Vikipediya:Bilirsinizmi namizədləri
Ana səhifənin "Bilirsinizmi" bölməsi vikipediya məqalələrində yer alan maraqlı faktları oxucularla tanış etmək, beləcə, həmin məqalərə diqqət çəkmək məqsədi daşıyır. Hər həftə üçün nəzərdə tutulmuş "Bilirsinizmi" paketində 5 fakt olmalıdır. Bu səhifə "Bilirsinizmi" bölməsi üçün fakt namizədliklərini koordinasiya etmək və bölməyə marağı artırmaq üçün nəzərdə tutulmuşdur. Əgər layihə ilə bağlı hansısa təklifləriniz varsa, zəhmət olmasa, bunu açıq şəkildə müzakirə səhifəsində qeyd edin. Arxivlərə buradan baxa bilərsiniz.
- Faktın yer aldığı məqalə(lər) vikiləşdirilmiş olmalı, məlumatları istinadlı olmalı və ən az 2000 bayt ölçüsündə (istinadları, cədvəlləri, siyahıları, şablon başlıqlarını çıxmaqla) olmalıdır.
- Fakt əlaqəli məqalələrin içərisində etibarlı bir mənbə ilə göstərilməlidir, yəni mütləq istinadlı olmalıdır.
- Fakt oxucuda maraq oyadan, diqqəti cəlb edən, maraqlı bir məlumat ehtiva etməlidir. Standart məlumatlar (Bakı Azərbaycanın ən böyük şəhəri və paytaxtıdır, "Koroğlu" operasının müəllifi Üzeyir Hacıbəyovdur) bilirsinizmi bölməsində verilməməlidir. Şablon faktlardan çəkinilməlidir.
- Fakt dəqiq və tez bir zamanda dəyişməyən bir məlumat ehtiva etməlidir.
- Fakt sadəcə bir cümlə şəklində verilməli, aydın və cəlbedici formada yazılmalıdır.
- Fakt cümləsində yer aldığı məqalələrin adları qalın şriftlə verilməli və həmin məqalələrə keçidlər verilməlidir.
- Əsas məqaləyə (bəzi hallarda birdən artıq məqalə ola bilər) olan keçidlərdə şəkilçilər də qalın verilməlidir, digər keçidlər də bu formada, bitişik olmalı, şəkilçilər boş qalmamalıdır.
- Cümlənin uzunluğu 200 simvoldan (boşluqlar daxil) çox olmamalıdır (keçidlər daxil deyil).
- Fakt cümləsi tərəfsiz yazılmalıdır.
- Fakt cümləsi parafraz edilə bilər, oxucunun diqqətini cəlb edəcək formada yazıla bilər.
- Hər sözə keçid verməyin, keçidlərin doğruluğundan və vacib mövzulara keçidlər verildiyindən əmin olun.
- Məqalə personaj və ya uydurma haqqındadırsa, cümlə real dünyaya uyğun şəkildə verilməlidir.
- Faktların yer aldığı əsas məqalənin/məqalələrin müzakirə səhifəsində bu barədə qeyd yerləşdirilir.
Bilirsinizmi bölməsindəki şəkil:
- Azad lisenziyalı olmalıdır.
- Məqalədə olmalı və fakt cümləsinə uyğun olmalıdır.
- Ölçüsü 130px-dən çox olmamalıdır.
- Fotonun aid olduğu fakt cümləsinin içərisində "(şəkildə)" yazısı qoyulmalı, alt yazısı ilə göstərilməlidir. Həmin fakt bölmədə ilk fakt kimi verilməlidir.
- Faktdan asılı olaraq səs və videofayllardan da istifadə oluna bilər.
| Kod | Nəticə | |
|---|---|---|
| {{Şablon:İstifadəçi Bilirsinizmi sayı|5}} |
 Bu istifadəçi 5 Bilirsinizmi faktı təqdim edib. |
İstifadəsi |
| {{Şablon:İstifadəçi Bilirsinizmi|9}} |
 Bu istifadəçi tərəfindən yazılmış və ya genişləndirilmiş 9 məqalə Bilirsinizmi bölməsində yer almışdır. |
İstifadəsi |
- Qeydiyyatdan keçmiş hər bir istifadəçi yuxarıdakı kriteriyalara əsasında faktlar təqdim edə bilər.
- Müəyyən bir ölkə və ya mövzuya fokuslanmaqdan çəkinin. Fərqli mövzularda faktlar təqdim etməyə çalışın.
- Fakt təqdim edərkən tərəfsiz olun, yaşayan şəxslər haqqında məqalələrə həssaslıqla yanaşın.
- Artıq Ana səhifədə görünmüş təkrar faktlar əlavə etməyin.
- Faktlara fikir bildirərkən tərəfsiz şəkildə mövzunun əhəmiyyətini və faktın vəziyyətini nəzərə alın, mövzuya olan yanaşmalarınıza əsaslanaraq şəxsi düşüncələrinizə və emosiyalarınıza uyğun şərhlər bildirməyin (məsələn, bu mövzu "LGBT-dən bəhs edir", "bu onu xain kimi göstərəcək", "bunu azərbaycanlılar oxuyur, uyğun deyil" və s.). Şərhlərinizi qısa və konkret şəkildə təqdim edilmiş faktları ehtiva edən mövzulara və məqalələrə yönəlik tutmağa çalışın. Mövqeyinizi ifadə edərkən aşağıdakı şablonlardan istifadə edə bilərsiniz.
| Simvol | Kod | Hazırdır? | Açıqlama |
|---|---|---|---|
 |
{{BN-bəli}} | Bəli | Problem yoxdur, hazırdır. |
 |
{{BN-xn}} | Bəli | Hazırdır, oflayn və ya xarici dilli mənbə xoşniyyətlə qəbul edilib. |
| |
{{BN?}} | Sual | Faktla bağlı dəqiqləşdirilməli olan problem var. |
 |
{{BN-bəlkə}} | Bəlkə | Təsdiqlənməsi üçün düzəlişlər lazımdır. |
 |
{{BN-xeyr}} | Xeyr | Uyğun deyil. |
 |
{{BN-təkrar}} | Xeyr | Təkrar faktdır. |
- Namizədlik ver
- Cari namizədliklər (arxivlər üçün bura baxın)