Vikipediya məqalələrindən İslandiya haqqında məlumatlar...
- 306 min insanın ana dili olan island dilindən Azərbaycan dilinə cəmisi iki söz keçib. Həmin sözlər Qeyzer və Saqa sözləridir.
- Vatnajökull Milli Parkı Avropanın ikinci ən böyük milli parkıdır. 14,141 km sahəsi olan Milli Park ölkə ərazisinin 14% -ni əhatə edir.
- İslandiya adası 1627-ci ilin 20 iyun tarixindən 16 iyul tarixinə qədər Osmanlı donanmasının işğalında qalmışdır. Kiçik Murad Rəisin rəhbərliyindəki donanma səfərin sonunda adada yaşayan 400 nəfəri əsir edərək Əlcəzairə gətirmişdir. Həmin səfər tarixdə İslandiya səfəri olaraq bilinir.
- Dünyada ilk parlament İslandiyada açılmışdır. Altinq 930-cu ildən ölkənin əsas qanunverici orqanı olaraq fəaliyyət göstərir.
- İslandiya Qütb tülküsünün vətənidir. Son 100 ildə tülkülərin sayında azalma baş verib. Belə ki, Beynəlxalq Təbiətin və Təbii Sərvətlərin Mühafizəsi Birliyinin qorunan heyvanlar siyahısında olan bu tülkülərdən adada 8-10 min civarında qaldığı təxmin edilir.