Vikipediya məqalələrindən Yaponiya haqqında məlumatlar...
- Fransada fəaliyyət göstərmiş nüvə fiziki Toşiko Yuasa Yaponiyanın ilk qadın fiziki hesab olunduğu üçün "Yaponiyanın Mariya Kürisi" adlandırılır.
- Yaponiyada geniş istifadə olunan məktəbli çantası növü olan randoseru XIX əsrdə Niderlandda istifadə olunmuş hərbi çantalar əsasında yaradılmışdır.
- Yaponiyanın Yamaqata prefekturasının Tsuruoka şəhərində yerləşən və dünyanın ən böyük meduzariumu olan Kamo Akvariumu 2012-ci ildə dünyanın ən zəngin meduza kolleksiyasına malik yer kimi Ginnesin Rekordlar Kitabına düşmüşdür.
- Yaponlarla yəhudilərin qohumluq nəzəriyyəsini populyarlaşdırmış missioner Nikolas Makleod on illərlə "əsl israilliləri axtarmaqla" məşğul olmuş, nəzəriyyəsinin doğruluğuna sübut kimi İmperator Cimmu ilə Musa arasında bənzərlikləri, bəzi yaponlarda yəhudilərə xas üz cizgilərinin olmasını və şintoizmlə iudaizm arasındakı oxşarlıqları göstərmişdir.
- Edo dövrünün Yaponiyasında müştərilər restorandan çıxarkən əllərini norenə sürtüb təmizləyirdilər, buna görə də noren nə qədər çirkli idisə, restoran bir o qədər yaxşı və bol müştərisi olan restoran hesab olunurdu.