Vikipediya:Silinməyə namizəd səhifələr/Aytəkin Aslan

Mənbə axtar: Google (xəbər • kitab • akademik • azad şəkillər) • JSTOR

• Reklam xarakterli cümlələr var. PR üçün hazırlanmış məqalədir, şəxsin elə də böyük fəaliyyəti yoxdur. Ensiklopedik tələblərə cavab vermir. Maryidaa (müzakirə) 13:10, 6 iyul 2025 (UTC)[cavabla]

• Qalsın — Məqalədə adı keçən şəxs Azərbaycanda fərdi inkişaf, yaddaş texnikaları və sürətli oxuma sahəsində tanınmış mütəxəssisdir. YAP-ın layihələrində, universitet tədbirlərində təlimçi kimi çıxış edib, eyni zamanda beynəlxalq sertifikatlara malikdir. Məqalədə əsas məlumatlar ensiklopedik tərzdə təqdim olunub və Vikipediyanın ensiklopediklik meyarlarına cavab verir. Silinməsini əsaslı hesab etmirəm. —

Aysu Qədirli (müzakirə) 13:32, 6 iyul 2025 (UTC)[cavabla]

Aysu Qədirli, ensiklopediklik kriteriyalarına cavab verməsi üçün VP:ƏSAS kriteriyasını ödəməlidir. Hörmətlə, Qədir (müzakirə) 13:35, 6 iyul 2025 (UTC)[cavabla]

@Aysu Qədirli Sadəcə beynəlxalq sertifikatlara sahib olmaq və təlimlərdə çıxış etmək ensiklopedik əhəmiyyət demək deyil. YAP və universitet tədbirlərində çıxış etmək kifayət etmir. Şəxsin fəaliyyəti geniş ictimaiyyətə əhəmiyyət kəsb edən olmalıdır. Məlumatların ensiklopedik tərzdə təqdim olunması məqalənin ensiklopedik olmasına dəlalət etmir. VP:EƏ meyarlarına uyğunluq vacibdir. - Maryidaa (müzakirə) 13:43, 6 iyul 2025 (UTC)[cavabla]

Təşəkkür edirəm dəyərləndirməniz üçün. Qeyd etdiyiniz meyarlara hörmətlə yanaşıram. Lakin qeyd etmək istəyirəm ki, Aytəkin Aslan yalnız fərdi təlimçi deyil — Azərbaycanda ilk dəfə "Oxuma gücləndirmə" proqramını hazırlamış, "Yaddaş texnikaları", "Zehni riyaziyyat", "Beyin xəritələri" kimi sahələrdə metodik təlim proqramları formalaşdırmış və bir çox təhsil təşkilatlarında tətbiq etmiş şəxsdir. Eyni zamanda "Türkiye Kalite Ödülləri 2021" çərçivəsində "İlin mütəxəssisi" adına layiq görülmüşdür ki, bu da beynəlxalq səviyyədə tanınma göstəricisidir.

Həmçinin onun fəaliyyəti yalnız fərdi deyil — "Yaddash Academy" adlı inkişaf mərkəzinin rəhbəri olaraq ölkə daxilində təlimçi təlimləri, TGT-lərlə əməkdaşlıqlar, dövlət layihələrində iştirakı və pedaqoji forumlarda çıxışları ilə geniş ictimai əhatə dairəsinə malikdir.

Məqalədə reklam, subyektiv ifadə yoxdur, yalnız fəaliyyət faktları qeyd olunub. İnanıram ki, bu aspektlər nəzərə alınarsa, VP:ƏSAS meyarlarına uyğunluq daha aydın görünər.

— Aysu Qədirli (müzakirə) 13:52, 6 iyul 2025 (UTC)[cavabla]

Məqalədəki mənbələr həmin kriteriyanın ödənməsi üçün yetərli deyil, sadəcə şəxsin adı keçir və çoxu şəxsin müsahibə/açıqlamalarıdır. Geri qalanı etibarsızdır, son 3 istinadı başa düşmədim, example.com nədir? Bu məqalə keçən il də silinib. Hörmətlə, Qədir (müzakirə) 14:00, 6 iyul 2025 (UTC)[cavabla]

