Vikipediya:Kənd meydanı/Arxiv/Noyabr/2025

Kiçik bir araşdırma nəticəsində məlum oldu ki, xarici ölkələr adından çıxış edərək məhşurlaşan bir sıra əzərbaycan əsilli insanlar var ki, onların vikipediyada səhifələri xarici dillərdə var, ancaq Azərbaycanca yoxdur. Bunların texniki üsullar vasitəsi ilə tərcüməsinə dair bir plan/layihə varmı? Lawyer.F (müzakirə) 06:42, 3 noyabr 2025 (UTC)

@Lawyer.F: Xüsusi:MəzmunTərcüməsi aləti vasitəsilə tərcümə edə bilərsiniz. Hörmətlə, Qədir (müzakirə) 06:48, 3 noyabr 2025 (UTC)

Bir ara bizdə mövzulu ay çərçivəsində Vikidata-Azərbaycanlılar ayı keçirilmişdi. Plan səhifəsində hələ də məqaləsi yaradılmamışlar var. Bildiyim qədərilə bu siyahı manual hazırlanmışdı. Bəlkə indi kiçik bir en:SPARQL sorğusu yaradaraq tam siyahını çıxara bilərəm. Nemoralis (müzakirə) 19:38, 3 noyabr 2025 (UTC)

Yaradılan məqalələrin çoxu SNS-da silinib mən bilən, medal almayıblar deyə --► Hörmətlə: ChanisCaucasi 21:17, 3 noyabr 2025 (UTC)

Əziz vikipediyaçılar, İdarə heyəti olmadığından, bu dəfə sizlərlə məsləhətləşmək və növbəti düşərgəmizə hazırlıq prosesini birlikdə planlaşdırmaq istəyirəm. Düşərgənin Naxçıvanda keçirilməsi planlaşdırılır və əsas məqsəd Naxçıvan gəncləri üçün maarifləndirici və təlim xarakterli fəaliyyət təşkil etməkdir. Bu məqsədlə, Bakıdan yalnız təcrübəli 10 nəfər istifadəçinin iştirakı nəzərdə tutulur. Zəhmət olmasa, bu 10 nəfərin seçilmə meyarları ilə bağlı təkliflərinizi bölüşün. Məsələn, aktivlik, təcrübə səviyyəsi, son aylardakı sayı və ya düşərgə təcrübəsi kimi meyarlar ola bilər. Fikirləriniz önəmlidir. Təşəkkürlər! 🌿 A. Aida88 (müzakirə) 14:34, 25 oktyabr 2025 (UTC)

Salam @A.Aida88 xanım. Düşünürəm ki Azvikidə son 3 aylıq göstəricilərə əsasən seçilməsi daha uyğun olardı aktivliyə görə.— 𖣂︎ QRAF 𖣂︎   (✉ → ♕) 15:47, 25 oktyabr 2025 (UTC)

@Qraf Fikiri ilə həmfikirəm və əlavə olaraq bu düşərgə üçün nəsə əksik detal olduğunu düşünürəm, bu maraqlı hər hansı aktivlik yaxud istifadəçilərin marağını çəkəcək bir detallar ola bilər. Redivy (müzakirə) 22:19, 25 oktyabr 2025 (UTC)

Qeyd etdiyim kimi təkliflərə açığam. Təşkilatçı olaraq təcrübəli vikipediyaçıların fikirləri önəmlidir. A.Aida88 (müzakirə) 14:04, 26 oktyabr 2025 (UTC)

Nəsə dediyiniz əksik detal onu qeyd edin zəhmət olmasa A.Aida88 (müzakirə) 14:05, 26 oktyabr 2025 (UTC)

Nəzərə alarıq A.Aida88 (müzakirə) 14:05, 26 oktyabr 2025 (UTC)

Salam, @A.Aida88 xanım. Düşünürəm ki, seçim zamanı yalnız aktivlik və təcrübə göstəriciləri deyil, həm də liderlik keyfiyyətləri, strateji düşüncə göstəriciləri və məsuliyyət hissi nəzərə alınmalıdır. Düşərgə həm də Vikipediya dəyərlərini nümayiş etdirmək və komanda ruhunu gücləndirmək üçün fürsətdir. Bu baxımdan, maarifləndirici təşəbbüslərdə iştirak etmiş istifadəçilərin seçilməsi həm də tədbirin məhsuldarlığını artırar. ☆Mary☆   ( Müraciət ) 19:47, 26 oktyabr 2025 (UTC)

@A.Aida88, salam. Əvvəla uğurlar. İnanıram ki, həmişəki kimi maraqlı olacaq. Məncə, sizin özünüzün qeyd etdiyiniz bütün məqamlar (aktivlik, təcrübə səviyyəsi, son aylardakı sayı və düşərgə təcrübəsi) hamısı nəzərə alınsa ədalətli və düzgün olar. Bir daha uğurlar. samral ^müzakirə 23:57, 7 noyabr 2025 (UTC)

