Vikipediya:Kənd meydanı/Arxiv/Avqust/2025

Salam. Yəqin ki, bunu tək müşahidə edən mən deyiləm. Bizdə tez-tez yeni (və ya az si olan) istifadəçilər tərəfindən əsasən Səfəvilər, Ağqoyunlular, Osmanlı kimi dövlətlərin iştirak etdiyi müharibələr barədə məqalələr yazılır. Bu məqalələrin hamısında ortaq bir şey var, heç biri digər vikilərdə mövcud olmur, mənbələr kasad olur, sadəcə kitabın/məqalənin adı qeyd olunur, səhifə qeyd olunmur. Mən şəxsən bu məqalələrdəki məlumatların etibarlılığından şübhəliyəm. Aşağıda bəzi məqalələri yerləşdirəcəm, bu mövzunu məncə diqqətdə saxlamalıyıq. Xüsusilə tarixlə maraqlanan istifadəçilər (@Turkmen, @En Merker, @Qızılbaş) fikir bildirsə yaxşı olar.

• Oğuzların Peçeneqlərə qarşı yürüşü - Süni intellektlə yazılmışa oxşayır, məqaləni yaradan istifadəçi sadəcə bu məqalə üçün qeydiyyatdan keçmişə oxşayır, başqa fəaliyyəti olmayıb.
• Çepni türklərin Bizansa qarşı döyüşü - Məzmunun strukturu yuxarıdakı məqaləyə oxşayır.
• Volqa döyüşü (985) - Eyni struktur
• Hörmüz üsyanı (1519-1522)

Nemoralis (müzakirə) 14:56, 28 iyul 2025 (UTC)

Ən əsası məqalələr "yoxlanıla bilən" deyil. Turkmen ^müzakirə 15:03, 28 iyul 2025 (UTC)

Bəlkə də istifadəçilərin əlaqələri yoxdu amma məzmun süni intellektə çox oxşuyur. Mənbələr real görünür, tapmaq olar, amma yoxlamaq lazımdı. Ola bilər ki, tərəfli məzmundu — Bikar ^müzakirə 15:54, 28 iyul 2025 (UTC)

Bir neçə il əvvəl çincə vikipediyada bir istifadəçi Rusiya haqqında uydurma məqalələr yazırdı. Bu da belə bir şey çıxmasa yaxşıdır. Sousou no Frieren 18:12, 28 iyul 2025 (UTC)

Məsələn, bir məqalədə mənbə kimi "The Empire of Trebizond and the Turks" kitabı göstərilib. Amma axtaranda nə kitabı tapıram, nə müəllifini. Sousou no Frieren 18:14, 28 iyul 2025 (UTC)

Həmin kitabın müəllifini axtarışa verdikdə Google ümumiyyətlə heç nə çıxartmır. Nemoralis (müzakirə) 18:17, 28 iyul 2025 (UTC)

Böyük ehtimal ki, gpt tərcümə edəndə dəyişiklik edib ona görə tapılmır — Bikar ^müzakirə 18:31, 28 iyul 2025 (UTC)

Ən yaxşısı, bu məqalələri Qaralama ad fazasına keçirməkdir hələlik. Sousou no Frieren 18:39, 28 iyul 2025 (UTC)

Razıyam — Bikar ^müzakirə 18:40, 28 iyul 2025 (UTC)

Mən də ondan şübhələnirəm. Bundan təsirlənib belə bir mem hazırlayıblar, bəlkə də bu fəaliyyətlər bu memin təsiridir. Nemoralis (müzakirə) 18:16, 28 iyul 2025 (UTC)

Metada təftişçilərə müraciət etdim. Hörmətlə, Qədir (müzakirə) 22:23, 28 iyul 2025 (UTC)

bəli, mən də eyni qaydada hər birinin silinməsinin tərəfdarıyam. o halda ki, həmin döyüşün tarixdə ümumiyyətlə olub-olmaması barədə bir məlumatımız yoxdur. məqalədə qeyd olunan mənbələrin əlçatan olmaması və yeni, təcrübəsiz istifadəçilər tərəfindən yaradılması şübhələri əsaslı edir. Atakhanli (müzakirə) 05:42, 29 iyul 2025 (UTC)

Oğuzların Peçeneqlərə qarşı yürüşü və Çepni türklərin Bizansa qarşı döyüşü (Bizansa yox, Trabzon İmperiyasına) bunlar tarixən olmuş şeylərdir. Düzdür ensiklopedik olmaları şübhəlidir, çünki uzunmüddətli xırda toqquşmalardan söhbət gedir. Hansısa bir tarixdə başlamış və bitmiş hərbi əməliyyatlardan danışmaq olmur. İkincisi ilə bağlı məsələn Şeyx Cüneyd məqaləsində də xırda detallar var. Volqa döyüşü açıq mistifikasiyaya oxşayır. Qeyd olunan tarixdə həmin dövlətlər mövcud olmamışdır. --NKO ^zi 05:50, 29 iyul 2025 (UTC)

