Vikipediya:Bərpa üçün namizəd səhifələr/Arxiv/2024 Avqust

İstifadəçi:Aslanmurad0v/Qaralama  • ( müzakirə | qeydlər | keçidlər | izlə | SNS-də axtar)  • [versiyalar]

Ülvi Məmmədov haqqında daha öncə məqalə əlavə edilib və silinib. Səbəbini bilmirəm. Yenidən onun haqqında məqalə yazmaq istəyəndə əvvəlcədən silindiyi üçün yenə silinir. Qaralamamda istədiyim məqaləni yazdım. Qaralamadan çıxıb aktiv olaraq yayımlanmasını istəyirəm. İstifadəçi:Aslanmurad0v/Qaralama Aslanmurad0v (müzakirə) 11:21, 19 avqust 2024 (UTC)

  Şərh: Məqaləni ensiklopedik saymaq olar, müxtəlif böyük turnerlərdə uğurları var. Mənbələr azlıq təşkil edir bundan əlavə olaraq məqalə Stil kitabçasına uyğun deyil məqalə üzərində işlər aparılmalıdır. Ancaq bəzi məlumatlarda mənbə yoxdurş - Aylanabi (müzakirə) 09:20, 31 avqust 2024 (UTC)

VP:SK Uyğun düzəliş edin və daha sonra ensklopedik meyyarlara cavab verən istinad ilə mənbələr əlavə edin zəhmət olmazsa. @Aslanmurad0v Redivy (müzakirə) 11:36, 8 sentyabr 2024 (UTC)

Yekunlaşdırma: Konsensus əldə olunmadı. --Sura Shukurlu (müzakirə) 18:51, 30 dekabr 2024 (UTC)

Qaralama:Əvəz Əlibəyov  • ( müzakirə | qeydlər | keçidlər | izlə | SNS-də axtar)  • [versiyalar]

Haqqında ruviki və gürcü dilindəki vikipediyada məqalə var. Həmçinin uyğun düzəlişləri etdim, şablonu düzgünü ilə əvəz etdim, aldığı mükafatlar haqqında azvikidə məqalə və şablon yox idi, onları yaradaraq bu məqalədə də istifadə etdim, cümlə quruluşlarını vikiləşdirdim, bəzi yeni məlumatları əlavə etdim, istinadlar əlavə etdim. Əvəz Əlibəyov Çar Rusiyası və SSRİ-nin bir çox əhəmiyyətli medal və ordenləri təltif olunmuş, uzun döyüş yolu keçmiş, müxtəlif ordularda komandanlıq etmiş hərbçidir və düşünürəm ki, ensiklopedikdir. Bunu Azərbaycan Sovet Ensiklopediyasında haqqında məqalə olması da bir daha təsdiqləyir. -- Rüfət Həsənli 19:25, 21 avqust 2024 (UTC)

Salam. Mənbələri artırma imkanınız var? ASE təkcə özü-özlüyündə birbaşa ensiklopediklik üçün yetərli mənbə deyil. Hörmətlə, Qədir (müzakirə) 19:37, 21 avqust 2024 (UTC)

Rusların elektron kitabxanalarından tapdım indi bir neçə mənbə. Mükafatlarına dair etibarlı mənbədir. İndi əlavə edərəm. -- Rüfət Həsənli 20:48, 21 avqust 2024 (UTC)

Təşəkkürlər, mümkündürsə ASE-nin mənbələrini də {{Cite encyclopedia}} şablonu ilə uyğunlaşdırın. Hörmətlə, Qədir (müzakirə) 20:58, 21 avqust 2024 (UTC)

  Bərpa olunsun: Məqalə indiki vəziyyətdə ensiklopedik olduğunu düşünürəm məqalə üzərində işlər aparıldığı və qaydalara uyğun tərtib olunduğu görsənir - Rosh060 (müzakirə) 05:40, 23 avqust 2024 (UTC)