Salam. Hamıya uğurlar! Naxçıvan və ətrafda iştirakçılardan bol-bol şəkillər çəkib Commonsa yükləməyi xahiş edirəm. :) Zohrab Javad (müzakirə) 11:36, 8 noyabr 2025 (UTC)

salammmm :3

türkiyədə prezident seçkiləri (2023) tipli [bütün] məqalələrin adlarını türkiyədə 2023-cü il prezident seçkiləri formasına salmaq kimi küfr bir iş görmək, amma elə də kiçikhəcmli bir dəyişiklik olmadığı (onlarla səhifəyə təsir edəcəyi) üçün də fikrinizi bilmək istəyirəm :3 əkrəm. 11:25, 29 oktyabr 2025 (UTC)

Niyə məhz həmin format? Nə kimi üstünlüyü var? Sousou no Frieren 11:56, 29 oktyabr 2025 (UTC)

Mən şəxsən seçki məqaləsi axtarsam axtarış qutusuna birinci "Türkiyədə prezident seçkiləri" yazaram. İl niyə ortada olmalıdır ki? Nemoralis (müzakirə) 13:10, 29 oktyabr 2025 (UTC)

elə də inqilabi bir səbəbi yoxdur, əslində, sadəcə adın «oxuna bilənliyini» yaxşılaşdırmaq üçün — mənə elə gəlir ki, mən deyən variant daha –bilmirəm, tam dəqiq necə izah eləyim, amma– «flowing» səslənir :3 (cc: @White Demon) əkrəm. 14:12, 29 oktyabr 2025 (UTC)

Əkrəm, həmin versiya bizim dilə uyuşmur. Belə baxanda, Azərbaycan dilində, məsələn, "2023-cü ildə Türkiyə Respublikasında prezident seçkiləri" olsun. Uyğun gəlmir amma adlandırma standartlarına. Biz ruslardan götürmüşük, amma yaxşı düşünüblər onlar --► Hörmətlə: ChanisCaucasi 18:13, 1 noyabr 2025 (UTC)

Əslində deyil. Oradakı mötərizəli il dəqiqləşdirmə mahiyyəti daşıyır. Lakin mövzu sadəcə "X ölkəsində prezident seçkiləri" deyil. Konkret mövzu var və il qeyd edilməlidir. Hörmətlə, Qədir (müzakirə) 18:15, 1 noyabr 2025 (UTC)

idk, mənə normal səslənir türkiyədə iki min iyirmi üçüncü il prezident seçkiləri zamanı yenidən qələbə qazanan prezident demək, amma elə də güclü dəstək tapmadığı üçün dirəşməyəcəm; eybi yox, qalsın hazırkı adlanma :P əkrəm. 23:29, 6 noyabr 2025 (UTC)

Təklifin özü texniki həll baxımdan qənaətbəxş görünür. Məncə dəstəklənmlidir. Ancaq, bir məsələni də diqqətə almalıyıq: bu məlumatlar nə qədər Azərbcaycandilli istifadəçi üçün maraqlı və yararlı olacaq? yəni, çoxsaylı məqalələr yaratsaq, sonra da oxucusu olmasa, o zəhmətin faydası varmı deyə düşünməyinə dəyər. Bəzən oxşar mlumatıarın bir məqalədə, hətta cədvəl şəklində, toplanması daha efektiv olur, daha çox oxucu cəlb edir. Ona görə, özünüz tərəfindən sözügedən riskləri bir daha təhlil etməyiniz təklif olunur. Lawyer.F (müzakirə) 06:50, 3 noyabr 2025 (UTC)

@Lawyer.F, deyəsən, tam aydın yazmamışam yuxarıda; söhbət yeni seçkimövzulu məqalələrin yaradılmasından yox, hal-hazırda mövcud olanlarının kütləvi addəyişmə prosesindən keçirilməsindən gedir :3 əkrəm. 23:24, 6 noyabr 2025 (UTC)

Əksər rayonların, şəhər/qəsəbə/kənlərin məqalələrindəki şablonlarda onların aid olduqları iqtisadi rayon göstərilməyib. Bəzilərinin məqalələrində aid olduqları inzibati rayon "region" qrafasında göstərilib, halbu ki, həmin şablonlarda aryıca "rayon" qrafası da var və yerləşdiyi yerdən asılı olaraq, görünür ki, burada söhbət inzibatı rayondan gedir.