Təşəkkür edirəm, Qədir bəy, “example.com” texniki səhv nəticəsində yerləşdirilmişdi, çıxardım.Əlavə olaraq, daha güclü və etibarlı istinadlar yerləşdirməyə çalışacağam. Sadəcə bildirmək istəyirəm ki,məqalədə subyektiv və ya reklam xarakterli məzmun yoxdur, yalnız faktlara əsaslanan məlumatlardır. Məqalənin daha da təkmilləşdirilməsi üçün çalışacağam. Aysu Qədirli (müzakirə) 14:11, 6 iyul 2025 (UTC)[cavabla]

@Aysu Qədirli   Silinsin: Yeni proqramlar hazırlamaq və ya təlimlər keçmək kifayət etmir. Azərbaycanda oxşar fəaliyyət istiqamətində çox sayda təlimçi və pedaqoq mövcuddur. "Türkiye Kalite Ödülleri" mükafatının ensiklopedik dəyəri şübhə doğurur. Bu tip mükafatlar kommersiya xarakterli tədbirlərdə də verilir. Mükafatın beynəlxalq nüfuzunu sübut edən etibarlı mənbə təqdim olunmayıb. Məqalənin reklam və ya subyektivlik daşıyıb-daşımamasından asılı olmayaraq, meyarlara uyğun gəlmirsə, silinməsi doğru hesab olunur. - Maryidaa (müzakirə) 14:14, 6 iyul 2025 (UTC)[cavabla]

Təşəkkür edirəm dəyərləndirmə üçün. Qeyd etdiyiniz fikirlərlə qismən razıyam və fikirlərinizi anlayıram. Sadəcə, əlavə etmək istəyirəm ki:

- Aytəkin Aslan təkcə təlimçi deyil, həm də ölkədə ilk dəfə tətbiq olunan təlim proqramlarının müəllifidir. Bu proqramlar bəzi universitetlərdə və dövlət layihələrində istifadə olunmuşdur.

- DOST Rəqəmsal İnnovasiyalar Mərkəzi kimi dövlət qurumlarının rəsmi tədbirlərində təlimçi kimi çıxış etməsi onun fəaliyyətinin ictimaiyyət üçün faydalı və tanınan olduğunu göstərir.

- Mükafatlarla bağlı tərəfinizdən qoyulan iradlar haqlıdır. Gələcəkdə bu mükafatın nüfuzunu sübut edən daha konkret istinadlar əlavə etmək üçün araşdırma aparacağam. Məqalə reklam xarakterli deyil, yalnız fəaliyyəti faktlara əsasən təqdim edir, bəli.

Əgər bu mərhələdə silinmə qərarı qəbul olunarsa belə, gələcəkdə daha çox istinad və nüfuzlu mənbələrlə məqaləni təkmilləşdirərək yenidən təqdim etməyi düşünürəm. Hörmətlə Aysu Qədirli (müzakirə) 14:31, 6 iyul 2025 (UTC)[cavabla]

  Cavab: @Aysu Qədirli DOST və ya digər qurumlarda çıxış etmək yetərli deyil. Belə tədbirlərdə çıxış edən şəxslərin çoxu haqqında Vikipediyada məqalə yoxdur. Burada əsas şərt şəxsin geniş tanınıb, ictimaiyyətə təsir etməsidir. Hal-hazırda Azərbaycanda bir çox mütəxəssis yeni proqramlar hazırlayır və həmin proqramlar universitet və ya digər dövlət qurumlarında istifadə olunur. Maryidaa (müzakirə) 15:16, 6 iyul 2025 (UTC)[cavabla]

Hörmətli Maryidaa və digər iştirakçılar,

əvvəlcə vaxt ayırıb fikirlərinizi bildirdiyiniz üçün təşəkkür edirəm.

Məqalədə təqdim etdiyim şəxs barəsində məlumatları əsaslandırmaq üçün əlimdə olan açıq mənbələrdən və rəsmi platformalardan istifadə etmişəm. Əlavə media əhatəsi və ictimai nüfuzun daha dolğun şəkildə görünməsi üçün çalışıram və gələcəkdə bu istiqamətdə məlumatları genişləndirməyə çalışacağam.

Əgər hansısa konkret istinad tələbləri və ya çatışmazlıqlar varsa, məmnuniyyətlə düzəlişlərə açığam. Məqsədim heç bir halda reklam deyil, ictimai fəaliyyət göstərən şəxslə bağlı məlumatı Vikipediya prinsiplərinə uyğun formada təqdim etməkdir.

Hörmətlə, Aysu Qədirli (müzakirə) 15:25, 6 iyul 2025 (UTC)[cavabla]