  Bərpa olunmasın: ensiklopedik heç bir fakta rast gəlmədim. mənbələr tapmaq şəxsi ensiklopedik etmir axı Atakhanli (müzakirə) 09:57, 23 avqust 2024 (UTC)

@Atakhanli şəxsin aldığı mükafatların coxluğuna nəzər yetirin düşünürəm ki həmin dövürdə say seçmə döyüşcülər alıb o mükafatları - Rosh060 (müzakirə) 10:25, 23 avqust 2024 (UTC)

Bu halı ilə, yəni sırf bu mükafatlara görə mən də bərpasına isti baxa bilmirəm, fəaliyyəti ilə əlaqəli geniş mənbələr əlavə olunarsa fikrimi təkrar nəzərdən keçirə bilərəm. Hörmətlə, Qədir (müzakirə) 10:32, 23 avqust 2024 (UTC)

@Atakhanli, @Gadir, rusların mənbələrindən tapdığım məlumatları da əlavə etdim. O qədər orden və medalı heç nədən vermirlər axı :)

"Georgi" orden və medalları kiçik rütbəli zabitlər üçün ən yüksək dövlət mükafatlarındandır. Həm, deyə bilərsiniz ki, ümumi sovet və çar Rusiyası dövründə çox nəfərə verilmiş mükafatlardır, fəqət azsaylı azərbaycanlıya verilib. Həmçinin hər iki imperiyanın yüz milyonlarla əhalisi olduğunu da nəzərə almalı. -- Rüfət Həsənli 18:52, 23 avqust 2024 (UTC)

  Şərh: bəli cox saylı Azərbaycanlı hənin dövürdə bu qədər mükafat alıb sadəcə məalədə mənbə və məlumat azlığı var - Rosh060 (müzakirə) 07:25, 24 avqust 2024 (UTC)

•   Bərpa olunmasın: Şəxs ayrılıqda heç bir mənbənin diqqətində olmayıb və əhatə edilməyib. Ensiklopedikliyi ödəyən bir şəxs haqqında hər hansı faktın təsdiqlənməsi üçün ASE yaxşı mənbə ola bilər, amma ASE-də məqaləsi var deyə şəxs birmənalı ensiklopedikdir deyə bir şey yoxdur. Mükafata isə gəldikdə, birbaşa ensiklopedik edə biləcək mükafat deyil, yəni sırf bu mükafata görə heç bir şəxs birmənalı ensiklopedik hesab edilmir. Mükafat alıb, və ya çox mükafat alıb deyə şəxsin fəaliyyətini əhəmiyyətli hesab etmək isə tamamilə subyektiv fikirdir. Ensiklopedikliyə isə öz fikir və dəyərləndirmələrimiz ilə qərar vermirik. Ensiklopedik olmaq üçün ya ümumi meyarlar ödənməli, şəxsin mənbələrin diqqətində olduğu sübut edilməli, ya da şəxs xüsusi şərtləri ödəyən, onu birbaşa ensiklopedik edə bilən mükafat, vəzifə, və s. sahib olmalıdır. Bu şəxs üçün heç biri ödənilmir. --Sura Shukurlu (müzakirə) 20:21, 24 avqust 2024 (UTC)

  Sıravi əsgərlərdən fərqli olaraq süvari diviziyanın komandiri olmuş, uzun döyüş yolu keçmiş, bu döyüşlərdəki iştirakına görə həm Çar Rusiyası, həm SSRİ dövründə dəfələrlə mükafat, medal və ordenlə təltif olunmuşdur. Vəzifəsi ilə yanaşı, rütbəsi də kifayət qədər yüksək olmuşdur. Haqqında birçox mənbələrdə ətraflı məlumatlar da var. -- Rüfət Həsənli 18:12, 9 sentyabr 2024 (UTC)