Mahiyyət etibarı ilə "region" qrafası "rayon" qrafasından daha əvvəl gəir və daha böyük ərazini əhatə etdiyi düşünülür, təklif edilir ki, bütün hallarda "region" qrafasında şəhərin/qəsəbənin/kəndin aid olduğu iqtisadi rayon, "rayon" qrafasında isə inzibati rayon göstərilsin. Lawyer.F (müzakirə) 07:12, 3 noyabr 2025 (UTC)

@Lawyer.F, hələ yaxşı olardı ki inzibati ərazi dairəsi də qeyd olunsun. Fikrimcə, sıra belə olmalıdır: ölkə, iqtisadi rayon (məncə, yaxşı olardı ki, region yox, iqtisadi rayon olsun), rayon/şəhər (hansı uyğundursa), bələdiyyə, şəhər/qəsəbə/kənd (hansı uyğundursa) inzibati ərazi dairəsi. Zohrab Javad (müzakirə) 13:50, 3 noyabr 2025 (UTC)

Salam. İnzibati ərazi dairələri inzibati ərazi vahidlərindən daha böyük mənfum olduğna görə (adətən bir dairə bir neçə vahidi əhatə edir), onlar statistik sıralanmaya görə bələdiyyələrdən sonra, şəhər/qəsəbə/kənd-dən əvvəl yazılır. Şablonlarda mən işlədiyim məqalələrdə bələdəyyələri qeyd etmişəm. Amma, onu qeyd edədən sonra inzibati ərazi dairəsini qeyd etməyə qrafa tapılmır. Yaxşı olardı ki, bu məsələ texniki səviyyədə həll olunsun: şablonlara düzəliş edilsin Lawyer.F (müzakirə) 05:13, 4 noyabr 2025 (UTC)

@Lawyer.F, şablon parametrinin adı necə olmalıdır deyin, əlavə edim. Yəqin ki {{YM}} şablonunu deyirsiniz. Nemoralis (müzakirə) 05:52, 5 noyabr 2025 (UTC)

Salam. Həmin şablona aşağıdakı əlavələrin edilməsini xahiş edərdik: Bələdiyyə, İnzibati ərazi dairəsi, Mərkəzi Lawyer.F (müzakirə) 06:20, 5 noyabr 2025 (UTC)

@Lawyer.F, @Nemoralis, məncə hətda təkcə İnzibati ərazi dairəsi kifayət deyil, imkan olmalıdır ki oraya kənd inzibati ərazi dairəsi, qəsəbə inzibati ərazi dairəsi və şəhər inzibati ərazi dairəsi elavə edilə bilinsin. Zohrab Javad (müzakirə) 17:08, 7 noyabr 2025 (UTC)

+ "İqtisadi rayon" ayrıca görünsə daha yaxşı olar. Lawyer.F (müzakirə) 06:31, 5 noyabr 2025 (UTC)

• Məncə, şəhər (rayon tabeli), ŞTQ, qəsəbə və kəndlərdə birbaşa iqtisadi rayonu göstərməyə ehtiyac yoxdur. Təkcə rayonun adının olması kifayətdir. Rayonun səhifəsində isə iqtisadi rayon göstərilə bilər. Bu, Rusiya kəndləri məqalələrində hər dəfə rayon, vilayət, diyar yazmağa bənzəyir. Məlumat qutusu məlumatları kompakt şəkildə verməlidir. — Toghrul R (m) 14:44, 7 noyabr 2025 (UTC)

Rusiyada kodlaşdirma daha təkmil və populyar olduğuna görə, onlar hər kənz üzrə kəndin aid olduğu kodları qeyd edirlər. Geniş ictimaiyyət o kodlarla istiqamət tuta bilir. bizdə isə mənzərə fərqlidir. ona görə hər kənd üzrə də iqtisadi rayonların qeyd olunması təklif edilib. Lawyer.F (müzakirə) 13:16, 8 noyabr 2025 (UTC)

Bu müzakirə Müzakirə:Monteneqro#Monteneqro -> Qaradağ səhifəsinə köçürülmüşdür. Hörmətlə, Qədir (müzakirə) 23:29, 10 noyabr 2025 (UTC)

Salam. Mövqeyinizə ehtiyac var. Belə ki, bu şəxsi Zəhəbi "Şeyx-İmam" adlandırıb və bioqrafiyasına öz əsərində yer verib. Bu şəxs haqqında Azərbaycanlı elm adamı kimi məqalə yaratmağa ehtiyac varmı? Qeyd edim ki, digər dillərdə bu şəxs haqqında məqalə yoxdur. كتب محمد (müzakirə) 10:35, 4 noyabr 2025 (UTC)

Baxır mənbələrə. Hörmətlə, Qədir (müzakirə) 10:52, 4 noyabr 2025 (UTC)

Əgər ensiklopedik şəxsdirsə əlbəttə olmalıdır. Digər vikilər bu haalda maraqlı deyil. Araz Yaquboglu (müzakirə) 07:09, 5 noyabr 2025 (UTC)

Bu şəxs haqqında maraqlı məqamların bəziləri bunlardır:

• Fəxrəddin Razinin tələbəsi olub.
• Qiraət ilə hədis nəql edib.
• Yəmənlilərə dərs deyib.

Bir məsələ var ki, yanlızca Zəhəbidə məlumat var.

Ayrıca məqalə yaratmayıb, Fəxrəddin Razinin tələbələri sırasına əlavə edib, haqqında məlumatlar qeyd etmək də olar. كتب محمد (müzakirə) 17:24, 6 noyabr 2025 (UTC)