Vikipediya:Hücum səhifəsi

Qayda səsvermə nəticəsində qəbul edilmişdir.

• Səsvermə müddəti: 21 dekabr — 28 dekabr 2024
• Qüvvədədir: 28 dekabr 2024-cü ildən

• VP:HÜCUMVP:HÜCUM
• VP:HSVP:HS

Bu səhifə Vikipediyanın rəsmi prinsiplərindən biridir. Səhifənin məzmunu bütün vikipediyaçılar tərəfindən eyni dərəcədə riayət edilməsi tələb olunan qaydalardan ibarətdir. Səhifədə etmədən öncə bu dəyişikliklərin vikipediyaçılar tərəfindən dəstəkləndiyindən əmin olun. Düzgün hesab etmədiyiniz məqam varsa, səhifənin müzakirə səhifəsində bunu aydın şəkildə ifadə edin.

Səhifənin qısa məzmunu: Mövzunu pisləyən, ona qarşı təhqir və təhdid ehtiva edən, həmçinin mənbəsiz, yaxud zəif mənbələrə söykənən məqalə və səhifələr yaratmayın.

Hücum səhifəsi — hər hansı bir ad fəzasında, əsasən mövzunu, və ya bioqrafik materialı pisləmək, ləkələmək, və ya təhdid etməyi ehtiva edən səhifə. Buraya tamamilə mənfi tərzdə yazılmış mənbəsiz, eləcə də kifayət qədər inandırıcı mənbəsi olmayan bioqrafiyalar və digər səhifələr daxildir. Sürətli silmə kriteriyalarına uyğun olaraq bu növ səhifələr dərhal silinə bilər. Bu növ səhifələri aşkarladıqdan sonra silinmələri üçün {{sil|ü10}} şəklində etiketləyin. Həmçinin bu növ səhifələr gizlədicilər tərəfindən də silinə bilər.

Səhifələri etiketlədikdən sonra Kateqoriya:Sürətli silinəcək səhifələr səhifəsinə silinməsi üçün əlavə olunacaq.

Məqalənin mövzusu diqqətəlayiqdirsə, lakin mövcud səhifə əsasən mövzuya, və ya yaşayan şəxsə qarşı hücumlardan ibarətdirsə və tarixçədə geri qaytarılacaq neytral versiyası yoxdursa, bu vaxt bu səhifə silinməli və qaralama şəklində yenidən tərtib edilməlidir. Bu, səhifənin yaşayan şəxs barədə bioqrafik materialların ehtiva etdiyi vaxtlarda xüsusilə vacibdir.

Sürətli silinməyə uyğun səhifələr əsas ad fəzasının daxilində (yəni, həm məqalə ola bilər, həm də digər səhifələr), həm də xaricində ola bilər. Bununla yanaşı, bu proses adətən müzakirə və müraciətlərə tətbiq edilmir (baxmayaraq ki, bu proseslərin etibarsız və ya pisniyyətli sorğuların silinməsi üçün öz təlimatları var). Digər tərəfdən, istifadəçi məkanınızda "düşmənlərin siyahısı" və ya "İstifadəçi:XXX istifadəçisinin gördüyü pis işlərin siyahısı" kimi siyahılar tutmaq nə konstruktiv, nə də uyğun deyil. Nəzərə alın ki, mübahisəni həll etməyin yolu kiminsə üzərində tapa biləcəyiniz bütün çirkinlikləri bir araya gətirib siyahı tərtib etmək deyil.