  Şərh: - Mənbələri artırdım, yeri gəlmişkən, RF və SSRİ arxivlərində onunla bağlı sənədlər qeyd olunduğu üçün etibarlı mənbələrdir. Üslub olaraq təkmilləşdirdim, ensiklopedik əhəmiyyətə malik bir neçə cümləni əlavə etdim. -- Rüfət Həsənli 21:23, 1 sentyabr 2024 (UTC)

konkret olaraq hansı cümlələr? Atakhanli (müzakirə) 23:59, 1 sentyabr 2024 (UTC)

Xarkov əməliyyatı ilə bağlı hissə. Mayın 17-si olan döyüşdəki rəşadətinə görə, hətta medalla da təltif olunub. Həmçinin digər məlumat və mənbələri də nəzərdən keçirməyiniz, Vəhşi diviziya və Birinci Süvari Ordu barədə araşdırmağınızı tövsiyə edərdim. -- Rüfət Həsənli 18:08, 9 sentyabr 2024 (UTC)

Mükafatları cədvəldə verməyə gərək yoxdur, məqalənin əsas hissəsini o cədvəl tutur, diqqət ona yönəlir daha çox. Sadə şəkildə verin. Mükafat vərəqini də yerləşdirməyə ehtiyac yoxdur, çünki fayl kimi əhəmiyyəti yoxdur. Vikianbara şəxslə bağlı fayllar əlavə olunub və keçid edilib onlara baxıla bilər. Məqaləyə uyğun fayl var, uyğun olmayan var, yeri var, hamısı necə gəldi əlavə olunmalı deyil. Hələ iş gedir şablonu da olsa məqalədə, bunları da bildirim dedim. Hörmətlə, Qədir (müzakirə) 00:29, 2 sentyabr 2024 (UTC)

Şəkil kateqoriyası ilə bağlı dediklərinizi edə bilmirəm, təəssüf ki. Yardım etsəniz, çox məmnun olaram. Amma qalan şeyləri düzəltdim. -- Rüfət Həsənli 18:01, 9 sentyabr 2024 (UTC)

@Turkmen, @Nemoralis, @Araz Yaquboglu, @Əhməd Qurbanov, zəhmət olmasa, fikir və tövsiyələrinizi bildirə bilərsiniz? Öncədən təşəkkürlər. -- Rüfət Həsənli 15:03, 14 sentyabr 2024 (UTC)

@Rüfət Həsənli ensiklopedik deyil, niyə dirəşirsiz?) Atakhanli (müzakirə) 16:14, 14 sentyabr 2024 (UTC)

  Bərpa olunsun: ensiklopedikliyini təmin edən bir şeylərlə qarşılaşmadım - Hersoq01 (müzakirə) 11:59, 15 oktyabr 2024 (UTC)

@Hersoq01 deyəsən texniki səhv etmisiz şablon istifadəsində Atakhanli (müzakirə) 16:47, 15 oktyabr 2024 (UTC)

Salam @Dəyərli Qardaş şablonda səhv etdim diqqət göstərib məlumat verdiz mənə mən də düzəldəcəm - Hersoq01 (müzakirə) 10:16, 1 noyabr 2024 (UTC)

  Bərpa olunmasın: Şəxs ensiklopedik deyil. Yousiphh (müzakirə) 21:57, 15 yanvar 2025 (UTC)

• Şəxsin böyük fəaliyyəti var, amma 1917-ci ildən 1925-ci ilə qədər Qırmızı Orduya xidmət etməsi AXC dövrünə də təsadüf edir. Amma bu ayrı mövzudur. Mükafatlarına gəlincə o zaman gərək mən də nənə və babamın vikipediyalarını yaradım çünki orden və medallarına görə bu şəxsdan geri qalmırdılar. Amma dərk etmək lazımdır ki, onların fəaliyyəti ensiklopedik deyil. Konkret hər hansı bir hadisə ilə yadda qalmayıb , ümumi döyüşlərdə iştirakı və qələbələri onu ensiklopedik etmir məncə. PinkEmaa (müzakirə) 19:09, 13 fevral 2025 (UTC)

