Vikipediya:Həftənin seçilmiş məqaləsi/avqust 2025

Həftənin seçilmiş məqaləsi arxivi

2025: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2024: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2023: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2022: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2021: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2020: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2019: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2018: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2017: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2016: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2015: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2014: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2013: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2012: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

2011: Yanvar – Fevral – Mart – Aprel – May – İyun – İyul – Avqust – Sentyabr – Oktyabr – Noyabr – Dekabr

Bu gün 16 avqust 2025, Şənbə (İlin 33. həftəsi); bu an saat 18:14 (UTC)
(yenilə) Keşi təmizlə

31. Həftə

"Olimpiya" (Mane) — Fransa rəssamı Eduard Manenin 1863-cü ildə tamamladığı rəsm əsəri. Realizm cərəyanının nümunəsi olan əsər hal-hazırda Parisdə yerləşən Orse muzeyində sərgilənir. Tablo ilk dəfə 1865-ci ildə Paris Salonunda rəssamın digər əsəri olan "Əsgərlər tərəfindən xor baxılan İsa" rəsmi ilə birlikdə sərgiləndiyində böyük bir qalmaqala səbəb olmuşdur. Əsərdə fahişə olduğu təəssüratı oyandıran çılpaq ağ bir qadın üzərində yastıqlar olan bir yatağa uzanmış halda təsvir edilmişdir. Qadına əlində bir buket çiçək tutan zənci bir xidmətçi və qara pişik yoldaşlıq edir. Mane klassik tabloların əksinə, heç bir əlavə fikir ehtiva etməyən gerçək bir çılpaq çəkmişdir. Dövrün tamaşaçıları və tənqidçiləri bir tanrı yerinə fahişənin mövzu edildiyi, kəskin ana xətlərə və təzad ehtiva edən sərt rənglərə sahib rəsm əsəri ilə qarşılaşdıqda çox təəccüblənmişdirlər. Rəsmdə təsvir edilən qadının izləyənlərə utanmazca baxması, işığın qadının solğun bədəninə və üzərində yatdığı atlaz ədyallarda əks olunması maraq çəkmişdir.

(Davamı...)

bax – müzakirə et – et – tarixçə

32. Həftə

Xetaq Qazyumov (d. 24 aprel 1981) — 2003–2007-ci illərdə Rusiyanı, 2007–2016-cı illərdə isə Azərbaycanı təmsil edən sərbəst güləşçi, güləş mütəxəssisi. Xetaq Qazyumov 2008-ci ildə Çində baş tutan XXIX Yay Olimpiya Oyunlarında və 2012-ci ildə Birləşmiş Krallıqda baş tutan XXX Yay Olimpiya Oyunlarında bürünc medallara, 2016-cı ildə Braziliyada baş tutan XXXI Yay Olimpiya Oyunlarında isə gümüş medala sahib olub.

2010-cu ildə Rusiyada Dünya Çempionatının qalibi olan Xetaq Qazyumov, üç dəfə (2009, 2013 və 2014) Dünya Çempionatlarının final görüşlərində məğlub olaraq gümüş medallara sahib olub. 2015-ci ildə I Avropa Oyunlarının da qalibi olan Xetaq Qazyumov, 2009, 2010 və 2011-ci illərdə ardıcıl üç dəfə Avropa Çempionatının qızıl medalını qazanıb.

Karyerası ərzində 34 beynəlxalq turnirdə mübarizə aparan Xetaq Qazyumov, onların 21-də qızıl, 7-də gümüş, 6-da isə bürünc medala sahib olub.

(Davamı...)

bax – müzakirə et – et – tarixçə

33. Həftə

Məhəmmədrəsul Məcidov — 2011–2017-ci illərdə Azərbaycan yığmasının heyətində çıxış edən boksçu. Məhəmmədrəsul Məcidov 2012-ci ildə Birləşmiş Krallığın London şəhərində baş tutan XXX Yay Olimpiya Oyunlarının bürünc medalına sahib olub.

Məhəmmədrəsul Məcidov üç dəfə Dünya Çempionatının qalibi olan 14 idmançıdan biridir. Məhəmmədrəsul Məcidov birinci dəfə 2011-ci ildə baş tutan turnirin final görüşündə İngiltərə nümayəndəsi Entoni Coşua üzərində qələbə qazanaraq Dünya Çempionatının qalibi oldu. Daha sonra o, 2013-cü ildə Almatı şəhərində turnirin final görüşündə Qazaxıstan təmsilçisi İvan Dıçxoya qalib gəldi və çempionatın qızıl medalına sahibi oldu. 2 il sonra Doha şəhərində baş tutan turnirdə zədə səbəbindən mübarizə apara bilməyən Məhəmmədrəsul Məcidov, 2017-ci ildə Hamburq şəhərində baş tutan turnirin həlledici görüşündə Qazaxıstan nümayəndəsi Qamşıbəy Qunqabayevdən üstün olaraq üçüncü dəfə Dünya Çempionatının qalibi oldu.

(Davamı...)

Arxiv – Digər seçilmiş məqalələr...

bax – müzakirə et – et – tarixçə

34. Həftə

Elxanilər dövləti — Monqol imperiyasının uluslarından biri kimi yaranmış və daha sonra onun cənub-qərb hissəsində müstəqilləşmiş tarixi dövlət. Dövlətin əsası 1256-cı ildə Hülakü xan tərəfindən qoyulmuşdur. Ərazisi müasir İran, İraq, Azərbaycan, Ermənistan, Türkiyənin mərkəzi və şərq hissələri, Əfqanıstan, müəyyən dövrlərdə Pakistanın bəzi hissələrini və Türkmənistanı əhatə edirdi.

Elxanilər dövlətinin yaranması üçün zəmin Çingiz xan dövründən etibarən, Xarəzmə monqol hücumundan sonra formalaşmağa başlamışdı. Lakin onun nəvəsi Hülakü xanın dövründə Elxanilər müstəqil və real bir dövlətə çevrilmişdi. 1259-cu ildə Monqol imperiyasının parçalanması ilə Elxanilər dövləti faktiki olaraq müstəqilləşdi. Buna baxmayaraq, onun hökmdarları hələ də Xanbalıqdakı böyük xaqana sədaqət göstərməyə davam edirdilər. Onlar özlərinə "ilxan" və ya "elxan" titulunu götürmüşdülər ki, bu da "kiçik xan" və ya "tabe olan xan" mənasına gəlirdi. Bu da onların rəsmi olmasa da, nominal asılılıq vəziyyətini göstərirdi.

(Davamı...)

Arxiv – Digər seçilmiş məqalələr...

bax – müzakirə et – et – tarixçə