Vikipediya:Mən bunu bəyənmirəm

Bu səhifə bir essedir. Səhifə vikipediyaçılar üçün məsləhət və rəy xarakteri daşıyır. Vikipediyanın rəsmi prinsiplərindən və qaydalarından biri deyil, eləcə də, vikicəmiyyətin ümumi fikrini əks etdirməyə bilər. Bəzi esselər geniş mövzuları əhatə edir, bəzi esselər isə ancaq spesifik mövzulara toxunur.

VP:MBBVP:MBB

"Mən bunu bəyənmirəm", ya da tam tərsi, "mən belə bəyənirəm", yaxud başqa variantlar, bütün bunlar Vikipediya müzakirələrində istifadə olunacaq arqumentlər deyil.

Ümumiyyətlə, bir kitabda "ticarət hiyləgərliyi" şəklində göstərilən "emosiya məntiqdən üstündür" adlı taktika kimi, danılmaz bir faktla qarşılaşanda ona qarşı emosiyonal reaksiya göstərərək "mən bunu bəyənmirəm" və ya "mənə xoş gəlmir" kimi ifadələr onlarla əsaslı fikri darmadağın edə bilir.

Vikipediyada isə biz əksini etməyi tələb edirik. Emosiyalar məntiqdən üstün deyil. Ensiklopediyanın məqsədi məlumat verməkdir, sizin nəyi "bəyəndiyinizi" ya da "bəyənmədiyinizi" öyrənmək yox. Biz həmin kitabda "oyun" şəklində xarakterizə edilən şeyləri "qazanmağa" çalışmırıq. Vikipediya biznes müqaviləsi deyil. Vikipediya bir ensiklopediyadır. Yaxşı müdafiə edilən əsaslı fikirlər hər vaxt şəxsi və subyektiv mülahizələrə qalib gəlir.

Ümumiyyətlə, bu iki növ arqument "mən bunu bəyənmirəm" və "mən belə bəyənirəm" — çox zəif arqumentlərdir və heç bir ağırlıqları yoxdur. Odur ki, məntiqlə düşünüb fikir bildirin, şəxsi zövqlərinizlə yox!