Vikipediya məqalələrindən Namibiya haqqında məlumatlar...
- Namibiyada 30 min civarında alman əsilli şəxs yaşamaqdadır. Namibiya almanları buraya ilk dəfə 1883-cü ildə köçməyə başlamışdılar.
- 1884-1919-cu illərdə Namibiya Almaniya Cənub-Qərbi Afrikası olaraq tanınırdı. Birinci Dünya Müharibəsi zamanı Cənubi Afrika Respublikasının qoşunları alman qüvvələrini məğlub edərək regionu ələ keçirmiş, Millətlər Liqasının qərarı ilə ərazi CAR-ın mandatı kimi tanınmışdır.
- Namib səhrasında yerləşən Kolmanskop adlı kabus şəhər Afrika qitəsindəki az saydakı kabus şəhərlərdən biridir. Şəhər, XIX əsrdə ərazidəki alman fəhlələrin yaşaması üçün salınmışdır.
- Hoba meteoriti 60 ton çəkisi ilə dünyada tapılmış ən ağır meteoriti kimi tarixə düşüb. Qrootfonteyn qəsəbəsi yaxınlığındakı fermada sərgilənə səma cismi hər il minlərlə turisti özünə cəlb edir.
- Namibiya Prezidenti Haqe Qotfrid Qeynqob Qoşulmama Hərəkatına üzv ölkələrin dövlət və hökumət başçılarının XVIII Zirvə Görüşündə iştirak etmək üçün 2019-cu ilin 24 oktyabr tarixində Azərbaycan Respublikasına səfərə edib.