 N Məqalənin bərpa edilməsindən imtina edildi.--Turkmen ^müzakirə 09:10, 15 fevral 2025 (UTC)

Qaralama:Sədaqət Hüseynova  • ( müzakirə | qeydlər | keçidlər | izlə | SNS-də axtar)  • [versiyalar]

Məqalə 3 ay əvvəl SNS-ə təqdim olunub. Əvvəl təqdim olunanda Cv formatında olduğu və PR məqaləsi tipində hazır olunduğu və yalan məlumatların olduğu qeyd olunub. Məqalə üzərində işlər apardım yenilədim əvvəlki versiyada olan problemləri aradan qaldırdım. Şəxs professor (tibb elmləri doktorudur), Tərəqqi medalı ilə təltif olunub. Fəaliyyət barədə kifayət qədər mənbələr mövcuddur. Həmçinin şəxsin kifayət qədər elmi əsərləri var. Azərbaycan üzrə tanınan həkimlər sırasındadır. -- ☞QRAF☜   (✉ → ♕) 07:06, 23 avqust 2024 (UTC)

  Bərpa olunsun: Bu şəxs haqqında kiçik araşdırma etdim . Şəxsə pezident tərəfindən tərəqqi medalı verilib düzdür bu ensklopedik etmi yalnız şəxsin rəhbəri olduğu yerlər elmi işləri və ümümi fəaliyyəti şəxsin ensklopedik olmasına zəmn yaradır. Mənbələr də coxluq təşkil edir. Tibb elmləri doktorudur. bu bu bu bu bu bu və bu kimi Tibb elmləri doktorından hansı səbəb ayırır? Faəliyyətinə nəzər salsaq bir coxundan cox işlər görüb - Rosh060 (müzakirə) 07:41, 24 avqust 2024 (UTC)

•   Bərpa olunmasın: Heç bir ikincidərəcəli müstəqil mənbə şəxsin fəaliyyətini araşdırıb əhəmiyyətli dərəcədə əhatə etməyib. Yalnız məqalədəki kimi bəzi faktların yoxlanila biləcəyi və başqa mövzu haqda yazılaraq şəxsin adının keçdiyi xəbərlər var. Məqalənin özündən də göründüyü kimi, şəxsin həyat və fəaliyyətinin əhəmiyyətli bir hissəsi mənbəsizdir. Məqalədəki faktlar arasında da şəxsi birbasa ensiklopedik edə biləcək əhəmiyyətdə iddia yoxdur. Tərəqqi medalı şəxsləri təkbaşına ensiklopedik edə bilmir. Elmi dərəcə və ad da şəxsləri ancaq xüsusi əhəmiyyətli və mənbələrdə əhatə edilmiş elmi fəaliyyət ilə dəstəkləndikdə ensiklopedik edə bilir. Ensiklopediklik cəmiyyət tərəfindən yox, ikincidərəcəli mənbələr tərəfindən tanınmaya əsaslanır, o da göründüyü kimi mənbələr tərəfindən tanınmayıb. --Sura Shukurlu (müzakirə) 11:02, 1 oktyabr 2024 (UTC)

    Bərpa olunsun: @Sura Shukurlu ümümiyyətlə sizin yazdıqlarınıza baxıram, heç bir əsaslı göstərici yoxdur. Yada məqaləni qeyriensiklopedik edəcək əsaslı qaydaya uyğun bir yazıya da rast gəlmədim. Ümumiyyətlə mənim aşağıdakı məqaləyə fikr bildirdikdən sonra mənim təqdim etdiyim məqaləyə fikr bildirməyiniz bir az qəribə gəldi ümümi qərəz qoxusu gəlir. səs ovu fikri həm də qaydalara uyğun Elmlər Doktoru məqaləsinə heç bir qaydadan əsas olmayaraq əksinə yazılar bir az qəribədir mənə qarşı bu qərəz haradandır? hələ də təəccüblü qalıb məndə -- ☞QRAF☜   (✉ → ♕) 10:06, 2 oktyabr 2024 (UTC)

