Vikipediya məqalələrindən
- Yaponiyada yerləşən Matsumoto qəsri (şəkildə) qara rəngli fasadına görə "Qarğa qəsri" ləqəbi ilə tanınır.
- 1897-ci ildə Eymos Dolbear tərəfindən təklif olunmuş Dolbear qanunu havanın temperaturu ilə çəyirtkələrin cırıldama sayı arasında əlaqəni göstərir.
- ABŞ prezidenti Corc Buş brokkolidən nifrət etdiyi üçün ABŞ Meyvə-Tərəvəz Assosiasiya tərəfindən birinci xanım Barbara Buşa bir buket brokkoli və 10 tonluq brokkoli ehtiyatı bağışlanılmışdı.
- Meksikanın Duranqo ştatında yerləşən Səssiz zona radio siqnallarının qəbul edilə bilməməsi və rabitə vasitələrinin işləməməsi ilə bağlı olan şəhər əfsanələrinə görə Bermud üçbucağı ilə müqayisə olunur.
- 1777-1934-cü illərdə yaşadığı güman olunan və 157 yaşında ölən Zaro Ağanın Türkiyə tarixində ən uzunömürlü şəxs olduğu iddia olunur.