktyabr 2025 (UTC)[cavabla]

  Əsas siyahı mövcuddur. Turkmen ^müzakirə 10:38, 30 oktyabr 2025 (UTC)[cavabla]

  @Turkmen Yönləndirilməsinin tərəfdarıyam. Redivy (müzakirə) 11:01, 30 oktyabr 2025 (UTC)[cavabla]

  @Redivy, əlbəttə, yönləndirmə də mümkündür. Turkmen ^müzakirə 11:14, 30 oktyabr 2025 (UTC)[cavabla]

  Düşünürəm ki, ümumi nəzər yetirib müvafiq olanları siyahıda qeyd etmək bəs edər. Hörmətlə, Qədir (müzakirə) 11:19, 30 oktyabr 2025 (UTC)[cavabla]

  Onlar zatən siyahıdadır. Sadəcə bu tipli məqalələr haqqında ümumi müzakirə açıb qərar vermək lazımdır. Sonra silmək də olar, yönləndirmək də. Turkmen ^müzakirə 11:31, 30 oktyabr 2025 (UTC)[cavabla]

  @Redivy, @Qədir, @Turkmen Təşəkkür edirəm fikirləriniz üçün. Mən yönləndirmə və ya silinmə tərəfdarı deyiləm, çünki bu şəxs artıq əsas siyahıda yer alır, lakin öz məqaləsi mənbələrlə təsdiqlənmiş əlavə məlumat təqdim edir. Belə hallarda məqaləni yönləndirmək ensiklopedik dəyəri azaldır. Əgər ümumi qərar qəbul ediləcəksə, bu, bütün AXC tələbələri haqqında sistemli şəkildə müzakirə olmalıdır, ayrı-ayrılıqda silmə və yönləndirmə ilə deyil. Shahdag (müzakirə) 13:38, 30 oktyabr 2025 (UTC)[cavabla]

  Mənim təklif etdiyim də məhz budur. "Ensiklopedik dəyəri azaldır" düzgün yanaşma deyil, əksinə, müstəqil məqalə üçün ensiklopedik dəyəri varsa məqaləsi olmalıdır. Əks halda, ümumi məqalələrə istiqamətləndirmələr vermək və orada məzmun vermək praktikada var və tətbiq olunur. Mövzuların (şəxslərin) fəaliyyətlərinə və tarixi əhəmiyyətliliklərinə baxıb elə qərar verilməlidir. Mövcud bir neçə mənbə də təkrar yazılardan ibarətdirsə və başqa məlumat vermirsə, bu halda da təklifim uyğun görünür. Hörmətlə, Qədir (müzakirə) 13:52, 30 oktyabr 2025 (UTC)[cavabla]

• İngiliscə Vikipediyadakı məqaləni yaradan biri olaraq bu mövzu mənə də maraqlıdır. Tələbələrin çoxu tanınır, yüksək vəzifələrdə işləyənlər, mükafatlar alanlar var. Amma bəzi tələbələr barədə heç bir əhəmiyyətli məlumat yoxdur. Sadəcə təhsil almağa gedib sonra bir daha xəbər alına bilməyənlər var və onlar ensiklopedik sayılmır. Siyahıya yönləndirə bilərik, onsuz da belə baxıram ki, bu dediyim şəxsləri fərqləndirəcək tək xüsusiyyət doğum/ölüm tarixləri və yerləri və təhsil almağa getdikləri yerlərdir. Nemoralis (müzakirə) 14:34, 2 noyabr 2025 (UTC)[cavabla]