  Heç bir əsaslı göstərici yoxdur dediyiniz şey birbaşa qaydalarda yazılıb: VP:EƏ, VP:ŞEƏ. Zəhmət olmasa xoşniyyətli davranın. Nemoralis (müzakirə) 10:31, 2 oktyabr 2024 (UTC)

  Bu qaydaları başa düşdüm bir Elmlər doktorunun ensiklopedikliyini təmin etməyən nə var şəxsdə ? Elmi əsərlər desən var, ixtiralar desən var, təsiscilik desən var, mükafatı desən o da var. Başqa nə olması lazımdır ? Kifayət qədər beynəlxalq kongreslərdə ön planda olan bir Elmlər doktorudur @Rosh060-un da qeyd etdiyi kimi fərq nədədir, digərlərindən fərqi nədir ki bu Şəxsin? Bir daha qeyd edirəm burada sadəcə və sadəcə qərəz var. Hörmətlə: ☞QRAF☜   (✉ → ♕) 17:31, 2 oktyabr 2024 (UTC)

    Bərpa olunsun: şəxsin fəaliyyət yolu onu ensiklopedik edir - Hersoq01 (müzakirə) 12:00, 15 oktyabr 2024 (UTC)

  Bərpa olunsun: Tibb elmləri doktoru, professor Sədaqət Hüseynova tanımış tibb işçisidir. Öz sahəsində uğurlu kadrdı. Düzdü Tərəqqi medalı ilə təltif olunub amma gələcəkdə daha yaxşı medal, fəxri adlara layiq görüləcək. Təkcə tərəqqi medalına görə ensiklopedik deməyək. Və Fəaliyyətinə baxanda onun əsil ensiklopedik olmasını görmək olar Turan Etibaroğlu ^müzakirə 21:35, 28 oktyabr 2024 (UTC)

•   Şərh: hamı "bərpa olunsun"a səs verib, yaxşı, bəs məqalə üzərində kimin işləməyini gözləyirsiniz? artıq neçənci haldır ki, təkrarlanır yenə. məqalənin vəziyyəti əvvəlkindən fərqlənmir, yenə elə bil hansısa CV-di. Hörmətlə, Qədir (müzakirə) 03:37, 26 dekabr 2024 (UTC)

  @Gadir, eyni ilə razıyam. Həmin nəzərdə tutduğunuz məqalənin o vəziyyətdə bərpası və ümumiyyətlə bərpası yolverilməz idi, amma təəssüf ki, elə bürokratın əliylə yol verildi. Sura Shukurlu (müzakirə) 19:27, 30 dekabr 2024 (UTC)

  @Gadir yenidən üzərində müəyyən qədər işlər apardım düşünürəm bu formada CV formatında kənardadır -- Hörmətlə: QRAF☠   (✉ → ♕) 06:00, 8 yanvar 2025 (UTC)

•   Bərpa olunmasın: Məqalədə qeyd olunub ki,"240-dan çox dərc olunmuş elmi əsərin, o cümlədən 6 ixtira və səmərələşdirici təklifin müəllifidir." Mənbə kimi [[1]] əlavə edilib və mənbəyə daxil olan zaman nə əsərlər haqqında nətə ixtiralar haqqında detallar yoxdur,həmçinin heç bir ikincidərəcəli müstəqil mənbə şəxsin fəaliyyətini araşdırıb əhəmiyyətli dərəcədə əhatə etməyib. Redivy (müzakirə) 08:41, 2 fevral 2025 (UTC)
• Hər hansı bir elmi ixtirası və ya ilk dəfə hər hansı bir elmi araşdırması ilə tanınmayıb. Mən dünən azərbaycancaya Robert Lansın məqaləsini tərcümə etdim. Lans birmənalı şəkildə qəbul edilməsə də, hər halda ilk dəfə olaraq müəyyən bir nəzəriyyəsi ilə tarixə düşüb və ensiklopedik sayılır. Amma bütün elmlər doktoru, professorların ensiklopedik olub-olmadığını isə təcrübəli istifadəçilər məndən yaxşı bilərlər hər halda.PinkEmaa (müzakirə) 19:24, 13 fevral 2025 (UTC)

