Vikipediya:Bilirsinizmi bölməsi/iyul, 2014-cü il
- Azərbaycan riyaziyyatçısı Qasım Mustafayev (şəkildə) Xankəndi Pedaqoji İnstitutunda riyazi analizdən üç dildə (azərbaycan dili, rus dili və erməni dili) mühazirələr oxuyurdu.
- Kiribati dilinin əlifbasında 13 hərf vardır.
- Rusiyanın Slyudyanka dəmiryol vağzalının binası yerli ağ mərmər daşlardan tikilmişdir.
- Bakı Dövlət Universitetinin ilk azərbaycanlı rektoru (sayca dördüncü) Tağı Şahbazi Simurq (1926-1929-cu illərdə) olmuşdur.
- İnsanlar bəzən özləri də hiss etmədən açıq gözlə yata bilərlər.
- Uzun müddət qalması üçün çayı quru, sərin və havası təmizlənmiş yerdə saxlamaq lazımdır. Saxlanma şərtlərinə riayət etdikdə, çay illərlə daha möhkəm, içki isə dadlı və ətirli olur.
- Diş insan orqanizminin ən bərk hissəsidir.
- Boliviyada saat əqrəbləri hökumətin qərarına əsasən sağdan sola doğru hərəkət edir (şəkildə). Dəyişiklik ilk dəfə ölkənin paytaxtı olan La-Pas şəhərindəki parlament binasının üzərindəki saatda edilib
- ABŞ patent bürosunda xorultu ilə mübarizə üzrə 186 ixtira qeydə alınıb.
- İndiki formada çemodanı ilk dəfə XIX əsrdə Parisdə Lui Vitton adlı usta hazırlayıb.
- Orta əsrlərdə elmlə məşğul olan şəxslər saray əyanları kimi xüsusi imtiyazlara malik olurdular.
- Qar yağdığı üçün hava soyuq olmur, əksinə qar soyuğu azaldır.
- Alimlər bir müddət fillərin skeletinin harada yerləşdiyini tapa bilmirdilər. Sonra aydınlaşdırıldı ki, fil ölümünün yaxınlaşdığını hiss edərək özünü çaya və ya bataqlığa atır.
- Madlen Olbrayt ABŞ-ın ilk qadın dövlət katibidir.
- Əsas iqlim göstəriciləri temperatur, yağıntı və hakim küləklərdir.
- Berlin divarının uzunluğu 155 кm, o cümlədən Berlin ərazisində 43,1 кm idi.
- 1920-1954-ci illərdə fəaliyyət göstərmiş Moskva Şərqşünaslıq İnstitutu bir müddət Nəriman Nərimanovun (şəkildə) adını daşıyıb.
- Yarandığı dövrdən fəaliyyət göstərən ən qədim universitet 859-cu ildə Mərakeşin Fes şəhərində yaranan Əl-Qarauin Universitetidir.
- Azərbaycanda ilk marka Azərbaycan Demokratik Respublikasının yaranması münasibətilə 1919-cu ilin oktyabrında çap olunmuşdur. Həmin markanın üzərində əlində üçrəngli bayraq olan əsgər təsvir olunmuşdur.
- Sinqapur 1 şəhərdən ibarət olduğuna görə urbanizasiyanın səviyyəsi 100%-dir.
- Okeanların orta dərinliyi 3900 metrdir.
- 1959-cu ildə amerikalı A.Sfredd kvadrat təkər üçün patent alır. Belə təkərlər qarda, qumda və palçıqda 60 кm/saat sürətlə hərəkət edə bilir.
- Atmosferin aşağı qatlarındakı toz hissəcikləri Yer mənşəli (yanma məhsulları, vulkan tozu, bitki toxumu, bitki tozcuğu, duz dənəcikləri), üst qatda isə kosmik mənşəlidir.
- İlk stadionlar Qədim Yunanıstanın Olimpiya, Afina və s. şəhərlərində tikilmişdir.
- Aydın gecədə səmada adi gözlə 6 minədək ulduzu görmək mümkündür.
.svg)
- 622 il davam edən Osmanlı İmperiyasında (şəkildə onun gerbidir) bir nəsildən olan 36 sultan hökmranlıq etmişdir.
- Kimyəvi tərkibinə görə insan, hеyvan, bitki və mikrооrqanizmlərin hüceyrələri еyni maddələrdən ibarətdir, ancaq nisbətlər müxtəlifdir.
- 11 aprel 2001-ci ildə Avstraliya ilə Amerika Samoası milli futbol komandaları arasında 2002-ci il dünya çempionatının təsnifat oyunu Avstraliyanın xeyrinə 31:0 hesabı ilə bitmişdir.
- Müasir ərəb dili faktiki müstəqil dil hesab edilə bilən 5 dialektdən ibarətdir.
- İtaliyada polis orqanları beş nazirlik arasında bölünüb.
- Təbiətdə suyun adi su və "ağır su" kimi iki növü vardır.
- ABŞ-ın Ohayo ştatında yaşayan müəllimə Kristi Harpın yetişdirdiyi balqabağın kütləsi 782,5 kiloqram olub.
- Dünyada ən uzun metro xətləri Şanxay (538 кm) və Pekin metropolitenidir (465 кm).
- Danimarkada şəhər statusu alınması üçün yaşayış məskənində 250 nəfərin yaşaması kifayət edir.
- İnsan meymun, şimpanze, qorilla ve oranqutan ilə birlikdə, Hominioidea üstqrupunda yerləşən cüt ayaqlı primatdır.
- Hazırda dünyada 350-dən artıq müxtəlif əlifbadan istifadə olunur.
- Riyaziyyatda mənfi rəqəmlər anlayışı borcları hesablamaq üçün orta əsrlərdə yaranıb.
- Ən qədim qayçı (şəkildə) Qədim Roma ərazisində arxeoloqlar tərəfindən tapılıb. Onun 3-4 min il hazırlandığı müəyyən edilib.
- Çətirdən ilk dəfə e.ə. 1200-cü illərdə Misirdə dini anlamda istifadə edilib.
- Şimali Afrika və Ərəbistan səhralarında bir neçə il ərzində yağış düşməyən yerlər vardır.
- "Qəzet" adı italyan xırda pul vahidi qaseta ilə bağlıdır.
- Körpü bəşəriyyətin ən qədim ixtiralarından biridir.
- Materiklərin dəniz səviyyəsindən orta hündürlüyü 860 metrdir.