•   Şərh: Məqalələri yaradılan tarixi hadisələr olmuş hadisələrdir, lakin bu hadisələr haqda tarixi mənbələr çox kasaddır. Bəzən peşəkar tarixçi yox, həvəskarlar yazdığı əsərlərdə bu haqda məlumatlar verilir. məqalələrə nəzər yetirdim təəssüfki, onlarda da mənbə azlığı mövcuddur. --Tarixi Nadir (müzakirə) 07:53, 31 iyul 2025 (UTC)

• Metadakı təftişin nəticələri: Əlavə hesablar aşkar edilmədi. Əlavə olaraq, Theazerbaijanisafavist24 adlı istifadəçi uzunmüddətli sui-istifadə səbəbilə artıq qlobal bloklanıb; The Azeribaijan və əsas hesabı olan Nuraddin historys13 adlı istifadəçinin kukla hesabı kimi. Səbəb kimi də çoxsaylı hesabdan sui-istifadə etməkdən başqa vandalizm və saxtakarlıq qeyd olunub. Hörmətlə, Qədir (müzakirə) 13:10, 2 avqust 2025 (UTC)

• Yekun: Oğuzların Peçeneqlərə qarşı yürüşü və Volqa döyüşü (985) məqalələri yoxlanıla bilmənin mümkün olmaması və açıq orjinal tədqiqat məzmunu olduğu üçün silindi. Çepni türklərin Bizansa qarşı döyüşü məqaləsi VP:SK pozuntuları ehtiva etdiyi üçün VP:M9 ilə silindi, həmçinin məqalə adı ilə məzmunu arasında ciddi fərq var. Hörmüz üsyanı (1519-1522) məqaləsində isə qrammatik problemlər olduğu üçün VP:M2 ilə silindi. Bu məqalənin müəllifi isə eyniadlı məqaləni en-vikidə yaradıb və məqalə orada da silinib, müəllifin hesabına qlobal kilid təyin edilib. Digər müəlliflərə isə məlumat verildi.--Turkmen ^müzakirə 07:57, 11 avqust 2025 (UTC)

Bəzi məqalələrdə "de" artikli transfoneliterasiya edilərək "dö", "do" şəklində yazılıb. Məsələn, Dö-Sevr, Dö-Şez, Antr-dö-Qye, Pən dö mi, Antuan İzaak Silvestr dö Sasi, Şarl dö Qoll meydanı, Jozef do Gini. Dilimizin norma və qaydalarına əsasən "de" artikli olduğu kimi qalır. Ən məşhur nümunələrdə olduğu kimi: Şarl de Qoll, Gi de Mopassan, Tur de Frans və s. Bir baxarsınız. Yousiphh (müzakirə) 11:06, 9 avqust 2025 (UTC)

Məsələn Dö-Sevr məqaləsi 2018-ci ildə yaradılıb. 2012-ci ildə isə azərbaycandilli mənbədə artıq Dö-Sevr olaraq istifadə olunub. İndiki halda biz bu Dö-nün qarşısını çoxsaylı De- olan mənbələr qoymalıyıq, olar da yoxdu. + bu gün vikidə Dö- yazılması gələcəkdə mənbələrdə də yenə Dö- yazılmasına səbəb olacaq və beləcə sonsuz döngü. Digərləri ilə bağlı mənbə yoxdursa, de olaraq dəyişdirilməsinə razıyam. — Bikar ^müzakirə 12:16, 9 avqust 2025 (UTC)

Azərbaycandilli mənbələrin də, kitabların da vəziyyəti ortadadır. Ümumiyyətlə, bəzi məsələləri istisna edib özümüz müvafiq qərarlar qəbul edə bilərik məncə. Əgər spesifik olaraq çox geniş yayılmış səhv deyilsə. Bu mövzuda: məncə konsensus qəbul edib dəyişmək olar. Qaydalara və tələffüzə (tələffüzü "də" şəklindədir (yumşaq ə)) uyğun olaraq "de" şəklində dəyişdirmək olar. Fransız dilində regionlara görə "e" hərfi "ö" və ya "o" kimi də səslənə bilir. Həmçinin, çox vaxt mənbələr elə Vikipediyadan baxıb yazırlar, bunu da nəzərə alaq. Digər xətalı formalardan istiqamətləndirmələr vermək lazımdırmı bilmirəm, amma geniş yayılmış mövzular üçün buna ehtiyac yarana bilər. Bu mövzuda Əkrəm, Мурад 97, White Demon kimi istifadəçilərin fikirləri maraqlı olar. Hörmətlə, Qədir (müzakirə) 20:02, 10 avqust 2025 (UTC)

ingiliscə və fransızca vikilüğətlərə əsasən artikl d kimi oxunur (ətraflı); məsələn, şağl d qol kimi. transkripsiya-zad məsələsini də ruslardan копировать eləyirik deyə de kimi yazılmalıdır; ö tələffüzü ilə bağlı məlumatım, ümumiyyətlə, yoxdur :3 əkrəm. 22:53, 10 avqust 2025 (UTC)