 N Ümumi qərara əsasən bərpadan imtina edildi.--Turkmen ^müzakirə 09:11, 15 fevral 2025 (UTC)

Həmkarlar, bu səhifəni təqribən 1 il əvvəl silinməyə təqdim etmişdim. Düşünürəm ki, səhifənin bərpa edilib-edilməməsi ilə bağlı yenidən müzakirə aparmaq olar. Birmənalı şəkildə hansısa bəndə əsaslanmasaq da, ensiklopediklik üçün müəyyən göstəricilərin olduğunu düşünürəm. Məsələn, rəhbərlik etdiyi "ABAD" PHŞ birbaşa dövlət başçısı tərəfindən yaradılıb və ölkənin, demək olar, bütün regionlarını əhatə edir. Tərkibində hotel fəaliyyət göstərir və məhsulları xarici bazara çıxarılır. Bundan əlavə, tərkibində çoxsaylı etnobutiklər, eləcə də istehsal müəssisəsi var ki, onların açılışda Azərbaycan və Türkiyənin dövlət başçıları, birinci xanımları iştirak ediblər: [2] [3] [4].

Bu göstəricilərin təkcə "ABAD"a deyil, həm də yaradıldığı gündən indiyədək ona rəhbərlik edən Rüfət Elçiyevin də fəaliyyətinə şamil olunduğunu düşünürəm. Bu baxımdan səhifəni müzakirəyə təqdim edirəm.

PS: Səhifənin silinib-qalmasında xüsusi marağım yoxdur, yekun qərar fikir bildirən icmanındır. — Toghrul R (m) 10:24, 25 avqust 2024 (UTC)

  Bərpa olunsun: ABAD və mükafatları şəxsi ensiklopedik edir. Fəaliyyətininə də baxsaq bərpa olunmsı uyğundur ~ Aylanabi (müzakirə) 11:40, 25 avqust 2024 (UTC)

  Bərpa olunsun: ABAD qlobala da çıxan çox böyük və özünü doğruldan Azərbaycan məhsuludur. mən də eyni fikirdəyəm. bu arada qurumun Şəkidəki Keramika və Tətbiqi Sənət Mərkəzi də ayrıca ensiklopedik mövzudur. Şəkinin Avropa Keramika Marşrutuna daxil edilməsində xüsusi rolu olub. Cənubi Qafqazda ilk Keramika Mərkəziymiş. binası da tarixidir. (indi axtaranda gördüm ABAD-ın Nardaranda da Keramika və Tətbiqi Sənət Mərkəzi varıymış) Atakhanli (müzakirə) 13:27, 25 avqust 2024 (UTC)

  Şərh: Şəxsin medlları *Abad üçün verilməyib və fəaliyyətində yalnız gömrük ilə bağlı olan işlə əlaqəli təltiflər yer alır. Belə olan halda tək *Abad məqaləsinə görə şəxs ensklopedikdir ? Redivy (müzakirə) 10:11, 27 avqust 2024 (UTC)

@Redivy əslində haqlısız. fəaliyyəti bölməsində ABAD başlığı yaradıb oraya fəaliyyətlərini əlavə etdim. düşünürəm ki, indi məqalə CV formasından çıxdı. @Toghrul R gələcəyinə dekorativ-tətbiqi xalq sənətkarlığı ilə bağlı layihələri də əlavə olunsa daha yaxşı olar. Atakhanli (müzakirə) 22:16, 28 avqust 2024 (UTC)

Mükafatlar ensiklopedik deyil Dr.Wiki54 (müzakirə) 12:14, 5 sentyabr 2024 (UTC)

