Vikipediya məqalələrindən Peru haqqında məlumatlar...
- Perunun 1990-2000-ci illər arasında prezidenti olmuş Alberto Fuximori əslən yapon idi.
- And platosunda yerləşən və XIV əsrdə inşa olunmuş Maçu Piçu Dünyanın yeni yeddi möcüzəsindən biri hesab olunur.
- Dünyanın ən böyük quşu hesab olunan And kondorunun ana vətəni Perudur. Ortalama çəkiləri 10-15 kq, qanadlarının genişliyi isə 274-310 sm-ə çatan bu quşlar qanadlarını belə çırpmadan saatlarla uça bilirlər.
- Perunun cənub hissəsində, Naska dağ yamacında nəhəng həndəsi və fiqurlu geoqliflər olan Naska xətlərinin hansı şəraitdə və kim tərəfindən yaradılığı naməlumdur.
- Naska səhrasından yarım saatlıq məsafədə yerləşən Çauçilla qəbiristanlığı dünyadakı ən qəribə məzarlıqlardan biri sayılır. Belə ki, burada insanlar oturaq formada dəfn olunublar.
- And dağlarının Kordilyer-Blanka silsiləsində, Perunun Ankaş bölgəsində yerləşən Uaskaran Milli Parkı ölkənin ən hündür zirvəsinə ev sahibliyi edir. 6.768 metr hündürlüyə malik Uaskaran dağı bu milli parkın ərazisindədir. Qoruq ərazisi UNESCO tərəfindən ümumdünya irsi siyahısına daxil edilib.