Bura nəzər yetirə bilərsən. Ümumiyyətlə, tələffüzdə "ə" olanları olduğu kimi yazırıq deyə bilirəm. "D" onsuz da "dı" yox, "de" kimi oxunur :3 Hörmətlə, Qədir (müzakirə) 23:20, 10 avqust 2025 (UTC)

səsyazmalar, məncə, ö deyil, qeyd etdiyim orta mərkəzi saitdir. «d» kimi oxunur deyəndə də hərfin adını yox, ifadə daxilində gələndə necə oxumağımızı nəzərdə tuturdum; yəni, məsələn, haradasa şağl d qol görsək, dı kimi oxuyacağıq, onu demək istəyirəm :3 əkrəm. 23:31, 10 avqust 2025 (UTC)

@Qədir Antuan İzaak Silvestr de Sasi səhifəsini Antuan İsaak Silvestr de Sasi edə bilərsiniz? İsaak niyə İzaak olub? Yousiphh (müzakirə) 08:23, 11 avqust 2025 (UTC)

@Yousiphh, ingilis dilindən "İsaak" kimi transliterasiya olunur bu ad. Amma transkripsiyası "Ayzək" (Ayzek) şəklindədir. Fransız dilində tələffüzü "İzaak" kimidir, amma "İsaak" yazıla bilər. Demək olar ki digər məqalələrdə "İsaak" yazılıb. Hörmətlə, Qədir (müzakirə) 19:04, 11 avqust 2025 (UTC)

@Yousiphh, @Qədir, @Bikar, "Dö-Sevr", "Dö-Şez" kimi yer adlarındakı "dö" artikl deyil axı. Fransızca "iki" deməkdir, "deux" yazılır. Şarl de Qollun adındakı "de" isə mənsubiyyət və ya soy bildirən hissəcikdir, artikl deyil. Onun yazılışı fərqlidir, elə "de" yazılır, "deux"dən fərqlidir. Bunları niyə bir-birinə qarışdırırsız? Sousou no Frieren 00:11, 11 avqust 2025 (UTC)

Artikl olmayıb mənsubiyyət hissəciyi olduğunun fərqindəyəm. Mənim fikrim onsuz da hissəcik barədə idi, götürüb bəzilərinə "dö" ya da "do" yazıblar. Özüm də Antuan İzaak Silvestr de Sasi məqaləsində bu səhvi etmişdim və artıq düzəltmişəm. Hörmətlə, Qədir (müzakirə) 00:22, 11 avqust 2025 (UTC)

Həmin iki ada fikir verməmişdim. Düzəliş üçün təşəkkürlər. Yuxarıdakı yazılanlara isə bildirmək istəyirəm ki, artikl olduğu kimi qalmalıdır. Yousiphh (müzakirə) 05:47, 11 avqust 2025 (UTC)

Dili bilməyəndə, olur. Deməli mənsubiyyət olanların hamısını keçirik de-yə, bir dənə qalır Pən dö mi, onun da istinadları elə vikipediya özüdü, onu da dəyişmək olar. — Bikar ^müzakirə 06:27, 11 avqust 2025 (UTC)

Həmin səhifə ümumiyyətlə sürətli silinməlidir. Yousiphh (müzakirə) 08:21, 11 avqust 2025 (UTC)

Bikar "ə" olmamalıdır orada --► Hörmətlə: ChanisCaucasi 19:56, 14 avqust 2025 (UTC)

Artıq 1 aya yaxın vaxt keçir. İnzibatçılardan kimsə düzəliş edə bilər (Antuan İzaak Silvestr de Sasi artıq edilib, sadəcə İzaak, İsaak olmalıdır):

Şarl dö Qoll meydanı — Şarl de Qoll meydanı

Jozef do Gini — Jozef de Gini (bu məqalə ümumiyyətlə məzmunsuz olduğuna görə sürətli silinməlidir)

Pən dö mi — Pən de mi Yousiphh (müzakirə) 22:13, 8 sentyabr 2025 (UTC)

 Y Hamısı həll edildi və başlıq yekunlaşdırıldı. Hörmətlə, Qədir (müzakirə) 17:35, 13 sentyabr 2025 (UTC)