Redivy, ümumiyyətlə dövlət xadiminin ensiklopedikliyini mükafatları ilə dəyərləndirmək doğru deyil. Bu cür şəxslər uzağı tərəqqi medalı almış ola bilər, bu da ensiklopedik yükdə deyil, ya da dövlətə xidmətə görə ordeni, hansı ki, bu da ensiklopedik əhəmiyyətə malik deyil. Şəxs Milli Qəhrəman, Vətən Müharibəsi Qəhrəmanı və s. deyilsə mükafatlarına baxmaq doğru yanaşma deyil. Ən yaxşı halda Şöhrət ordeni ala bilər, bu da şəxsi birbaşa ensiklopedik etmir. Bütün hallarda fəaliyyətinə nəzər yetirmək lazımdır, təltiflərinə yox. --Sura Shukurlu (müzakirə) 16:43, 7 sentyabr 2024 (UTC)

@Sura Shukurlu Fikirləriniz ilə razıyam sadəcə məqalədə şəxsi fəaliyyət gömrük orqanları ilə olduğundan və başqa fəaliyyət olmadığından müzakirəni oradan yürütdüm. Redivy (müzakirə) 11:32, 8 sentyabr 2024 (UTC)

  Bərpa olunsun: ABAD-ın direktorudur, fəaliyyəti və təltifləri var. Belə məqalələrin öncədən sns edilçəsi doğru deyil. Yenə də gec deyil, bərpa olunsun. --Araz Yaquboglu (müzakirə) 14:25, 29 sentyabr 2024 (UTC)

  Bərpa olunsun: həm təltifləri həm də fəaliyyəti şəxsi ensiklopedik edir - Hersoq01 (müzakirə) 12:01, 15 oktyabr 2024 (UTC)

  Bərpa olunsun: ensiklopedik şəxs hesab olunur Orucov Əvəz 11:17, 16 noyabr 2024 (UTC)

• Bəlkə mən nəyisə başa düşmürəm amma dövlət məmuru olmaq və ya hər hansı bir idarənin direktoru olmaq nə vaxtdan ensiklopedik sayılıb ki? PinkEmaa (müzakirə) 19:33, 13 fevral 2025 (UTC)

Yekunlaşdırma: məqalənin bərpa edilməsinə qərar verildi. — Toghrul R (m) 08:21, 15 fevral 2025 (UTC)

Qaralama:Vüsal Abdullazadə  • ( müzakirə | qeydlər | keçidlər | izlə | SNS-də axtar)  • [versiyalar]

Salam əziz dostlar. Azərbaycan Karate Federasiyası olaraq,  nəzərinizə çatdırmaq istəyirik ki, böyük uğur və naliyyəti olan (federasiyamızın rəsmi üzvlərinin) vikipediyada yer alması və ya silinmiş səhifələrin bərpası üçün müraciətlərimiz olacaq. Bildirmək istəyirik ki, Dünyada bir çox karate növləri vardır. O cümlədən də Azərbaycanda bir çox karate federasiyaları mövcud olub. Hal-hazırda həmin federasiyaların statusları ləğv edildikdən sonra, bir çoxu (tanınmış üslub və stillər) İctimai Birlik olaraq Azərbaycan Karate Federasiyasının nəzdində fəaliyyət göstərməkdədir. Yəni nəzdimizdə olan bir çox növlər dünyada məşhurdur və hər birinin ayrılıqda dünya və avropa çempionatları keçirilir. Odur ki, bayrağımızı dünya arenalarında dalğalandıran, himnimizi səsləndirən idmançılarımızın hesablarının  yaradılması zamanı qarşılıqlı müzakirələr edərək aktiv edilməsinə köməklik göstərməyinizi xahiş edirik.

Hər hansı bir çatışmayan məlumat, ensiklopedik sayılmayan məlumatlar olduqda müzakirə edək və dərhal məlumatlar silinməsin.

Eyni zamanda " Vüsal Abdullazadə " adlı səhifənin (https://azkf.az/?page_id=7952) bərpasının nəzərə alınmasını xahiş edirik.

Hər hansı bir sual və təklif olarsa, office@azkf.az rəsmi e-mail poçtumuza yaza bilər və ya rəsmi saytımızda göstərilmiş ofis nömrələrimizlə əlaqə saxlaya bilərsiniz. Diqqətinizə görə təşəkkür edirik. AzerbaijanKarate (müzakirə) 23:49, 27 avqust 2024 (UTC)

@Gadir qaralamaya sal zəhmət olmasa. @AzerbaijanKarate salam. İstifdaəçi adınız dəyişib, amma imzanız dəyişilməyib, nizamlamalardan onu da dəyişə bilərsiz. Məqalə(lər)ə gəldikdə. Məqalə müzakirə nəticəsində silinib. Müzakirədəki arqumentlər inadırıcıdı. Dünya çempionatı keçirilməyən ildə necə çempion ola bilər. Məşhurluq da göstərici deyil, əgər yenə də şəxsin VP:İDMANÇI şərtlərinə uyğun olduğunu düşünürsüzsə məqaləyə düzəliş edib və bunları təsdiləyəcək mənbələr əlavə edərək bərpa üçün təqdim edə bilərsiz. — Bikar ^müzakirə 07:27, 28 avqust 2024 (UTC)

Salam. Hər vaxtınız xeyir.

Qeyd etdiyim kimi, ayrı-ayrı məşhur karate üslubları və stilləri üzrə hər il dünya və avropa çempionatları keçirilir. Bu haqda yerli və xarici mediada çoxsaylı məqalələr vardır. Shahriyar94 (müzakirə) 08:05, 28 avqust 2024 (UTC)

Salam. Burada çatışmayan nə varsa deyin qeyd edək zəhmət olmasa. Shahriyar94 (müzakirə) 12:16, 28 avqust 2024 (UTC)

•   Bərpa olunmasın: səbəbini dəfələrlə demişəm. Grenzsoldat 19:44, 28 avqust 2024 (UTC)

  Salam bəy. Səbəb nədir? Tutarlı arqumentlər gətirmişik. Ədalətli və həssas yanaşaq. Shahriyar94 (müzakirə) 21:09, 28 avqust 2024 (UTC)

• Məqalədə qeyd olunan yarış və uğurların qlobal rəsmi mənbələrini təqdim edin zəhmət olmazsa. @Shahriyar94 Redivy (müzakirə) 10:11, 2 sentyabr 2024 (UTC)

  Bütün linklər yerləşdirilmişdir 5.191.123.25 12:23, 26 sentyabr 2024 (UTC)

  @5.191.123.25 Uyğun heçbir qlobal link yoxdur axı sadəcə yerli press məlumatlar qeyd edilib. Redivy (müzakirə) 12:47, 26 sentyabr 2024 (UTC)

  Şərh: Məqalənin istinadları düzgün şəkildə göstərilməyib--A.Aida88 (müzakirə) 17:41, 14 noyabr 2024 (UTC)

•   Şərh: Məqalə üzərində bacardığım dəyişiklikləri etdim, əsas istinadları qaydasına saldım, mətndəki məlumatlara uyğun yerləşdirdim, indi ensiklopedik olub-olmadığını inzibatçılar qərar verərlər. Açığı bu mövzuda tam məlumatlı deyiləm kimlərin meyarlara uyğun gəlib-gəlmədiyini, çünki bu bir az qarışıq mövzudur. Yəni şablon, istinad kimi asan dərk ediləsi qayda deyil. Amma dünya, Avropa çempionu olması dəfələrlə şübhəsizdir. Bunu mənbələr sübut edir. Həmin meyar üzrə ensiklopedikliyi müəyyənləşdirmək gərəkirsə o zaman tam uyğun gəlir. PinkEmaa (müzakirə) 07:07, 14 fevral 2025 (UTC)

 N Ümumi qərara əsasən bərpadan imtina edildi.--Turkmen ^müzakirə 09:20, 15 fevral 2025 (UTC)